ESTER 10:1 - Bible en langue guiziga

¹ Akẽh na, buy Zersese, a ɗuv ɓi ngi wurka buutu asi ruwuy naŋ zlar gar waɗ angi hirwuy maturahay.

ESTER 10:1 ပူးပေါင်းရင်းမြစ်များ

ZLI VIRZI 10:5

Mizli mizliɗam hirnga ng'ar maturahay ati li ngi ciki mubuliyey na, i dideˀ taŋhay vuna gar, a lum hirwuyo, avu mi taŋ maɓam di maɓam di, yo avu sukwi taŋ mubo tivi dideˀ purla.

ESTER 1:1

Ɓi mutohoko angi ɗerewol hana na, a cuh ti hin ngi buy mazilaka Zerses. Buy Zerses nah vuna, a wi buy miwi lihey wal wal skat ti kukur cuw nga tarnaˀ, zle a Eŋde hã sesẽŋ a Etiyopi.

ESTER 8:9

Hirak ti hin nah vuna si na, a ziloko mutoho ɗerewol ngi buyoyo. Naɓa i kiya mimakir naŋ, a mbiɗeˀvra, kiya Sivaŋ, ngi hin mizli ngir cuw nga makir naŋ. A tohoko letireye kasl kasl kaɓa Mardoke muvula taŋ ɓi nah. A tohoko da Yudehey, da mijingaˀ ngi buy miwi lihey ati buy miwi lihey, da mizli madiɗa ngi slrahay misi ar li ngi buy miwi lihey mitaˀ taˀ skat ti kukur cuw nga tarnaˀa. A zli zle a Eŋde, hã sesẽŋ a Etiyopi. Li buy miwa le gar na, a tohokoŋ di ka toho gwat taŋ, ti mi ngi mizli ngi mizli, yo da Yudeheye ti toho gwat taŋ, yo ti mi nga taŋ maɓam di.

DIMISEY 72:10

Buy madiɗa ngi Tarsis waɗ ngir matura mikileŋ kileŋheye, a sa slinakaŋ ti gwat ngatarahay, buy madiɗa ngi ruwuy Saba ati Sebahay a sa wurkaka buutu da naŋ.

EZAYI 11:11

Ti hin nah na, is ngi mizli ngi Buymisemuŋhoy mindiram a Asiri, a Ezipte vay ruwuy, a Ezipte vay muŋ, a Sudaŋ, a Elam, a Babiloŋ, a Hamat-ngi-Siri waɗ ar matura ngir mubuliyey na, Bumbulvuŋ a sa ska haŋ ng'ar taŋ ngi mbiɗo hirnga taŋ ava ma,.

EZAYI 24:15

A ɓam: «Mizli ngi si pas ngi miprikey, gaka dudok da Bumbulvuŋ, zilaka slimiɗ ngi Bumbulvuŋ, Buymisemuŋ ngi Israyele, ar matura ngir mubuliye.»

DANIYEL 11:18

Akẽh na, a sa mbiɗa hiri pulaˀ ngir tivi maturahay, a sa tiɓi haɗa asi taŋ. Amma buy pal a sa kiɗa mi ngi zi vu naŋ na, manja naŋ a mbiɗaŋ di.

Ɓimezle ngi Yesu Kristu LUK mitil di mi 2:1

Ti di nah na, buy mimadiɗa Oguste a ɗuf ɓi, a ɓi ɓa a tohoko mizli ngi si hirwuyo keɗeɗe gar.