ESTER 1:3 - Bible en langue guiziga

³ Angi vi mimakir naŋ angi zuma buyo na, Zerses a di ɗaf ngi muguzlum da mizli madiɗa ngi slra naŋhay ati gawla naŋhay gar. Soje ngi Persehey ati ngi Medihey cek cek waɗ mizli hirnga hirngahay ati buy miwi liheye gar, a soko nga mbuŋ naŋ.

ESTER 1:3 ပူးပေါင်းရင်းမြစ်များ

ZLI VIRZI 40:20

Dambalaka, hin mimakir tuwa na, i muguzlum ngi buy madiɗa ngi Ezipte micifi buy madiɗa. Adi ɗaf madiɗa da gawla naŋhay cek, a zilo madiɗa ngi migi gwat ngi sihey ati madiɗa ngi midi ɗafay nga mbuŋ taŋ.

BUYOY MUDUMBUŊ NAŊ 3:15

Salomoŋ mupuɗuk na, a si na le kwaŋ i Bumbulvuŋ miɓaŋ ar musuwuno. A mi nga Zeruzalem, waɗ a cici deŋ a mbuŋ akoti ngi jumoˀay ati Bumbulvuŋ. A gi mikuli mizlam zlam wãˀ ati mikuli ngi ngiɓiˀay, waɗ a di ɗaf ngi muguzlum da gawla naŋhay gar.

ESDRAS 1:2

Sirus, buy Perse, a ɓi ani: «Ya Siruso, zumabuy ngi si ruwuy gar na, Bumbulvuŋ, Buy muŋ, a vuliy di le da ya, yo naŋ ti hirnga naŋ vuna a ɓiy, ɓa i ra ndiraŋ hay a Zeruzalem, hirwuy Zuda.

ESTER 1:14

I ti: Karsena, Setar, Admata, Tarsis, Meres, Marsena waɗ Memukaŋ, mizli migweˀ gweˀ ngi vaˀahay, a wuzla muvula kuti da naŋ buyo. Yo mizli madiɗa ngi slra naŋhay mitarnaˀ misi a Perse waɗ a Medi. Mizli tayna gar na, i mizli ngi si mevel ngi buyoy, yo i mizli madiɗa ngi mbuŋhoy ar zuma buy ngi Zersese.

ESTER 1:4

A gam kiya merkeɗe, angi hin nah gar na, buy a ro ar li biga taŋ zlili naŋ mihaɗa, naŋ muluma ar zumabuy naŋ, yo kuy ngi dudok naŋ mihaɗa mazli ta wãˀ na.

ESTER 2:18

A dirba nah, buy tuwa, a di ɗaf ngi muguzlum ti slimiɗ ngi Estere. A zilo mizli madiɗa ngi slra naŋhay ati gawla naŋhay gar nga ara. Buutu mawurkaka ar li ngi buy miwi lihey ar hirwuy naŋ gar na, a ngica taŋ di avra, waɗ a vula gwat da mizli ti gula ti hazum, ka vul nga naŋ buyo.

ESTER 3:7

Ngi kiya muɓulaˀ naŋ, a mbiɗeˀvra, kiya mazilaka Nisaŋ, angi vi mukuruˀ nga cuw naŋ ngi zumabuy ngi Zerses na, mizli a gam ceregezleŋ mazilaka Purim mbuŋ Hama na,, ɓa ngi luuma hin mezle. A gaka vur hine vur hine, yo vur kiya vur kiya. Ceregezleŋ a diɗ ar kiya mukuruˀ nga cuw naŋ, a mbiɗeˀvra, kiya Adar.

EZAYI 21:2

I pur gwat ti kleŋ, gwat magi zluwun ani. Muvula mbur mavul cil naŋ ngi ji, mihirya gwat, mahiryi gwat. Buymisemuŋ a ɓi na: «Elamay, zlaka kiɗa vu! Medey, ndahaka walahaya! I sa kiɗa mi ngi huhumo vu walahay nah wãˀa.»

ZEREMI 51:11

Bumbulvuŋ a juw ɓi le ngi ngizla Babiloŋ, a puɗuka wuluk ngi buy Mediheye le, a ɓi: Mbisaka mi ngi luvutoyo, hilaka mbarayaya. Bumbulvuŋ a pul di i cuwal, cuwal ngi hay naŋ.

DANIYEL 5:1

Ngi pas numuŋ ada na, buy Baltazar a gi muguzlum madiɗa da mizli hirnga naŋhay durmuku. Naŋ vuna ara si mbaazla a wuzla taŋ ya.

DANIYEL 5:28

PERES a mbiɗiavra ‹Muwuɗuka le.› Zuma buy ɗike, i muwuɗka le, a vulaka cah da Medihey, cah numuŋ kwana, da Persehey.»

DANIYEL 6:1

Dariyus mbur Medi a ci buyo, naɓa naŋ ti vi kukur merkeɗ ngaˀ cuw.

DANIYEL 8:20

Zlengerek misi durum cuw ka mupura na, i buy ngi Medi ati ngi Persehey.

Mark 6:21

Amma hin mizlir kuy wãˀ, a ndilo le. Tapasa Herod a gi muguzlum ngi yi naŋ, a gi gwat ngi zum haɗi da mizli madiɗa ngisi hirwuy naŋhay, madiɗa ngi sojehey ati mizli micawwa ngi Galilehey gar.