ESTER 4:1 - Bible en langue guiziga

¹ Mardoke micina ɓi nah cin na, a ngira zana naŋ ngi vu vuhoy avra, a ki zana ngi vagay, waɗ a pi fucu a hirnga. A bi puɗak walahaya bal ti widi kaɗam kaɗam.

ESTER 4:1 ပူးပေါင်းရင်းမြစ်များ

ZLI VIRZI 27:34

Ti Esaw micina mingiɓi ngi cine naŋ na, a muɗaŋ didak le haɗi, a zuɓa ˀay a muŋ, a ɓa cine: «Aw baha ɗu, ɗuwuliy di da ya aya!»

ZLI VIRZI 37:34

Zakop a ngira zana naŋhaya, a juwa kwacaya wak ti zana ngi vagay, dar a tuwa mangal naŋ hin mbeˀ mbeˀe.

SAMUYEL MUCUW NAŊ 1:11

Akẽh Davit a ja zana naŋhaya, a ngira taŋ. Mizli naŋhaya gar kwana, a gaka kanah ya.

SAMUYEL MUCUW NAŊ 13:19

Tamar a hil fucu, a pa a hirnga, a ngira zana naŋ hirnga misilmir tuwa, a pa haŋ sek a hirnga, aru bal ti widi.

ESTER 4:2

Akẽh na, Mardoke a ndil sesẽŋ a mizlingre buyo waɗ a cici deŋ. Asi mike na, mbur miki zana ngi vagay le na, a tuwuɗa mizlingre ngi buyo ta.

ESTER 4:3

Ɓi buy miɓa ati ɓi naŋ ɓi micica tuwa, mindil le angi hirwuy ngi buy miwi lihey cek na, naɓa Yudehey a roko ti tuwuy ngi vagay: a gam dalyam, a tuwam kol kol, a tuwam kaɗam kaɗam, mizli haɗi a hinam ar buh, ar fucu.

Ɗerewol JOP 1:20

Akẽh na, Jop a slikiɗ. A ngira godo naŋ waɗ a hija hirnga. A diɗ mboh a ruwuy, a huruk huruk,

Ɗerewol JOP 2:8

Akẽh na, Jop tuwa, a cifi ar fucu, a zuɓ holyom, a funa vu ti naŋ.

Ɗerewol JOP 42:6

Vurˀe, mesem ara giy ti vu ɗu vuna, i ra zil marava ar ɓi ya miɓa zleˀe na, y'ani burfuk burfuk ar murɓuk waɗ ar fucu. BUMBULVUŊ MIƊIYA JOP AMUŊ

EZAYI 15:4

A Heseboŋ waɗ a Elale, mizli ara wudam, widi taŋ a cin sesẽŋ a Yahasa. Soje ngi Moˀapay mawudam cərəwcərəw na vurˀe, yo membezleŋ ngi vu taŋ a hĩhĩy le.

EZAYI 22:4

Wurenna i ɓukum na: «Ki kam slimiɗ ar ya mata, pulikiy i kuɗuma tuwuy. Vur mingizlaka walahay ngi mizli ɗuwoy na, ki giram vu kum ngi tikiniy ar li tuwuyo ta.

EZAYI 37:1

Buy Ezekiyas micina mingiɓi nah cin cin na, a ngira zana naŋ ngi vu vuhoyo, a ki zana ngi vagay, aru ng'ar hay ngi Bumbulvuŋ.

EZAYI 37:2

A dirba nah, a slina Eliyakim, mbur madiɗa ngi hay naŋ ati Sepna, mbur mutoho gwat waɗ masay magala hay ng'avu mijiviɗ Ezay, mangal ngi Amos. Taŋ gar ti zana ngi vagayay ɓaˀ ɓaˀ avu vu,

EZAYI 58:5

Dalyam ya mawuɗo, naŋ kanah kwa? Hin ngi ga bonoy da vu kumo, naŋ kanah kwa? Ki guɓoko hirngahaya nga ruwuy kaɓa lavaɗ, ki kam zana ngi vagay, yo ki hinam ar fucu na, kum mazilam gi dalyam vuna i nah kwa? Kum matilam mi ti ɓi ngi dalyam vuna vur nah kwa? Kum matilam mi ti hin ngi gi dalyam, ɓa ya Bumbulvuŋ i gukum mezle vuna, vur nah kwa?

EZEKIYEL 21:11

Ka mburu, tuwa ɓi ɗike, guɓ guɓ ti ɓi miɗalaka. Ki sa tuwa ɓi ɗike daˀ a mihiri mizli vuna si.

EZEKIYEL 21:6

Bumbulvuŋ a ɓiy na:

DANIYEL 9:3

I mbiɗi hiri ng'avu Bumbulvuŋ Buymisemuŋ, ɓa i diraŋ dibiɗ, i tumbuloŋ, ti gi dalyam, i ki zana ngi vagay waɗ kor kor fucu avu vu.

MISE 1:8

Ya Mise, i sa kuɗuma tuwuy, yo i sa widi ti gidaŋ ya. I sa ru manja tarak a sar, waɗ vu gulndiŋ kine. I sa zlo kuɗma tuwuyo kaɓa kiriɓuh. I sa zli dimis ngi vagay kaɓa tuwuy ngi maduuli.

SOFONI 1:14

Hin madiɗa ngi Bumbulvuŋ naŋ gweˀe, naŋ gweˀe, ara zuɓo sar paɗ paɗa. Da hin nah mindilo le na, mizli a sa wudam cərəwcərəw, ko mbur miwirwir kwana, a sa widi: ‹gawla kilawa›.

Matiye 11:21

«Kum Koraziney, kay, kum ar bonoy! Kum Betsaydahay, kay, kum ar bonoy! Asi cekenehey ya miga taŋ a hay kum na, da yi ga taŋ zleˀe a Tir ati Sidoŋ na, anja mizli ngi raˀahay a kam zana ngi vagay le, a putukulom le ar fucu, ɓa a bigaka a mbiɗaka mevel taŋ le.

SLRA 14:14

Akẽh na, Pol ati Barnabas micinaka ɓi nah na, a ngiraka zana taŋhaya, a kilam kutum nga wuzla zigiduwo bal ti tila mi,

ZOZUWE 7:6

Zozuwe ati micawwa ngi wuzla Israyeley a ngiraka zana ngi vu vuhoyo. A pam murɓuk sek sek nga hirnga, a hurkom huruk huruk a mbuŋ akoti ngi Buymisemuŋ, hã pastaˀ.

ƁIMUNJUYO 11:3

I sa slina migi sedewo ɗuwoy mucuw na, hin durmuk ti skat cuw ti kukur merkeɗe, zana ngi vagay ɓaˀ ɓaˀ avu vu, ɓa a ɓaka ɓi ngi Buymisemuŋ minjika taŋ di na.»