ESTER 7:9 - Bible en langue guiziga

⁹ Harbona, gawla purla a wuzla gawla munguɗohoyo, a ɓa buyo: «Mobor, Mardoke, mbur miɓa ɓi ngi laha hutuŋ ɗik na, Haman vuna a ɗiyi dum ngi luw naŋ le zleˀe a hay naŋ gisiŋ. Dum nah i minga le kaˀ a hay Hama na, dum ngi metir kukur cuw nga zlum.» Joˀ buy tuwa, a ɓi ɓa ara luwaka Haman vuna anga.

ESTER 7:9 ပူးပေါင်းရင်းမြစ်များ

BUYOY MUCUW NAŊ 9:32

Zehu a zuɓa hiri paɗɗa ng'avu fenetire, a til mi, a ɓi: «Misi ati ya i waka? I waka?» akẽh, mizli madiɗa ngi hay naŋhay, mizli ngi si mevelehay cuw malla makir a puram hiri ng'avu fenetir tuwa.

ESTER 1:10

Angi hin mitarnaˀ naŋ na, buy Zersese, hiri a ciraŋ le haɗa ti mbaazla tuwa. Gawla naŋ munguɗohoy ada tarnaˀ, i gawla migweˀ ngi vaˀahay, i ti: Mehumaŋ, Bista, Harbona, Bista, Abakta, Zetar waɗ Karkas. Buy a zila taŋ, a ɓa taŋ

ESTER 5:14

Akẽh na, Zeres, ngwas naŋ waɗ ngama naŋhay tuwa, a ɓakaŋ na: «Inga ɓi ɓa a ɗiyam dum ngi luwa mbur, gil naŋ nga muŋ metir kukur cuw nga zlum. Ti miprik na, ɓa ki ɓa buy, a ɓi a luwaka Mardoke vuna anga, ɓaka kisa ru, mevele zuyyo ng'ar ɗaf ngi muguzlumo ati buyo sini.» Ɓi nah a cira hiri le da Hama na, a ɓi ɓa a ɗiyaka dumo so.

ESTER 6:14

Ti taŋ mira ɓam ti ɓi aruŋ si na, mizli munguɗo ngi buyoy a ndiloko ɓuyoh, a jaka Hama na, a ram di ng'ar muguzlum ngi Estere.

ESTER 6:2

Mizli munguɗohoy mucuw, ti Bigtaŋ ati Teres, mizli mijigina miviŋ ngi buyoy, taŋ mupuram jiviɗ ɓa a kiɗaka buy Zersese vagay zleˀe, Mardoke minjika ɓi nah tuwa na, a lumaka ɓi nah anga.

ESTER 8:7

Buy a mbiɗa da maˀãy Ester ati Mardoke, mbur Yude: «Ani wurenna, i vula zlili ngi Hama na le gar da Ester. Yo Haman vuna, naŋ a luwaka le avu dum, asi naŋ muwuɗ kiɗa Yudeheye gar vagay vagay na.

ESTER 9:14

Dar buy a ɓi ɓa a gaka kanah vuna si. A tilam mi ti ɓi micica ngi buyo a Suso. Waɗ a luwaka ziri mizile ngi Hamanaya kuruˀ taŋ.

ESTER 9:25

Amma ɓi nah mindil avu buyo buy a ɓi ɓa gidiɓi malambaˀ ngi Haman miga a hirnga Yudehey na, anja a mbiɗi nga hirnga naŋ a muŋ, yo ɓa a luwakaŋ naŋ vuna ati ziri naŋ mizileheye angi dum, naŋ vuna miɗiya na. Buy a vula jiviɗe ɓa a tohoko ɓi nah toh toh le angi ɗerewol.

DIMISEY 141:10

Anja misi moˀorehey a cam ng'ar mazaɓ taŋ tehhe a muŋ, amma ya, yi bi njiraŋ ɓula.

DIMISEY 35:8

Anja ɓi malambaˀ muwãˀ a luuma taŋ gurjiki, anja ngamngam, taŋ ming'aka ɗum ti haŋ taŋ na, a ji i taŋ tehhe a muŋ, yo anja a cam ar ɓi malambaˀ muwãˀ nah vuna.

DANIYEL 6:24

Dar hiri a cira buyo haɗa, a ɓa mizli, a boko ti Daniyele tir vigiɗe avra. Daniyel mubo na, a lumam waˀa ko neˀ ava ta, asi a tiɓa Buymisemuŋ naŋ le a mevele.

DANIYEL 6:7

Joˀ mizli madiɗa ngi slra ati mizli micawwa tayna, a kilam kutum, ara lumaka buyo a ɓakaŋ: «Aw buy Dariyus! Anja ki ndir ngi sete!

SAMUYEL MUDUMBUŊ NAŊ 17:51

Akẽh na, Davit a kil, ara cici deŋ a ciki mbur Filisti, a ɗiɗo maslalam ngi mbur Filisti ŋsloht tir hay naŋ, waɗ a kiɗa mi ngi mbur Filisti vuna ti naŋ a muŋ, waɗ a bukoŋ hirnga buku. Filistihey a puraka na, bugawla ngisi taŋ a muc le, dar a zlaka a kilam.