ESTER 9:1 - Bible en langue guiziga

¹ Kiya mukuruˀ nga cuw naŋ, kiya Adar tuwa, ngi hin mukuruˀ nga makir naŋ na, ɓi ngi buy miɓa ati ɓi naŋ mcica na, anja ɓa gwat nah a gi muduba zleˀe. Mesene ngi Yudehey gar ara njaham hiri zleˀe ɓa a cifam bugawla ar zudeheye. Amma ɓi a mbiɗi pirwizliˀ, mbak misa cifam bugawla i Yudehey ar mizli mihiris taŋhaya jaka.

ESTER 9:1 ပူးပေါင်းရင်းမြစ်များ

SAMUYEL MUCUW NAŊ 22:41

Ki ga ɓa mesene ɗuwoy a kilam ti ya, mizli mazliram ti ya tahaya, yi ngizla taŋ le kap kap.

ESTER 3:13

Akẽh na, a slinam ti letireye kutum kutum ng'ar lihey, buyoy miwaka taŋ gar asi hirwuy ngi buy Zerese. I letir ngi vula jiviɗ ngi ngizla Yudehey, ngi kiɗa taŋ vagay vagay, yo waɗ ngi ngizla hilfa taŋ cek, gawla ati diilihey, midigilahay, ziri ati ngwasay gar. Ɓa a ngizlaka taŋ pay ar hin purla si, i hin mukuruˀ nga makir ngi kiya mukuruˀ nga cuw naŋ, a mbiɗeˀvra, kiya Adar. Yo ɓa a hilaka zlili taŋhaya ma kini.

ESTER 3:7

Ngi kiya muɓulaˀ naŋ, a mbiɗeˀvra, kiya mazilaka Nisaŋ, angi vi mukuruˀ nga cuw naŋ ngi zumabuy ngi Zerses na, mizli a gam ceregezleŋ mazilaka Purim mbuŋ Hama na,, ɓa ngi luuma hin mezle. A gaka vur hine vur hine, yo vur kiya vur kiya. Ceregezleŋ a diɗ ar kiya mukuruˀ nga cuw naŋ, a mbiɗeˀvra, kiya Adar.

ESTER 8:12

A pulaka taŋ jiviɗ ngi ga slra hana ar hin purla asi hirwuy, buy Zerses miwa miwa gar, ar hin mukuruˀ nga makir ngi kiya mukuruˀ nga cuw naŋ, a mbiɗeˀvra, kiya Adar.

ESTER 8:6

Bonoy masa so ar mizli ɗuwoy na, ɓa i pura ti hiri na, i ɓusa ɓi nah gu mbri mbrike? Muy ɗuwoy masa ngizlam na, ɓa i pura ti hiri na, i ɓusa ɓi nah gu mbri mbrike?»

ESTER 9:17

Naɓa i hin mukuruˀ nga makir naŋ ngi kiya Adar. Ngi hin mukuruˀ nga mufaɗ naŋ na, a musukom vu. A zumam ɗaf ngi muguzlum ti mumul.

DIMISEY 30:11

Bumbulvuŋ, ti pura ircece ɗik na, cine tuwuy ɗu. Bumbulvuŋ ɗu, so jiniy takwa.

SLRA 12:11

Dar lesl ngi Piyer a mo a muŋ so, a ɓi ti kwacay naŋ na: «Wurenna, i sla wala nah le muduba, i Bumbulvuŋ mislino modro naŋ gisiŋ, yo a lihiy le tisi haŋ ngi Herod waɗ tir gwat Yudehey makutukom ngi giy di gar na.»

Slu cuw 32:36

Bumbulvuŋ a sa ga kiita da mizli naŋhaya. Amma naŋ masa pura taŋ a hĩhĩyam le, beke asinta, diimu asinta na, a sa pura taŋ geˀ ircece.

ƁIMUNJUYO 11:18

Sukwi ngi mizli a slam himaˀ le avu ka, amma hin a ndila le ɓa mazuɓ himaˀ, i kaha. I hin ngi ga kiita da mizli mumucahay, hin ngi wurka migir ngi mijiviɗ, gawla ɗikey, ngi wurka mizli ɗikey, waɗ ngi mizli muzluwun ti kahay, ko mizli mizlewey malla ko mizli madiɗahay gar. I hin ngi ziza mizli mahiryaka hirwuy na.»