ESTER 9:5 - Bible en langue guiziga

⁵ Dar Yudehey a kiɗaka mesene taŋhaya gar ti maslalam, a ngizlaka taŋ pay pay wãˀ. A gam ti mihiris taŋhayaka taŋ mawuɗam.

ESTER 9:5 ပူးပေါင်းရင်းမြစ်များ

NEHEMI 9:24

Dideˀ taŋhay a cam le angi hirwuy nah, a zumaka le. Kanaˀanay, mizli ngi si ruwuyoyo ki hina taŋ hirnga le a mbuŋ dideˀ ndraˀahaya. Taŋ ati buy taŋhaya, ki vula taŋ le asi haŋ taŋ, ɓa a gam ti taŋ kaɓa taŋ muwuɗam.

ESTER 3:13

Akẽh na, a slinam ti letireye kutum kutum ng'ar lihey, buyoy miwaka taŋ gar asi hirwuy ngi buy Zerese. I letir ngi vula jiviɗ ngi ngizla Yudehey, ngi kiɗa taŋ vagay vagay, yo waɗ ngi ngizla hilfa taŋ cek, gawla ati diilihey, midigilahay, ziri ati ngwasay gar. Ɓa a ngizlaka taŋ pay ar hin purla si, i hin mukuruˀ nga makir ngi kiya mukuruˀ nga cuw naŋ, a mbiɗeˀvra, kiya Adar. Yo ɓa a hilaka zlili taŋhaya ma kini.

ESTER 8:11

Ɓi mutohoko a hur letir vuna ani: Buy a pula jiviɗ le da Yudehey ar hirwuy taŋ misi anga gar, ɓa a jumom arleˀe ngi laha hutuŋ taŋ. Da sojehey malla mizli ngiˀr li buy miwa taŋ mukusom le, ɓa ngi guzuvura Yudeheye na, anja Yudehey vuna, a kiɗaka taŋ vagay vagay, a ngizlaka taŋ, yo a zizaka taŋ hutuŋ. Ko da i ziriy ati ngwasay kwana, anja a ngizlaka taŋ, a hilaka zlili taŋhaya.

ESTER 9:6

A Sus, walahay hirnga vuna, Yudehey a kiɗam vagay vagaya mizli skat skat zlum,

DIMISEY 92:12

Hiri ɗu a ro taˀ ar mizli majiɗikiye, yo misi moˀorehey mazlikiy ngi kiɗa vu na, i ra cine ˀay taŋ.

ZEREMI 18:21

Da kine na mbak so, vula ziri taŋhaya, ɓa may a ngizla taŋ, pa taŋ haŋ ɓa maslalam a zuma taŋ. Anja ngwas taŋhay a mucaka ziri ati zil taŋhaya, anja muc a kiɗa mizli mizileheye, yo gawlahaya kwana, anja a kiɗaka taŋ ti maslalam ar vurum.

TESALONIKEY MUCUW NAŊ 1:6

Naŋ kine, Buymisemuŋ naŋ jeŋŋe, mizli magukum bonoy na, a sa pula bol naŋ avu taŋ.