ESTER 8:8 - Bible en langue guiziga

⁸ Amma kumo so na, tohoko ɗerewol da Yudeheye gar ti slimiɗ ɗu, kaɓa kum muwuɗam le, yo ɗuvaka haŋ ara ti dangwa ngi muzuŋ haŋ nga ya buyo. Asi mike na, ɗerewol mutohoko le gar ti slimiɗ ngi buy na, a ɗuvaka haŋ ngi buyo taˀ le anga ti dangwa ngi muzuŋ haŋ naŋ. Kanah so na, ɗerewol mutoho nah na, anta mbiɗi ta wãˀ.»

ESTER 8:8 ပူးပေါင်းရင်းမြစ်များ

BUYOY MUDUMBUŊ NAŊ 21:8

Zezabel a tuh letirey toh toh ti slimiɗ ngi Akapa, waɗ slimiɗ ngi Akapa taˀ taˀ ar taŋ. A slina taŋ da micawwa ati mizli madiɗa ngir walahay, Nabot misi anga tuwa.

ESTER 1:19

Ani so na buy, da ki hĩyã le na, anja ki ɗuv ɓi waɗ toh toh ar ɗerewol ɓimuɗuva ngi buy Perse ati ngi Medi, ɓimujuwa le kaŋ kaŋ maɓi: ‹Maˀay Vasti anta a sa so a mbuŋ ka buy Zersese mata ndiɗaˀ wãˀ, yo slimiɗ naŋ maˀãy na, anja a caka da a cil naŋ mekelem mifineˀ naŋ vuna.›

ESTER 3:12

Ti hin mukuruˀ nga makir ngi kiya mudumbuŋ na, a ziloko mizli mutoho ɗerewol ngi buyoyo cek cek. Haman a ɓa taŋ, ɓa a tohom letirey kaɓa naŋ mavula taŋ jiviɗ ngi tuh naŋ. A tohoko da mijingaˀ ngi buy miwi li ngir lihey, da buy miwi lihey purla purla gar, da buy ngi wuzla sukwi ngi mizli pal pal gar. A tohoko ng'ar li ngi buy gar, kaɓa toho gwat nga taŋ, yo da sukwi ngi mizli gar ti mi taŋ ti mi taŋ. A tohoko ti slimiɗ ngi buyo waɗ haŋ naŋ taˀ taˀ araŋ.

ESTER 8:10

A tohoko letireye ti slimiɗ ngi buy Zersese so, a ɗuvaka haŋ ar taŋ ti dangwa ngi buyo. Akẽh na, a slinam ti letireye ti haŋ gawla ngi buyoy, mizli gilaˀ gilaˀ ar pilis muwunaˀ ti winihey, buy muvulo taŋ.

ESTER 8:5

Ester a ɓi: «Kumani, da ki puriy le kuy, ki hĩhĩy le na, ɓi anihĩ. Haman, mangal ngi Hameda, mbur Agak. A gi gidiɓi le, waɗ toh toh ɓi nah ar ɗerewol, ɓa a ngizla Yudehey misi angi hirwuy ka mazum buy anga gar. Da a zlir le avu ka, yo da a cǝruw hiri le na, anja a tohom ɗerewol toh toh le ngi tika ɓi nah avra.

DANIYEL 6:8

Mizli madiɗa ngi slrahay gar ar zuma buyo, mizli micawwahay, miji kaway, mukuti vuhoy, waɗ miwi lihey gar a gam kus madiɗa, ɓa buy a cici ɓi ar zuma buyo, yo ɓa a ɗuv ɓi ngi tika gwatay, mitikahay, kaɓa ani: ar hin kukur makir na, ko wa gar midir dibiɗ le da kuli, malla da mbur, mbak ka buyo le na, a sa hizigakaŋ ng'ar butum ngi moboroy.

TIMOTE MUCUW NAŊ 2:19

Amma ɗuva virzi naŋ, Buymisemuŋ muɗuva gidaŋ gidaŋ na, naŋ da. Mingiɓi ani toh toh ava: «Bumbulvuŋ a si na mizli naŋhaya le», waɗ ma na: «Ko wa gar maɓi, naŋ i mbur ngi Bumbulvuŋ na, anja a kirih kileŋ avu gi gwat malambaˀa.»