ESTER 4:16 - Bible en langue guiziga

¹⁶ «Yudehey misi a Sus gar na, ara kuso taŋ, ɓa ki gam dalyam vur ya: gam hin makir, ki zumam gwat ta, kisam gwat ta, papas ati duvuɗ naŋ gar. Ya ati ziri mongoso migi slra ɗuwoyo kwana, i sa gam dalyam kanah ya. A dirba nah, ko ti ɓimujuwa gar na, i sa ru ng'avu buyo da a bi i ngi muc kwana, i sa muc si.»

ESTER 4:16 ပူးပေါင်းရင်းမြစ်များ

ZLI VIRZI 18:19

Ya muwunaŋ na, ɓa a ɓa ziri naŋhay ati dideˀ naŋhaya, ɓa a jaka ɓimuɗuva ɗu kuy kuy a hirngaŋ, ɓa a gam gwat mijeŋŋe, yo mi kaslsla. Vurˀe, i sa gaŋ gwat ya miɓaŋ di ɗaˀ le tuwa.»

ZLI VIRZI 43:14

Anja Bumbulvuŋ misi gidaŋ wãˀ, a ga ɓa mbur nah na a gukum mezleŋ, anja a pula sukum kum mekelem na, waɗ Benjameŋ, ɓa ki moko! I sa ndir ɗoɗok manja zuŋ, kaɓa y'anta ti ziri zleˀe ta mbrike?»

SAMUYEL MUCUW NAŊ 10:12

Cici gidaŋ gidaŋ, yo bugukum di ndr'i gambarahay da mizli ndrahay waɗ da walahay ngi Bumbulvuŋ ndraˀahaya, yo anja Buymisemuŋ a gi gwat maciraŋ hiri.»

BUYOY MUCUW NAŊ 7:4

Da i ɓam le: Cukum ng'ar walahay na, naɓa i sa micam, asi mike na, may ara bul vu aruŋ. Yo da i ndiram le aka, naɓa i sa micam vuna ma si. Zuwen na, cukum ng'ar li pi sar ngi Sirihey na, da a pulam ndra ti siifa, naɓa i sa ngiram. Yo da a kiɗam ndra le vagay kwana, naɓa i sa micam a kiɗ mi.

ƁI NGI HINEY MUCUW NAŊ 20:3

A ga zluwun le da Zozafata, a wuluk a mevele ɓa a cufuɗa Bumbulvuŋ, yo a til mi ɓa mizli ngi ruwuy Zuda gar, a gam dalyam.

ESDRAS 8:21

A ciki mizaw Ahawa tuwa na, i til mi ti ɓi ngi dalyam, i hinam hirnga a mbuŋ Buymisemuŋ ndra, ɓa a ga ndra mezle, i zuɓaka mulaka jam jam ati ziri ndrahay waɗ ti gazlanga ndraˀahaya.

ESTER 4:15

Dar Ester a slin ng'avu Mardoke, ɓa a ɓakaŋ na:

ESTER 4:17

Dar Mardoke a ru, gwat Ester miɓaŋ di gar na, a ga kanah.

ESTER 4:3

Ɓi buy miɓa ati ɓi naŋ ɓi micica tuwa, mindil le angi hirwuy ngi buy miwi lihey cek na, naɓa Yudehey a roko ti tuwuy ngi vagay: a gam dalyam, a tuwam kol kol, a tuwam kaɗam kaɗam, mizli haɗi a hinam ar buh, ar fucu.

ESTER 5:1

Ar kiɗa mi ngi hin mimakir naŋ tuwa na, Ester a ka zana naŋ ngi maˀãyaya, waɗ a cici deŋ a wazlaray buyo, hiri pulaˀ ng'avu mugum ngi buyo. Buyo, a ro joˀ zleˀe ar janga naŋ ngi buy ar mugum naŋ, hiri pulaˀ nga mizlingre.

ESTER 9:31

A ɗuvaka hin ngi Purim tayna angi hin taŋ, kaslsla kaɓa Mardoke, mbur Yude ati maˀãy Ester muɗuvaka taŋ di. A ɗuvaka taŋ di vur hirnga taŋ vuna ati dideˀ taŋhay, a ɗuvaka taŋ di jom ti ɓi ngi dalyam ati ɓi ngi tuwuy taŋ na ma.

