ESTER 3:5 - Bible en langue guiziga

⁵ Haman a pura na, Mardoke anta huruk huruk a mbuŋ naŋ ta, yo naŋ anta hin huruk a mbuŋ naŋ ta ma. Dar Haman a slikiɗ himaˀ.

ESTER 3:5 ပူးပေါင်းရင်းမြစ်များ

ESTER 1:12

Gawla munguɗo ngi buyoy mindilam ti mislin ngi buyo ng'avi maˀãy Vasti, ɓa a ru nga mbuŋ naŋ tuwa na, maˀãy a ngum ta. Akẽh na, buy a ji mevel, a slikiɗ himaˀ fõh fõh haɗa teˀe.

ESTER 3:2

Gawla migi slrahay misi a mamay buyo cek cek na, a huruk hurukam, a hinam huruk huruk a mbuŋ Hama na, asi buy a vula jiviɗ nah le kanah. Amma sey Mardoke anta huruk huruk ta, anta hin huruk a mbuŋ naŋ ta.

ESTER 3:4

Vur hin gar na, mizli ara ɓakaŋ di kanah, amma ko Mardoke anta cine taŋ di ta na si. Mardoke vuna ada ɓa taŋ zleˀe, naŋ i mbur Yude. Vurˀe, mizli ara faka ɓi nah da Hama na, ɓa a pura da Mardoke naŋ da nga naŋ nga naŋ ar gwat ngi gi naŋ kwana.

ESTER 5:9

Tapasa, Haman a bi ta hay Estere, ti cira hiri, mevele zuyyo. Amma naŋ mupura Mardoke keɗ a mizlingre na, a slikiɗ himaˀ ar Mardoke tuwa, asi Mardoke a slikiɗ di ta, yo a zluwun di ta.

Ɗerewol JOP 5:2

Haˀaw, makiɗa mbur gilawa i mevel a kwacay, mbur manja lesle, i suloŋ makiɗaŋ a kwacaya.

DIMISEY 37:12

Mbur miziriɗa mi ngi Bumbulvuŋ, ara gi wer ngi ziza mbur mijeŋŋe, ara humbuɗ sliŋ ng'araŋ.

MIKUCUWULOY 12:16

Mbur gilawa, a biga ji mevele a haŋhaŋ si, amma mbur misi were, da ara zakaŋ na, a nda ɓi nah ndeˀ a kwacay.

MIKUCUWULOY 19:19

Mbur maji mevel haɗa na, a wuruk pokolo, asi da ki pula le teˀ na, ki hilaŋ di i muyuŋ ɓa a ga ti vendeke.

MIKUCUWULOY 21:24

Mbur mahuhum vu, macin ta na, mazilam hirnga gidaŋ na i naŋ, a ga slra naŋ ti huhumo vu mifineˀ gidaŋ le.

TILA MI 10:6

i mavulaka slra mimadiɗahay da mbur gilaw, amma misi zliliheye, a ndiram ti slra mupuɗaw puɗaway ta jaka.

DANIYEL 3:19

Akẽh na, Nabukodonozor a zuɓ himaˀ fõh fõh. Mihiri naŋ a mbiɗi avu ti Sadrak, Mesak ati Abet-Nego. A ɓa mizli, a ɗiyaka vu giw giw, hã a funa maɗiyaka zleˀe makaw tarnaˀ.