ESTER 7:10 - Bible en langue guiziga

¹⁰ Dum, Haman miɗiya ngi luwa Mardoke tuwa na, a luwam di Haman vuna tehhe a muŋ. Dar buy a tisla mevele.

ESTER 7:10 ပူးပေါင်းရင်းမြစ်များ

ZLI VIRZI 40:22

A luwa madiɗa ngi midi ɗafaya law a muŋ, kaɓa Zozef miɓa tuwa.

ESTER 2:1

A dirba ɓi tayna mucohom na, buy Zerses a tisla mevele le muduba. Dar a zla a wulka ɓi ngi Vasti keŋ, gwat naŋ miga ati ɓi taŋ majuwaka a mevel taŋ vurˀe zleˀe tuwa.

ESTER 5:14

Akẽh na, Zeres, ngwas naŋ waɗ ngama naŋhay tuwa, a ɓakaŋ na: «Inga ɓi ɓa a ɗiyam dum ngi luwa mbur, gil naŋ nga muŋ metir kukur cuw nga zlum. Ti miprik na, ɓa ki ɓa buy, a ɓi a luwaka Mardoke vuna anga, ɓaka kisa ru, mevele zuyyo ng'ar ɗaf ngi muguzlumo ati buyo sini.» Ɓi nah a cira hiri le da Hama na, a ɓi ɓa a ɗiyaka dumo so.

ESTER 7:7

Buy a slikiɗ himaˀ, a bi tir li zumo, aru ng'ar jarne misi a hay akẽh. Haman tuwa, a pura na, buy a juwa le a mevele ngi zizaŋ hutuŋ, a tumbulo maˀãy Estere, ɓa a lahaŋ.

ESTER 7:8

Ti buy mumo tir jarne naŋ misi a hay akẽh tuwa na, naɓa Haman a diɗ le ndirɗaɗ ti virzi ar arngawo ngi Ester mamusuk vu anga na. Buy a buc, a ɓi: «Ko ti ya misi ada a haya kwana, Haman a wuɗ ɓa a ja maˀãya gbaˀ na si mbrike?» Ɓi misenna mubo put ti balam buyo si na, gawla ngi buyoy a soko, a sirtaka hiri ngi Hama na sirit ti zana.

ESTER 8:7

Buy a mbiɗa da maˀãy Ester ati Mardoke, mbur Yude: «Ani wurenna, i vula zlili ngi Hama na le gar da Ester. Yo Haman vuna, naŋ a luwaka le avu dum, asi naŋ muwuɗ kiɗa Yudeheye gar vagay vagay na.

ESTER 9:14

Dar buy a ɓi ɓa a gaka kanah vuna si. A tilam mi ti ɓi micica ngi buyo a Suso. Waɗ a luwaka ziri mizile ngi Hamanaya kuruˀ taŋ.

ESTER 9:25

Amma ɓi nah mindil avu buyo buy a ɓi ɓa gidiɓi malambaˀ ngi Haman miga a hirnga Yudehey na, anja a mbiɗi nga hirnga naŋ a muŋ, yo ɓa a luwakaŋ naŋ vuna ati ziri naŋ mizileheye angi dum, naŋ vuna miɗiya na. Buy a vula jiviɗe ɓa a tohoko ɓi nah toh toh le angi ɗerewol.

Ɗerewol JOP 18:8

Asi mike na, a sa ca saray ar gadaŋ, a diɗi, a sa ca saray ar zuva ngi ji vu.

Ɗerewol JOP 20:8

A sa kiɗ mi kaɓa musuwun ti duvuɗu, anta sa lumakaŋ mata, a sa susuyum kaɓa pura gwat ar musuwun ti duvuɗu.

DIMISEY 37:15

Amma maslalam taŋ a sa zligi mevel taŋ tehhe a muŋ, yo lek taŋhay a sa ngilam.

DIMISEY 7:16

Mbur mali vigiɗ, a guro jileŋ na, a diɗ ng'ar vigiɗ naŋ mila vuna tehhe a muŋ.

DIMISEY 94:23

A mbiɗa gi gwat malambaˀ taŋ na le nga hirnga taŋ tehhe a muŋ, a ngizla hilfa taŋ le kap wãˀ ti moˀore taŋ vuna tehhe a muŋ, Bumbulvuŋ ndra, Buymisemuŋ, a ngizla hilfa taŋ le kap wãˀ.

MIKUCUWULOY 11:27

Mbur masipi jiviɗ ngi gi mezle na, mizli a hĩyãkaŋ, mbur masipi gi malambaˀ na, malambaˀ vuna a sa ndilaŋ gbaˀa.

MIKUCUWULOY 11:8

Mbur mijeŋŋe a lih le tir zluwuno, yo mbur misi moˀore a diɗ le ng'ar li naŋ.

MIKUCUWULOY 26:27

Mbur mali vigiɗ na, a sa diɗ ng'ara tehhe, mbur magidigil ɗugur na, ɗugur a sa njirslaŋ.

ZEREMI 34:17

Bumbulvuŋ a ɓi na: «Yo mbak ɗagay so, anja zleˀe ki tilam mi ti ɓi ngi pula sukum kumoy, kum misi angi hirwuy purla na, amma ani ki cinikiy mi ta. Na ya, yi sa til mi ti ɓi ngi pul kum mbak da maslalam, da jiji mozorbono waɗ da may a ngizlukum. I sa ga ɓa zumabuy ngisi ruwuy kurzluˀ gar mupurukum le na, a zluwunam ti ɓi kumo kirkir. I ya Bumbulvuŋ maɓi.

EZEKIYEL 5:13

I sa ru ti mevel fõh fõh, hã ar kiɗa mi naŋ, i sa kiɗa may ngi himaˀ ɗu ar taŋ, yo i sa pula cuwal ɗu. Kanah na, a sa sinaka, yi Bumbulvuŋ, ya miɓi na, asi gi teŋteŋ taŋ ta na, i ɓusa ɓi nah gu ta, hã i ndil di ar kiɗa mi ngi himaˀ ɗu angi taŋ.

DANIYEL 6:24

Dar hiri a cira buyo haɗa, a ɓa mizli, a boko ti Daniyele tir vigiɗe avra. Daniyel mubo na, a lumam waˀa ko neˀ ava ta, asi a tiɓa Buymisemuŋ naŋ le a mevele.

DANIYEL 6:25

Buy a ɓa mizli, a soko ti mizli minjikaka Daniyel tuwa, a hizigaka taŋ ng'ar butum ngi moboroy tuwa, jom ati ziri taŋhay waɗ ngwas taŋhaya. A ndilaka virzi ngi vigiɗe t'aruŋ si na, moboroy a vaka taŋ kac kac, a humbuɗa ka taŋ kirap kirap, jom ti tesleye.

ZAKARI 6:8

Akẽh na, Buymisemuŋ a ziliy, a ɓiy na: «Pilisey maram kini tir vay muŋ na, pura taŋ ɗi, ara pam sar ti ˀUf ɗu angi hirwuy nah.»

MIGI KIITAHAY 15:7

Samsoŋ a ɓa taŋ: «Kum magam kahana na, y'anta cifi teˀ ta, sey da ya mupula bol ɗu le avu kumo far.»