EZAYI 22:12

Tapasa, Bumbulvuŋ Buymisemuŋ, misi gidaŋ wãˀa, a ɓukum ɓa ki tuwam, ki tuwam irslik irslik, ɓa ki hijaka hirngahaya, yo ɓa ki kam zana ngi vagayay.

ZEREMI 36:9

Angi kiya mungoltir, ngi vi muzlum naŋ ngi Zoˀakim, mangal ngi Zoziyas mazum buy a Zuda na, a ziloko mizli ngi Zeruzalemeye cek waɗ mizli ngir walahay Zudahay gar musoko a Zeruzalem tuwa, ɓa ngi gi dalyam a mbuŋ Bumbulvuŋ.

DANIYEL 2:18

A ɓa taŋ ɓa a tumbuloko Buymuŋ vur ɓi ngi gwat mufuna wuluk ngi mbur hana, ɓa a ga taŋ mezleŋ, vur taŋ mamicam jom ati misi sinmijileŋ ngi Babiloŋhoyo.

Matiye 12:40

Asi Zonasa, a vi hiipas hiipas makir ati duvuɗ duvuɗ makir a kwacay kilif madiɗa. Mangal ngi mburo kwana, a sa vi hiipas hiipas makir ati duvuɗ duvuɗ makir a hur hirwuy aya.

Ɓimezle ngi Yesu Kristu LUK mitil di mi 9:24

Asi ko wa gar muwuɗ laha siifa naŋ le na, a sa zizaŋ. Amma ko wa gar maziza siifa naŋ asi ya na, a sa lahaŋ.

Ɓimezle ngi Yesu Kristu ZAŊ mitil di mi 19:22

Pilat a mbiɗa taŋ di: «Gwat ya mutoho le na, i toho le si.»

SLRA 10:7

A dirba modro miɓaŋ ɓi tuwa, mucuh si na, Korney a zilo mizli cuw a wuzla gawla naŋhay waɗ soje naŋ pal, miteŋteŋ, mizik le ava.

SLRA 20:24

Na zle, y'anta pura siifa ɗu kaɓa i gwat mupuɗaw ta. Ya magi hĩˀĩ na, ɓa yi kiɗa mi ngi pi mi ɗu kuy kuy waɗ slra Buy Yesu mupuliy di na, i sedewo ngi Ɓimezle, ti gimezle ngi Buymisemuŋ.

SLRA 21:13

Dar a mbiɗa ndra di: «Ki tuwam, yo ki slikiy mevel vur mike? I juw vu le, ɓa a juwikiy ti juw tew ta ma, amma ɓa yi muc a Zeruzalem asi slimiɗ ngi Buy Yesu.»

SLRA 27:33

Ti taŋ makutukoko li masa wun tuwa na, Pol a ɓa mizli gar ɓa a zumam gwat, a zla a ɓa taŋ na: «A gi le dana hin kuruˀ nga mufaɗa, ki ra kutukom, manja zuma gwat.

SLRA 9:9

A cifi a diga, a gi hin makir, ko a pur ta, a zum gwat ta, a si gwat ta.

ROMAHAY 16:4

A ndir mata ɓa a zizaka hirnga taŋ asi ya ɓa ngi lihiy. Maga taŋ sise, i ya pal ta. Cikil ngi misi kristu Yude tahay gar kwana, ara gaka taŋ di aya.

FILIPIHEY 2:30

Asi mike na, a ndir mata ɓa a muc asi slra ngi Kristu. Gwat kum vuna migikiy di gu ta na, naŋ, a vula hirnga naŋ le ɓa ngi naha mi naŋ.

ZOZUWE 24:15

Amma, da gi mezegwel da Bumbulvuŋ a cirukum hiri ta na, wunam mbur ngi gaŋ mezegwele dana so. Kuli, dideˀ kumoy migaka taŋ mezegwel zleˀe a dubazaw Efrat na kwa, malla da kuli ngi Amorihey, kum misi angi hirwuy taŋ wurenna na kwana, wunam so. Amma ya ati mizli ngi hay ɗuwoyo ndr'i sa gam mezegwele da Bumbulvuŋ.»

SAMUYEL MUDUMBUŊ NAŊ 19:5

A vula hirnga naŋ ɓa ngi kiɗa mbur Filisti, yo Buymisemuŋ a ga Israyel a cifi bugawla madiɗa. Ki pura le, yo ki cin ndum le ta kwa! Davite migi gwat ta si na, ki wuɗ ki paŋ pumbuso, ki wuɗ kiɗ naŋ vagay ngatara vur mike?»