ESTER 5:2 - Bible en langue guiziga

² Akẽh na, buy mupura maˀãy Ester mideŋ a wazlaray tuwa keɗ na, a gaŋ kuy teˀe. Buy a tilaŋ ganday nga naŋ ngi ɓiri tapasl tapasl mikaw asi haŋ naŋ na. Ester a kirih, a ja haŋ kaw avu mi ngi ganday ngi buyo.

ESTER 5:2 ပူးပေါင်းရင်းမြစ်များ

ZLI VIRZI 32:28

A cufuɗaŋ: «A zilukuw mbrike?» A mbiɗaŋ di: «A zilikiy Zakop.»

NEHEMI 1:11

Aw Bumbulvuŋ, jiko slimiɗ ɓa ki cine diradibiɗ nga ya gawla ɗike, waɗ ngi gawla ɗikey mahĩyãka zluwun ti ka na. Ga ɓa gwat ya mawuɗ i ga dana na, i ga gu, yo ga ɓa buy a puriy ircece takwa.» Ti di nah vuna, naɓa mavula gwat ngi si da buyo i ya.

ESTER 2:9

Hege a hĩyã Estere le, a pura Estere kuy avu hiri. A wus vu ngi vulaŋ mal mezlehey ngi puy ngi gaŋ dumvu ngilew ngilew, waɗ a vulaŋ gwat naŋ mazum mazumo. Yo a vulaŋ ziri diili hirnga hirngahay mitarnaˀ misi a hay buyo. A dirba nah, a hila taŋ tir hay ngi ngwasaya, a pa taŋ sek pal taŋ ng'ar viŋ mimezle ar hay ngi ngwasaya.

ESTER 4:11

«Ko waka gar, mbur mizile malla ngwas mira ru nga ciki buyo da i naŋ mizilaŋ ti zil ta na, a kiɗaka mbur nah vagay cummo. A juwam ɓi le vurˀe kahana. Ɓa mbur nah a ndir ti siifa na, sey da buy a sikaŋ ganday ngi ɓiri tapasl tapasl nga naŋ buy na le far. Gawla ngi buyoy ati mizli ng'ir li ngi buy miwi lihey, naŋ mazum buy anga gar na, a sinaka ɓi nah le kahana. Ani ya, i gi le dana hin kukur makir, manja a zilikiy, ɓa i ru ng'avu buyo.»

ESTER 8:4

Buy tuwa, a tila ganday naŋ ngi ɓiri tapasl tapasl til da Estere. Akẽh na, Ester a slikiɗ pirtaˀ deŋ a mbuŋ buyo.

DIMISEY 116:1

Yi wuɗ Bumbulvuŋ, asi da ya mira tumbuloŋ na, a ciniy di.

MIKUCUWULOY 21:1

Mevel ngi buyo, naŋ kaɓa mizaw asi haŋ ngi Bumbulvuŋ, a ngi di hirnga ng'ar li naŋ muwuɗ le gar.

SLRA 10:4

Korney a ɗuva hiri taˀ angaŋ, zluwun ara gaŋ, a mbiɗaŋ di: «I mi migi ka Bumbulvuŋ? Modro ngi Bumbulvuŋ a ɓaŋ: «Diradibiɗ ɗik ati gimezle ɗik da misi murgahay na, Buymisemuŋ a tiɓa le.

SLRA 7:10

a bi di tir bonoy naŋhay gar. Joˀ a gaŋ mezleŋ, a vulaŋ sinmijileŋ a mbuŋ buy madiɗa ngi Ezipte. Buy Ezipte a cifa Zosefe i buy miwi li angi hirwuy Ezipte, yo ar hay naŋ gar.