ESTER 9:18 - Bible en langue guiziga

¹⁸ Mizli Yude ngi Susoyo, taŋ a kusom ngi pula cuwala ti hin mukuruˀ nga makir ati hin mukuruˀ nga mufaɗ naŋ. Ngi hin mukuruˀ nga zlum naŋ na, a musukom vu, a zumam ɗaf ngi muguzlum ti mumul.

ESTER 9:18 ပူးပေါင်းရင်းမြစ်များ

ESTER 8:11

Ɓi mutohoko a hur letir vuna ani: Buy a pula jiviɗ le da Yudehey ar hirwuy taŋ misi anga gar, ɓa a jumom arleˀe ngi laha hutuŋ taŋ. Da sojehey malla mizli ngiˀr li buy miwa taŋ mukusom le, ɓa ngi guzuvura Yudeheye na, anja Yudehey vuna, a kiɗaka taŋ vagay vagay, a ngizlaka taŋ, yo a zizaka taŋ hutuŋ. Ko da i ziriy ati ngwasay kwana, anja a ngizlaka taŋ, a hilaka zlili taŋhaya.

ESTER 9:1

Kiya mukuruˀ nga cuw naŋ, kiya Adar tuwa, ngi hin mukuruˀ nga makir naŋ na, ɓi ngi buy miɓa ati ɓi naŋ mcica na, anja ɓa gwat nah a gi muduba zleˀe. Mesene ngi Yudehey gar ara njaham hiri zleˀe ɓa a cifam bugawla ar zudeheye. Amma ɓi a mbiɗi pirwizliˀ, mbak misa cifam bugawla i Yudehey ar mizli mihiris taŋhaya jaka.

ESTER 9:11

Tapasa vuna si na, taˀ ngi mizli mikiɗahay a Sus, walahay hirnga na, ɓi nah a ndil sesẽŋ avu buy.

ESTER 9:13

Ester a mbiɗa da buyo: «Kumani ɗu, da ki ngum le na, Yudehey misi a Sus aka gar na, tipirike, pula taŋ jiviɗ ɓa a gam kaɓa ɓi micica magi slra wurenna. Anja ɓa a luwaka ziri mizile ngi Hama nay mukuruˀ na angi dum.»

ESTER 9:15

Ngi hin mukuruˀ nga mufaɗ ngi kiya Adar tuwa, Yudehey a kusom a Suso maso. A kiɗam mizli skat skat makir. Amma, ko a jam haŋ neˀ le avu zlili taŋhaya ta.

ESTER 9:2

Walahayay, Zerses mazum buy anga anga gar na, Yudehey a kusom ar walahay taŋ, walahay taŋ, ɓa ngi kiɗa mizli muwuɗam ɓa a gaka taŋ malambaˀ tuwa vagay vagay. Ko mbur macici zlak a mbuŋ taŋ gu anta, asi mizli gar ara zluwunam ti taŋ.

ESTER 9:21

A ɓa mizli angi letir tayna, anja vur vi gar na, a gam mezegwel ngi muguzlum ngi kiya Adar, angi hin mukuruˀ nga mufaɗ ati hin mukuruˀ nga zlum naŋ.