FILIPIHEY 2:2 - Bible en langue guiziga

² Da kanah na, gikiy gwat ngi cira hiri wãˀ ti jumoˀay kum purla, ti wuɗavu misi purla, ti mevel purla, yo ngiɓam ˀay.

FILIPIHEY 2:2 ပူးပေါင်းရင်းမြစ်များ

DIMISEY 122:8

Ya mawuɗ sukum ɗuwoy ati ngama ɗuwoy na, yi ɓuw Anja ki ndir zuy zuy.

Ɓimezle ngi Yesu Kristu ZAŊ mitil di mi 3:29

Zil ngi ngwasa, i mbur maɗuvaŋ. Amma ngama ngi zile a cici deŋ, a cin ti cin. ˀAy ngi zil maɓi, a gaŋ mumul haɗa. Ya i mumul kanah ya, a ndila le wãˀ.

SLRA 1:14

Taŋ gar ati ngwas mekelemey ada, yo Mariya mumuŋ ngi Yesu waɗ sukum ngi Yesuhoy, taŋ jom arleˀe, a diram dibiɗ bulaw le ta.

SLRA 2:1

Hin ngi muguzlum Paŋtekot mindilo na, naɓa mitiɓihey gar a kusom le arleˀe.

SLRA 2:46

Vur hin gar na, a ndiram deŋ ti deŋ ar hay ngi Bumbulvuŋ a Zerusaleme, taŋ ti mevel purla. A hay taŋhaya, a zumaka ɗafa jom ar leˀe, a zumaka ti mumul, yo ti mevel mezle.

SLRA 5:12

Misliney ara gam gwat ngi zuma hirngahay ati gwat migam ɗaˀ tahay haɗi a wuzla mizli. Mitiɓihey a kusom arleˀe gar asi palak ngi Salomoŋ.

ROMAHAY 12:16

Nguɓam ˀay kuy kuy ar wala kumo. Anja ki huhumom vu kum ta, ko gwat ngi gi mupuɗaw ta kwana, tiɓaka, gaka si. Anja ki gam kaɓa kum i misi si na mijileŋhey ta.

KORENTIHEY MUDUMBUŊ 1:10

Sukum ɗu misikristuhoy, i ra gukum ambuh ambuh, kum gar kumo ti slimiɗ ngi Buy ndra Yesu Kristu: ngiɓam ˀay purla, anja ki wunkam ˀay ar wala kumo ta. Ar wuluk kum ati gwat kum majuwaka le a mevele ngi gi gar na, jumom ˀay purla.

KORENTIHEY MUCUW NAŊ 13:11

Sukum ɗu misikristuhoy, wurenna, ndiram ti mumul, gam slra ɓa ki tiram mizli mindilaka le kaslsla wãˀ. Vulam gidaŋ ar wala kumo, jumom ˀay kuy kuy, cifam zuy zuy ɓa Buymisemuŋ ngi wuɗavu ati ngi zuyo, a sa ndir ati kum.

KORENTIHEY MUCUW NAŊ 2:3

Da ani, i ndil le zleˀe na, naɓa mizli zliv anja zleˀe, a vulikiy mumul jak na, a sa vulikiy ndurɓo hiri. Ya mutuhukum ɗerewol na hĩˀĩ ngi tika ɓi nah. I si na le gisiŋ wãˀ, da ya mira mumul na, naɓa kum gar ki ra mumulom aya.

KORENTIHEY MUCUW NAŊ 7:7

Mitisla ndra mevele, i Tit mundulo na tew ta, amma i gidaŋ kum muvulakaŋ di na. A ɓa ndra ɓi ngi kum muroko ti may ngi pur ɗu haɗa haɗa, ngi kum malikam, kum macikam vu a hirnga ɗu na, hã i mumul haɗi fineˀ misi zleˀe.

FILIPIHEY 1:4

Da ya mira dir dibiɗ ndrehhe vur kum gar na, i dira ti mumul,

FILIPIHEY 2:16

Asi ki ra raka taŋ ti ɓi ngi siifa. Da ki ra gam kanah na, kite ki gikiy di i dudok vur hin ngi Kristu, yo slra ya miga, ya migir di kupuyah wãˀ na, kite i ngatara ta.

FILIPIHEY 2:20

Misi wuluk naŋ jom ati ya, yo malikukum gisiŋ gisiŋ na, i naŋ pal naŋ.

FILIPIHEY 4:2

Ewodi ati Sintike, i ra ga taŋ ambuh ambuh, ɓa a cifam ti ngiɓi ˀay kuy kuy ar taŋ mujom Buymisemuŋ.

KOLOSOY 2:5

Ko da y'anta deŋ ti vu ɗu a wuzla kumo ta tekeɗe kwana, amma ar wuluko, y'ada a wuzla kumo gisiŋ. Da ya mira purukum, ki ra gaka slra kumo kasl kasl, yo kum ada zlak gidaŋ gidaŋ ar tiɓi Kristu na, i mumul.

TESALONIKEY MUCUW NAŊ 2:13

Kum sukum ndrahay, kum Bumbulvuŋ mawuɗokum na, sey ndr'i gaka sise da Buymisemuŋ ndrehhe vur kumo. Asi Buymisemuŋ a wunukum le zle dumbuŋ, ɓa ˀUf naŋ a luhukum, ˀUf naŋ matiri ti mburo, naŋ pal, yo asi kum matiɓaka ɓi mikaslsla na.

TIMOTE MUCUW NAŊ 1:4

Ya muwulka tuwuy ɗik na le na, i wuɗ pur ɗike haɗa haɗa, ɓa yi mumul wãˀ.

FILEMOŊ 1:20

Haˀaw sukum ɗu, ambuh, jiniy ar ɓi hana tisi Bumbulvuŋ. Tisliy mevel asi ndra mujom ati Kristu.

ZAŊ MUCUW NAŊ 1:4

Ti ya muluma ziri ɗik mekelemey masipam jiviɗ ngi ɓi mikaslsla, kaɓa Cine ndra miɓa ndra di ɗaˀ le na, yi mumul haɗa teˀe.

ZAŊ MIMAKIR NAŊ 1:4

Da ya mira cina, ziri ɗuwoyo, ara ram ar li minjahha ngi ɓi mikaslsla na, gwat magiy mumul fineˀ nah anta mata.