ESTER 8:5 - Bible en langue guiziga

⁵ Ester a ɓi: «Kumani, da ki puriy le kuy, ki hĩhĩy le na, ɓi anihĩ. Haman, mangal ngi Hameda, mbur Agak. A gi gidiɓi le, waɗ toh toh ɓi nah ar ɗerewol, ɓa a ngizla Yudehey misi angi hirwuy ka mazum buy anga gar. Da a zlir le avu ka, yo da a cǝruw hiri le na, anja a tohom ɗerewol toh toh le ngi tika ɓi nah avra.

ESTER 8:5 ပူးပေါင်းရင်းမြစ်များ

ESTER 2:17

Akẽh na, buy a wuɗa Estere haɗa fineˀ ngwas mekelemeye gar. Buy a gaŋ mezle, a puraŋ kuy fineˀ ziri diili mekelemey gar. Dar a caŋ loppol ngi maˀãy a hirnga njiv, waɗ a cifaŋ i maˀãy ar li ngi Vasti.

ESTER 2:4

Zuŋ diili misa cira hiri le da buyo na, a sa tiri maˀãy ar li ngi Vasti.» Buy a hĩyã ɓi nah le, dar a ga kanah so.

ESTER 3:1

Neˀ a dirba ɓi tayna mucohom na, Hama na, buy Zerses a vulaŋ li ngi slra mimadiɗa haɗa. Haman i mangal ngi Hamedata, mbur Agak. Buy a tiri ti Hama na ɗongor, a cifaŋ i madiɗa ngi mizli madiɗa ngi slra naŋhay gar.

ESTER 5:8

Buy ɗu, da ki puriy le kuy na, tiɓa cufuɗ ɗu, yo ga gwat ya mawuɗ ani na. Anja tipirik na, kisa soko ati Hama na ng'ar ɗaf ngi muguzlum ya masa da vur kum na ta kwa. Naɓa i sa ziluw mi ngi cufuɗ ɗik na so kumani.»

ESTER 7:3

Ester a zilaŋ mi, a ɓaŋ di njak muduba: «Haˀaw kumani ɗu, da ki puriy le kuy avu hiri ɗike, yo da ki hĩyã le na, gwat ya macufuɗ avu ka n'anihĩ: lihiy siifa ɗu, yo i wuɗ anja ki laha siifa ngi mizli ɗuwoyo ma.

BI NGI ISRAYELEY 33:13

Na wurenna, da ki ra giy mezle gisiŋ na, bigiy jiviɗ ɗike ɓa i sinuw. Naŋ kine, i sa sinuw gisiŋ gisiŋ, yo i sa lum gi mezle ɗike kuy kuy wãˀ. Yo ma na, si na sin le, sukwi ngi mizli tayna, i mizli ɗikey!»

BI NGI ISRAYELEY 33:16

Naŋ kine, da ki ru ti ndra ti haŋ ɗike ta na, ya ati mizli ɗikeye i sa sinaka avu miki ra ga ndra mezle ka? Maga ɓa ndra wal avu sukwi mekelemey misi asi ruwuy gar na, i ka maru asi ndra na ta kwa!»

SAMUYEL MUDUMBUŊ NAŊ 20:29

A ɓiy zleˀe na: ‹Ambuh, puliy yi ru takwa, asi mike na, muy ɗuwoy ara gam mikuli ar walahaya, yo i sukum ɗu vuna miɓiy ɓa yi ru. Da ki hiyĩy le na, puliy ɓa i lih sar nga pura sukum ɗuwoyo. Naŋ muso ar li zuma ɗaf a hay ɗike ta na, aseˀeŋ.›