ESTER 6:1 - Bible en langue guiziga

¹ Ngi duvuɗ nah na, buy anta hinje gu ta. Ɗerewol mutohoko ɓi ngi wuluk ngi zumabuy anga na, buy a ɓi ɓa a zuɓoko di, i ɗerewol ngi ɓi ngi buyoy. Jo ˀ a slufaka a mbuŋ buyo.

ESTER 6:1 ပူးပေါင်းရင်းမြစ်များ

ZLI VIRZI 22:14

Abraham a zila li nah: «Buymisemuŋ ara pur.» Vurˀe, hã dana, mizli a ɓam: «A puraka Bumbulvuŋ a muwã.»

ESTER 10:2

Slra ngi gidaŋ naŋ ati ngi wirwir naŋ miga taŋ gar, yo naŋ mitiri ti Mardoke ɗongor, naŋ muvulaŋ slra mimadiɗa na, i mutoho ɓi taŋhaya le gar angi ɗerewol ngi ɓi ngi buy Medihey ati buy Perseheye ta kwa?

ESTER 2:21

Ti di nah na, naɓa Mardoke a ro ar li ngi slra naŋ nga hay buyo. Mizli munguɗo ngi buyoy ada cuw, i ti Bigtaŋ ati Teres, mijigina miviŋ ngi ci nga viŋ buy. A jam mevel ar buyo, dar a gam gidiɓi ɓa a kiɗaka buy Zersese vagay.

ESTER 2:22

Akẽh na, Mardoke a cine ɓi nah le, dar a fa ɓi nah fẽẽt da maˀãy Ester. Estere kwana, a fa ɓi nah da buyo Mardoke a ɓiy ani kahana kahana.

ESTER 2:23

A dirba taŋ mikaka virzi ngi ɓi nah na, a lumaka ɓi nah naŋ kaslsla kanah gisiŋ. A luwaka mizli munguɗo mucuw tayna tuwa, a muŋ. Waɗ a tohoko ɓi nah toh toh angi ɗerewol ngi ɓi ngi buyoy, a mihiri ngi buyo.

ESTER 5:8

Buy ɗu, da ki puriy le kuy na, tiɓa cufuɗ ɗu, yo ga gwat ya mawuɗ ani na. Anja tipirik na, kisa soko ati Hama na ng'ar ɗaf ngi muguzlum ya masa da vur kum na ta kwa. Naɓa i sa ziluw mi ngi cufuɗ ɗik na so kumani.»

EZAYI 41:17

Mizli muvusohoy ati migeˀ ircecehey, maram ti sipi yam, amma anta lumam ta, yo misi madalyam mingbaˀa taŋ irneˀ le na, ya Bumbulvuŋ, i sa zila taŋ mi, ya Buymisemuŋ ngi Israyele, y'anta sa pula taŋ zlaɗ ta.

DANIYEL 2:1

Buy Nabukodonozoro, ti naŋ mazum buy ngi vi mucuw naŋ na, musuwun a gaŋ. A gaŋ lesle welele, hã a hinje mata.

DANIYEL 6:18

A kam ɗugur risl a mi vigiɗe. Buy a ɗuva haŋ ti dangwa naŋ ati ngi mizli hirnga naŋhay ara, ɓa ɓi ngi Daniyele, gwat ma mbiɗi anta mata.

MALASI 3:16

Naŋ kine, mizli mazluwunam ti Bumbulvuŋ a kiɗam slir ar wala taŋ kahana. Bumbulvuŋ a jika slimiɗ le asi mingiɓi taŋ, yo a cine taŋ di le. Mizli mazluwunam ti Bumbulvuŋ, yo maɗuvakaŋ hirnga gar na, a tohoko slimiɗ taŋ le toh toh ar ɗerewol ɓaˀ a mbuŋ naŋ.

ROMAHAY 11:33

Yawwa! Buymisemuŋ naŋ ti zlili haɗi wãˀ! Sin naŋ mijileŋ ati sin naŋ ngi gi gwata, taŋ jileŋ haɗi! Wuluk naŋ mujuwa le a mevele na, maɓa mbiɗeˀvra naŋ gu, i waka? Gwat naŋ miɗiya jiviɗ naŋ le na, masla wala naŋ gu, i waka?