ESTER 2:18 - Bible en langue guiziga

¹⁸ A dirba nah, buy tuwa, a di ɗaf ngi muguzlum ti slimiɗ ngi Estere. A zilo mizli madiɗa ngi slra naŋhay ati gawla naŋhay gar nga ara. Buutu mawurkaka ar li ngi buy miwi lihey ar hirwuy naŋ gar na, a ngica taŋ di avra, waɗ a vula gwat da mizli ti gula ti hazum, ka vul nga naŋ buyo.

ESTER 2:18 ပူးပေါင်းရင်းမြစ်များ

ZLI VIRZI 29:22

Labaŋ a kuso mizli ngi kẽheye gar ngi gi muguzlum ngi kisa ngwasa.

NEHEMI 8:11

Levihey a taˀaka mi da mizli, a ɓaka taŋ: «Cifam teˀ teˀ takwa, asi hin misenna i muvula le da Bumbulvuŋ. Anja ki likam ta.»

ESTER 1:7

A saka mbaazla ti skiɗ ngi ɓiri tapasl tapaslay, muvuɗa ti sukwi wal wal haɗa. A vula vul ngi buyo le, mbaazla a ɓul ka yam.

ESTER 9:22

Asi mike na, hin tayna, i hin Yudehey mulumam di musuko vu avu mesene taŋhay, i kiya ngi gwat mimbiɗi pirwizliˀ avu taŋ, hin ngi bonoy mimbiɗi hin ngi mumul, hin ngi tuwuy mitiri hin ngi muguzlum. Hin tayna a sa gam i hin ngi zuma gwat ngi muguzlum waɗ ngi mumul, hin ngi slin ti gwatay ar wala taŋ, yo ngi slin ti gwat ngatara da misi murgahay.

DIMIS MIMEZLE 3:11

Kayya, kum diili ngir walahay hirnga, soko, singilaka buy Salomoŋ, muro hirnga tuwaɗ tuwaɗ ti loppol, mumuŋ mutuwuɗaŋ di, tapas naŋ mazuɓ ngwasa, tapas naŋ mumumul na.

DIMIS MIMEZLE 5:1

I co le ar jarne ɗu, sukum ɗu, haˀaw mangasl ɗu ngaya. I ra ga sifi ngi urdi mir ati urdi ɗu mihindirik hindirik. I ra zuma mamalama jom ti monjoftoloko. I ra sa mbaazla ati ɗuwa ɗu. Kum ngama ɗuwoy, zumam, kum mikiɗa may ɗuwoy, sam, wam ti mbaazla.

Matiye 22:2

«Zumabuy ngi muŋ a bam vu ati ɓi ani: Buy madiɗa mekelem ada, a di ɗaf madiɗa ngi vula ngwas ngi mangal naŋ.

Mark 6:21

Amma hin mizlir kuy wãˀ, a ndilo le. Tapasa Herod a gi muguzlum ngi yi naŋ, a gi gwat ngi zum haɗi da mizli madiɗa ngisi hirwuy naŋhay, madiɗa ngi sojehey ati mizli micawwa ngi Galilehey gar.

Ɓimezle ngi Yesu Kristu LUK mitil di mi 14:8

«Da a zulukuw le ng'ar muguzlum ngi vula ngwas na, ki ra cifi sey ar li cifi ngi mbuŋ ta. Asinta, a ziloko mbur madiɗa mifineˀ ka le kwana.

ƁIMUNJUYO 11:10

Mizli ngi si ruwuyoy gar a sa mumulom haɗi asi migi sedewo tayna mumicam na. A sa gam muguzlum vurˀe, yo a sa slinam ti gwat ngatarahay ar wala taŋ, asi mijiviɗ mucuw tayna, a gaka taŋ bonoy le haɗa.

ƁIMUNJUYO 19:9

Modro ngi Buymisemuŋ a ɓiy: «Toho na: Mizli mazilaka taŋ nga zuma ɗaf ngi vula ngwas ngi tumuŋ na, taŋ ar wuya!» A ɓiy ma: «Hana i mingiɓi ngi Buymisemuŋ vuna si.»

SAMUYEL MUDUMBUŊ NAŊ 25:8

Ki cufuɗa mizli ɗikeye, a sa ɓukuw kaslsla nah, anja ani ki tiɓa mizli ɗuwoy na a hay ɗike kuy kuy takwa, asi mike na, i soko i hin ngi muguzlum. Ambuh ta kwa! Gwat zliv ka misi ti naŋ gar na, vula ndra gawla ɗikeye, waɗ da mangal ɗik Davite.»