ESTER 9:21 - Bible en langue guiziga

²¹ A ɓa mizli angi letir tayna, anja vur vi gar na, a gam mezegwel ngi muguzlum ngi kiya Adar, angi hin mukuruˀ nga mufaɗ ati hin mukuruˀ nga zlum naŋ.

ESTER 9:21 ပူးပေါင်းရင်းမြစ်များ

ESTER 9:17

Naɓa i hin mukuruˀ nga makir naŋ ngi kiya Adar. Ngi hin mukuruˀ nga mufaɗ naŋ na, a musukom vu. A zumam ɗaf ngi muguzlum ti mumul.

ESTER 9:18

Mizli Yude ngi Susoyo, taŋ a kusom ngi pula cuwala ti hin mukuruˀ nga makir ati hin mukuruˀ nga mufaɗ naŋ. Ngi hin mukuruˀ nga zlum naŋ na, a musukom vu, a zumam ɗaf ngi muguzlum ti mumul.

ESTER 9:20

Gwat mucohom tayna gar na, Mardoke a toho ɓi nah toh toh ar ɗerewol. A a slin ti letirey da Yude migweˀ gweˀ ati mikileŋ kileŋhey misi angi hirwuy buy Zerses miwa gar.

ESTER 9:22

Asi mike na, hin tayna, i hin Yudehey mulumam di musuko vu avu mesene taŋhay, i kiya ngi gwat mimbiɗi pirwizliˀ avu taŋ, hin ngi bonoy mimbiɗi hin ngi mumul, hin ngi tuwuy mitiri hin ngi muguzlum. Hin tayna a sa gam i hin ngi zuma gwat ngi muguzlum waɗ ngi mumul, hin ngi slin ti gwatay ar wala taŋ, yo ngi slin ti gwat ngatara da misi murgahay.

ESTER 9:27

a tiram ti hin nah, i sirik mandir caˀa vur hirnga taŋ, vur dideˀ taŋhay waɗ vur mizli gar masa tiram Yudehey. Hin mucuw, Mardoke muɗuva taŋ tayna, vur vi gar na, a sa sipaka ɓi nah, anta sa puyukom di hirnga ta.

ESTER 9:29

Maˀay Ester, zuŋ ngi Abihayil waɗ Mardoke, mbur Yude, a tohom letire sar mucuw naŋ kutum, ɓa a ndir i ɓi migisiŋ gisiŋ wãˀ.

ESDRAS 6:15

A kiɗaka mi ngi ndira haya, ar hin mimakir naŋ ngi kiya Adar, angi vi mimerkeɗ naŋ ngi Dariyus mazum buy.

ESTER 3:7

Ngi kiya muɓulaˀ naŋ, a mbiɗeˀvra, kiya mazilaka Nisaŋ, angi vi mukuruˀ nga cuw naŋ ngi zumabuy ngi Zerses na, mizli a gam ceregezleŋ mazilaka Purim mbuŋ Hama na,, ɓa ngi luuma hin mezle. A gaka vur hine vur hine, yo vur kiya vur kiya. Ceregezleŋ a diɗ ar kiya mukuruˀ nga cuw naŋ, a mbiɗeˀvra, kiya Adar.