FILEMOŊ 1:24 - Bible en langue guiziga

²⁴ waɗ Mark, Aristark, Demas waɗ Luk, mizli ndra magam slra bummoˀhoy.

FILEMOŊ 1:24 ပူးပေါင်းရင်းမြစ်များ

SLRA 12:12

A dirba lesl naŋ mumo muduba na, aru ngi hay Mariya, mumuŋ ngi Zaŋ, Zaŋ micakaŋ slimiɗ ti migal Marke. Mizli a kusom le a diga haɗi, ara diram dibiɗ.

SLRA 12:25

Barnabas ati Sawulo, ti taŋ mikiɗaka mi ngi slra taŋ a Zerusaleme na, a mam a muŋ, a ram ti Zaŋ micakaŋ slimiɗ ti migal Marke tuwa a haŋ.

SLRA 13:13

Pol ati cil naŋhaya, a cam palalam a Pafos, a ram nga Perge, hirwuy Pamfili. Dar Zaŋ-Marke, a pula taŋ a diga, a mi nga Zeruzalem.

SLRA 19:29

Mizli ngir walahay gar ara wusam haɓar haɓar. A kusom tiŋ a diga tiŋ a diga, a jaka Maseduwanay mazuɓam mulak bumoˀ ati Polo ng'ar li gi dungur taŋ, i ti Gayus ati Aristarke.

SLRA 27:2

Dar i cam palalam maso ti Adramit, ɓa aru kini ng'ar li pi sar ngi hirwuy Azi, i zuɓam jiviɗ. Ndra bumoˀ ati Aristarke, mbur Maseduwan ngi Tesaloniki.

KORENTIHEY MUCUW NAŊ 8:23

Tit i cil ɗu, i gam slra misi purla vur kumo. Sukum ndra mekelemey maki sakaŋ na, maslinaka taŋ i Cikil ngi misikristuhoy. A gam slra ngi ga dudok da Kristu.

FILIPIHEY 2:25

Amma i pura na, a zlir le ɓa i slinukum sukum ndra Epafrodit a muŋ. I gam slra le jom, yo i cikam vu le cuwa. I mbur kum mislinoko di ɓa ngi jiniy, dambalaka yi ro ti may naŋ vuna zleˀe.

FILIPIHEY 4:3

Yo ka kwana, cil ɗu miteŋteŋ, i cufuɗuw ɓa ki jina taŋ, asi a cikam vu le ati ya ngi tila mi ti Ɓimezle. Taŋ ati Klemaŋ waɗ cil ɗu mekelemey, ndra migam slra bumoˀ ati taŋ gar na, a tohoko slimiɗ taŋhaya le angi ɗerewol ngi siifa.

KOLOSOY 4:10

Aristarke, ndra mucuwa angi dangay aka, a jukum haŋ le, waɗ Marke, sukum ngi Barnabas ngi jamba. Yi ɓukum ɓi nah le zleˀe si: Da naŋ mindil le a hay kumo na, gakaŋ mulaka kuy kuy.

KOLOSOY 4:14

Ngama ndra, doftor Luk, waɗ Demas, a jukum haŋ le.

PIYER MUDUMBUŊ NAŊ 5:13

Mizli ngi Kristu ngi Babiloŋhoy, Buymisemuŋ muwuna taŋ, waɗ mangal ɗu Marke, a jukum haŋ le.

ZAŊ MIMAKIR NAŊ 1:8

Anja ndra so na, i jinaka mizli tayna, ɓa i bigaka, ndr'ada jom ar slra ngi ɓi mikaslsla.