FILIPIHEY 2:9 - Bible en langue guiziga

⁹ Vurˀe, Buymisemuŋ a cifaŋ ar li ngi dudok miwãˀ naŋ, yo a caŋ slimiɗ mifineˀ slimiɗey gar,

FILIPIHEY 2:9 ပူးပေါင်းရင်းမြစ်များ

ZLI VIRZI 3:15

I sa ga, ɓa ka ati ngwasa, ki gam mesene, ɓa dideˀ naŋhay ati dideˀ ɗikey a gam mesene. Naŋ a sa njirsluw hirnga, yo ka kwana, kisa humbuɗaŋ avu duɓuk sar.

DIMISEY 110:1

Dimis ngi wuzla dimis ngi Davitey. Bumbulvuŋ, Buymisemuŋ a ɓa buy madiɗa ɗu ani: «Cifi joˀ tir vay hazum ɗu, ɓa mesene ɗikeye, i tiri taŋ li ɗuva sar ɗiki.»

DIMISEY 110:5

Bumbulvuŋ naŋ da tir vay hazum ɗike. Tapas naŋ miji mevel le na, a njirsla buyoyo njirasl njirasl.

DIMISEY 89:27

Naŋ a sa ziliy: «Baha! Buymisemuŋ ɗu! Gidigil muwã milih ɗu!»

DIMISEY 91:14

A ɓi: «I sa lahaŋ, asi naŋ mugumbuˀ avu ya na, yi sa cik vu a hirnga naŋ, asi a si na slimiɗ ɗu le.

EZAYI 52:13

Bumbulvuŋ a ɓi na: «Gwat mawuɗam ngi gi na, gawla ɗu a ga gu, a sa tiri ɗongor, madiɗa, a sa hunumakaŋ hunum muwãˀ naŋ.

EZAYI 53:12

Vurˀe, i sa cufaŋ a wuzla mizli madiɗahay, yo gwat muluma ngir vurumo, a sa lum mi nga naŋ, a wuzla mizli migidaŋhay. Asi i naŋ ti haŋ naŋ tehhe a muŋ muvula hirnga naŋ, hã a mucu, yo a pula vu naŋ, a slufakaŋ a wuzla migi mungrahay, asi mike na, a zuɓa malambaˀ ngi zigiduwo le nga hirnga naŋ, yo a cik vu le ar migi mungraˀahaya.»

EZAYI 9:7

Bumbulvuŋ a ɓi ɓi ngi bonoy le da dideˀ ngi Zakopoyo, amma a mbiɗi nga hirnga zumabuy ngi Israyeley.

DANIYEL 7:14

A vulakaŋ zumabuy, dudok ati li zumabuy. Mizli ngi ruwuyoy, sukwihey ati mi miwal wal gar, ara gam gawla naŋ. Gidaŋ naŋ ngi buyo, i gidaŋ ngi caˀ, masa kiɗ mi ta. Zuma buy naŋ anta sa kiɗ ta ndiɗaˀ.

Matiye 11:27

Baha a vuliy gwataya le gar. Mbur masina Mangal anta, sey Cine. Mbur masina Cine kwana anta, sey Mangal ati mbur naŋ muwuɗ le ɓa a bigaŋ di.

Matiye 28:18

Joˀ Yesu a kirih ng'avi taŋ, a ɓa taŋ: «A vulikiy madiɗa le ngi wa muŋ ati hirwuyo gar.

Ɓimezle ngi Yesu Kristu LUK mitil di mi 10:22

Baha a pula gwataya le gar asi haŋ ɗu. Hana i Mangal na, mbur misina anta, sey Cine. Malla hana i Cine na, mbur misina anta, sey Mangal ati ko wa gar Mangal muwuɗ le ɓa a njikaŋ di.»

Ɓimezle ngi Yesu Kristu ZAŊ mitil di mi 13:3

Yesu a si na le, Cine a pulaŋ gwataya le gar asi haŋ naŋ, a si na le ma, a bo ti vu Buymisemuŋ, yo a mi ng'avi Buymisemuŋ.

Ɓimezle ngi Yesu Kristu ZAŊ mitil di mi 17:11

Zle dana, y'anta ar duniya mata, taŋ a ndiram ar duniya ɓula, amma ya i ra ru ng'avi ka. Baha mipal, jigina taŋ ti gidaŋ ngi slimiɗ ɗik ka miciy di na, ɓa a tiram purla kaɓa ndra mupurla ati ka na ya.

Ɓimezle ngi Yesu Kristu ZAŊ mitil di mi 17:12

Ti ya misi zleˀe ati taŋ na, yi jigina taŋ le ti gidaŋ ngi slimiɗ ɗik ka miciy di na. Yi cik vu le angi taŋ, ko mbur pal mizizi asi taŋ, anta, sey mbur mihĩˀĩ ngi zizi na, ɓa Ɓimutohoko a gi muduba.

Ɓimezle ngi Yesu Kristu ZAŊ mitil di mi 17:5

Wurenna so na, Baha, giy dudok a ciki ɗike, dudok ya misi ti naŋ a ciki ɗik zleˀe, dumbuŋ angi duniya muɗuv virzi t'aruŋ.

