ESTER 2:7 - Bible en langue guiziga

⁷ Dambalaka na, Mardoke vuna a gil jamba naŋ le, a zilaka Hadasa waɗ Ester ma. Asi Estere, cine ati mumuŋ a micam le. Zuŋ diili Estere, dumvu naŋ a wucuɗ ngilew ngilew, yo hiri a ɗuv ava ta wãˀ. A dirba miyi naŋhay mumicam na, i Mardoke migilaŋ.

ESTER 2:7 ပူးပေါင်းရင်းမြစ်များ

ZLI VIRZI 48:5

Yo wurenna, ziri ɗik mizilehey mucuw, muyukuw taŋ a Ezipte aka, ti ya muso t'aruŋ na, taŋ i ziri ɗuwoy. Efrayim ati Manase a sa ndiram da ya, kaɓa ti Ruben ati Simeyoŋ na ya.

ESTER 1:11

ɓa a sakaŋ ti maˀãy Vasti nga mbuŋ naŋ. Anja a sawa na, hirnga tuwaɗ tuwaɗ ti loppol nga naŋ maˀãya, ɓa a so biga kuy naŋ mazli ta wãˀ na da mizli gar, waɗ da mizli madiɗa ngi slra ngi buyoyo. Vasti naŋ kuy teˀ gwaɗ naŋ, hiri a ɗuv ava ta wãˀ.

ESTER 2:15

Ester, zuŋ ngi Abihayil, jamba naŋ Mardoke migila tuwa, hin ngi ru naŋ ng'avu buyo a ndila le. Naŋ a cufuɗ nga naŋ ɓa a vulakaŋ na, sey gwatay, Hege, mbur munguɗo, buy ngi ngwasaya hay buy, mibigaŋ taŋ na tewle. Mizli gar na, a puraka Estere ti hiri mezle.

ESTER 2:20

Ester a bigi muy naŋhay ati sukwi ngi mizli naŋhaya ta, asi Mardoke a ɓaŋ le ɗa ˀ ɗaˀ le, ko anja a biga taŋ ta. Ester ara cine mi da Mardoke aruŋ na si, kaɓa naŋ misi zleˀe asi haŋ naŋ.

ESTER 8:1

Kalla tapasa vuna si na, buy Zerses a vula zlili ngi Haman, mesene ngi Yudeheye gar da maˀãy Ester. Yo ma na, Ester a njika da buyo muduba, Mardoke i jamba naŋ. Joˀ Buy a ɓi ɓa a soko ti Mardoke nga mbuŋ naŋ.

Ɗerewol JOP 31:17

I zum ɗaf le ɗaˀ pal ɗu manja i vula mutuhu kwa?

Ɗerewol JOP 31:18

Zle ti ya misi ti zuŋ na, i gila mutuhu kaɓa yi cine jaka, yo diga miyikiy cak si na, mabiga jiviɗ da wudiga i ya.

KORENTIHEY MUCUW NAŊ 6:18

I sa tiri Cine kum, yo kumo, kisa tiram ziri ɗu mizile ati mongosohoy. Maɓi hana i ya Bumbulvuŋ misi gidaŋ wãˀ.»

EFESEY 6:4

Kum miyi ziriy, ki slikiɗaka himaˀ ngi ziri kumoyo ta, amma gilaka taŋ ti sirik ati kuti maso ti vu Bumbulvuŋ.

ZAŊ MUDUMBUŊ NAŊ 3:1

Puraka, Cine ndra muwuɗ ndra na ɗi. Wuɗavu naŋ na, naŋ haɗi, hã a zilam ndra ziri ngi Buymisemuŋhoy. Ndr'i ziri naŋhay gisiŋ. Puraka, duniya masina ndra gu ta na, asi a si na Buymisemuŋ ta.