ESTER 3:1 - Bible en langue guiziga

¹ Neˀ a dirba ɓi tayna mucohom na, Hama na, buy Zerses a vulaŋ li ngi slra mimadiɗa haɗa. Haman i mangal ngi Hamedata, mbur Agak. Buy a tiri ti Hama na ɗongor, a cifaŋ i madiɗa ngi mizli madiɗa ngi slra naŋhay gar.

ESTER 3:1 ပူးပေါင်းရင်းမြစ်များ

ZLI VIRZI 41:40

Masa cifi madiɗa ngi hay ɗu i ka. Mizli ɗuwoy gar a sa cinam avu ka, yi sa funuw na, ti zumabuy tewle.»

ZLI VIRZI 41:55

Ti may mizla ci avu taŋ ya na, mizli a zlaka, a cufuɗam gwat ngi zum avu buy madiɗa ngi Ezipte cǝruw cǝruw. Buy madiɗa ngi Ezipte a mbiɗa da Eziptehey gar, a ɓa taŋ: «A ram, ara lumaka Zozef, ɓi naŋ muɓukum di le gar na, gakaŋ.»

ESDRAS 7:14

Asi mike na, ya ati mukuti vu ɗuwoy mitarnaˀ na, i ndra mislinukuw nga lo virzi ngi ɓi vur hirwuy Zuda, waɗ vur Zeruzaleme, kaɓa ɓimujuwa ngi Buymisemuŋ ɗik mikaw asi haŋ ɗik na.

ESTER 1:14

I ti: Karsena, Setar, Admata, Tarsis, Meres, Marsena waɗ Memukaŋ, mizli migweˀ gweˀ ngi vaˀahay, a wuzla muvula kuti da naŋ buyo. Yo mizli madiɗa ngi slra naŋhay mitarnaˀ misi a Perse waɗ a Medi. Mizli tayna gar na, i mizli ngi si mevel ngi buyoy, yo i mizli madiɗa ngi mbuŋhoy ar zuma buy ngi Zersese.

ESTER 3:10

Ar nah na, buy a cuko dangwa naŋ ngi muzuŋ haŋ, a ca da Haman mangal ngi Hamedata, mbur Agak, mesene ngi Yudeheye.

ESTER 5:11

Zlili naŋ mihaɗa teˀe, ziri naŋhay miheɓeheɓe, waɗ gwat buy migaŋ di gar, naŋ mucufaŋ madiɗa ngi mizli madiɗa ngi slra ngi buyoy, yo fineˀ gawla naŋhay gar na, dar a slufa taŋ di.

ESTER 7:6

Ester a mbiɗaŋ di: «Mbur mazlir ti ndra ta, yo i mesene ndra ma na, i Haman, mbur mihirya wãˀa.» Ɓi misenna a zliɗa lesl da Hama na daˀ a mbuŋ buy ati maˀãy tuwa akẽh si.

ESTER 8:3

Ester a ɓa buyo ava ma. A hin huruk a mbuŋ buyo dar a tuwuy, a tumbuloŋ, ɓa bonoy ati gidiɓi, Haman, mbur Agak mujuwa a mevele ngi ngizla Yudehey tuwa na, anja ɓa buy a kiraha ɓi nah avra.

MIKUCUWULOY 29:2

Da mawaka li i mizli mijeŋŋehey na, naɓa mizli taŋ ti mumul, amma da mawa li i mbur misi moˀore na, naɓa mizli a niˀicam.

TILA MI 10:6

i mavulaka slra mimadiɗahay da mbur gilaw, amma misi zliliheye, a ndiram ti slra mupuɗaw puɗaway ta jaka.

DANIYEL 6:2

Dariyus a wuluk ɓa a ci madiɗa ngi mizli micawwahay skat ti kukur cuw, ɓa a tislaka li zuma buyo tisl wãˀ.

SLUFA VU 24:7

Taŋ kaɓa yam mavunoho tir miviɗiviɗi naŋ, a ɓul jiniy jiniy ng'ar guva. Buy taŋ madiɗa, a sa pa hirnga da Agaka, gidaŋ ngi zumabuy naŋ a sa ndih.

SAMUYEL MUDUMBUŊ NAŊ 15:33

Amma, Samuyel a ɓaŋ: kaɓa ka mupula ngwasay ɗoɗok ɗoɗok manja ziriy ti maslalam ɗik na, naŋ kine, munuk a sa ndir ɗoɗok, manja mangal a wuzla ngwasay aya. Joˀ Samuyel a kiɗa Agak a mbuŋ Buymisemuŋ a Gilgala.

SAMUYEL MUDUMBUŊ NAŊ 15:8

Agak, buy Amaleke, a jakaŋ naŋ ti ji, a kiɗa ta, amma a ngizlaka mizli gar ti maslalam.