ESTER 7:3 - Bible en langue guiziga

³ Ester a zilaŋ mi, a ɓaŋ di njak muduba: «Haˀaw kumani ɗu, da ki puriy le kuy avu hiri ɗike, yo da ki hĩyã le na, gwat ya macufuɗ avu ka n'anihĩ: lihiy siifa ɗu, yo i wuɗ anja ki laha siifa ngi mizli ɗuwoyo ma.

ESTER 7:3 ပူးပေါင်းရင်းမြစ်များ

BUYOY MUDUMBUŊ NAŊ 20:31

Ben-Hadata, gawla naŋhay a ɓakaŋ: «I cinaka na, a ɓam: buy Israyeleye i buy mupura ircecehey. Wurenna, kukum zana ngi vagay avu vu, juwukum zeweɗ hir hir da hirngahaya, ɓa i bam, i ra jam hirnga ti buy Israyele. Asinta, a sa puluw ti siifa kwani.»

BUYOY MUCUW NAŊ 1:13

Buy a slin madiɗa ngi sojehey mimakir taŋ ma, ti sojehey kukur zlum aseˀe. Madiɗa ngi sojehey mimakir taŋ nah, naŋ mindil a ciki Eli na, a huruk huruk a mbuŋ Eli, a tumbuloŋ, a ɓaŋ: «Mijiviɗ ngi Bumbulvuŋ, ya ati gawla ɗu mizli ngir zlum hanayna, pula ndra ar siifa takwa!

ESTER 4:8

Ɗerewol ngi ɓi micica mitilam di mi a Sus, ɓa ngi ngizla Yudehey tuwa, Mardoke a vula da misline, ɓa ara biga da Ester vuna. Mardoke a ɓa Hataka, ɓa ara fa ɓi nah da Estere, ɓa Estere kwana, aru ng'avu buyo ara tumbuloŋ, ara tuwuy a mbuŋ naŋ, ɓa buy a pura ircece da mizli naŋhaya.

ESTER 5:8

Buy ɗu, da ki puriy le kuy na, tiɓa cufuɗ ɗu, yo ga gwat ya mawuɗ ani na. Anja tipirik na, kisa soko ati Hama na ng'ar ɗaf ngi muguzlum ya masa da vur kum na ta kwa. Naɓa i sa ziluw mi ngi cufuɗ ɗik na so kumani.»

ESTER 7:7

Buy a slikiɗ himaˀ, a bi tir li zumo, aru ng'ar jarne misi a hay akẽh. Haman tuwa, a pura na, buy a juwa le a mevele ngi zizaŋ hutuŋ, a tumbulo maˀãy Estere, ɓa a lahaŋ.

ESTER 8:5

Ester a ɓi: «Kumani, da ki puriy le kuy, ki hĩhĩy le na, ɓi anihĩ. Haman, mangal ngi Hameda, mbur Agak. A gi gidiɓi le, waɗ toh toh ɓi nah ar ɗerewol, ɓa a ngizla Yudehey misi angi hirwuy ka mazum buy anga gar. Da a zlir le avu ka, yo da a cǝruw hiri le na, anja a tohom ɗerewol toh toh le ngi tika ɓi nah avra.

Ɗerewol JOP 2:4

Mukupaɓi tuwa, a mbiɗa da Bumbulvuŋ: «Naŋ macinuw mi na, asi ki jiginaŋ le haɗa! Vur gwat mbur misi ti naŋ gar na, a vula ngi laha hirnga naŋ.

ZEREMI 38:26

kisa mbiɗa taŋ di: ‹Yi ndil ng'avu buyo, i tumbuloŋ ɓa a mi ti ya ngi hay Yonataŋ mata, vur ya masa muc a diga.»