SLRA 5:31

Bumisemuŋ a gaŋ le ɗongor tir vay hazum naŋ, i Buy, yo i Milahavu, ɓa a biga jiviɗ ngi mbiɗa mevel da Israyeleye, yo ɓa mungra taŋhay a susuymom avra.

EFESEY 1:10

Ɓi Buymisemuŋ mujuwa a mevele, ɓa a sa ga wãˀ ar kiɗa mi ngi hin na, i naŋ muwuɗ ɓa a jumo gwat ngi muŋhoy ati ngi ruwuyoy kurzluˀ gar arleˀe, ɓa Kristu pal naŋ macifi buy a hirnga taŋ.

KOLOSOY 1:18

Cikil ngi misikristuhoy i dumvu, naŋ i hirnga naŋ. I zli virzi ngi gwat, i modogom mislikiɗ dumbuŋ ti wuzla mumucahay, ɓa a cifi, naŋ i mudumbuŋ a hirnga gwatay gar.

TESALONIKEY MUCUW NAŊ 1:12

Ɓa kahana so na, kisa gaka dudok da Buy ndra Yesu, yo naŋ kwana, a sa gukum di ya. Hana gar a sa gi mbele gimezle ngi Buymisemuŋ ndra ati ngi Buy ndra Yesu Kristu.

HEBEREY 1:4

Mangal ngi Buymisemuŋ, a tiri madiɗa le fineˀ modrohoyo wãˀ. Vurˀe, Buymisemuŋ a caŋ slimiɗ mupuɗaw haɗi fineˀ nga taŋ.

HEBEREY 1:9

Ki wuɗ ɓi mijeŋŋe, ki hirsa ɓi malambaˀa. Aw Buymisemuŋ, Buymisemuŋ ɗike, mupuw mal ngi vula slra na vurˀe. A puw mumul kaɓa mal a hirnga ɗike. I mal mavul mumul, fineˀ ngi cil ɗikeye.»

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.

HEBEREY 2:9

Amma ndra mapurama, i Yesu mima hirnga naŋ nga ruwuy ngi hin neˀ avu modrohoyo, ɓa a si bonoy, a muc vur mizli gar tisi gimezle ngi Buymisemuŋ. Vurˀe, Buymisemuŋ a tuwuɗaŋ gi dudok ati gi ɗongoro le ka loppol.

PIYER MUDUMBUŊ NAŊ 3:22

Yesu Kristu muru nga muŋ, naŋ mujoˀ tir vay hazum ngi Buymisemuŋ na, ara zum buy ar modrohoy, yo ar gwat madiɗahay waɗ ar gwat misi gidaŋ ngi muŋhoy gar.

PIYER MUCUW NAŊ 1:17

Asi ti ˀay ngi Buymisemuŋ mifineˀ gwat gar micino, naŋ miɓaŋ: «Mbur hana, i mangal ɗu, ya mawuɗaŋ, i mbur ya hĩhĩyaŋ ɓa yi winaŋ» na, a lum ɗuva hirnga, waɗ dudok tivu Buymisemuŋ Cine ndra.

ZAŊ MIMAKIR NAŊ 1:7

Asi zuɓa mulak taŋ na, naŋ vur slimiɗ ngi Kristu. A lumam gwat neˀ avu mizli duniyahaya ta.

ƁIMUNJUYO 1:5

Waɗ tivu Yesu Kristu, mbur migi sedewo mikaslsla, modogom mislikiɗ dumbuŋ ti wuzla mumucahay, yo Buy miwi buy madiɗa ngi ruwuyoy. Kristu ara wuɗ ndra, a tuɓo ndra le tivu mungra ndraˀahaya ti pumbus naŋ.

ƁIMUNJUYO 11:15

Modro mitarnaˀ taŋ, a fa tulum naŋ. ˀAy ka ngi mizli a cin ti gidaŋ a muŋ, a ɓam: «Wurenna, zumabuy ngi ruwuyo i ngi Bumbulvuŋ ndra ati Mesi naŋ muduba, yo zumabuy nah a sa ndir hã ngi sete.»

ƁIMUNJUYO 19:16

Avi jibe naŋ, waɗ avu tuwal naŋ na, a tohom slimiɗ anihĩ: «Buy madiɗa ngi buy madiɗahay, Bumbulvuŋ mifina kulihey.»

ƁIMUNJUYO 3:21

Mbur mulum bugawla le na, i sa vulaŋ jiviɗ ɓa a cifi aciki ɗu angi li zumabuy ɗu, kaɓa ya mulum bugawla, ya mura cifi aciki Baha, ar janga nga naŋ buy na ya.

ƁIMUNJUYO 5:12

A ra tilam mi ti gidaŋ, a ɓam na: «Tumuŋ mikiɗaka vagay zleˀe na, a ndila le ter ɓa mizli a vulakaŋ madiɗa, a gi zlili, a lum sinmijileŋ, a lum gidaŋ, a ɗuvakaŋ hirnga, a gakaŋ dudok waɗ a hunumakaŋ.»