ESTER 1:10 - Bible en langue guiziga

¹⁰ Angi hin mitarnaˀ naŋ na, buy Zersese, hiri a ciraŋ le haɗa ti mbaazla tuwa. Gawla naŋ munguɗohoy ada tarnaˀ, i gawla migweˀ ngi vaˀahay, i ti: Mehumaŋ, Bista, Harbona, Bista, Abakta, Zetar waɗ Karkas. Buy a zila taŋ, a ɓa taŋ

ESTER 1:10 ပူးပေါင်းရင်းမြစ်များ

ZLI VIRZI 43:34

Zozef a ɓi ɓa a zuɓaka taŋ gwat ngi zum ngi mbuŋ naŋ. Amma ɗaf ngi Benjameŋ a wursluka ngi mekelemey gar is zlum. A saka mbaazla bummoˀ, hã a wam di.

SAMUYEL MUCUW NAŊ 13:28

A dirba nah, Absalom a ɗuva mingiɓi da gawla naŋhaya, a ɓa taŋ: «Da Amnoŋ ara cin ndum tisi mbaazla muvõy võy na, yo da ya misa ɓukum le, kiɗaka Amnoŋ na, kisa kiɗaka vagay si, ko ki ra zluwunam ta. Muɗuvukum mingiɓi i ya ta kwa. Tusom mevel, yo bigaka, kum i mizli migidaŋ gidaŋhay.»

ESTER 1:9

Maˀãy Vasti, naŋ kwana, a di ɗaf ngi muguzlum le da ngwasay a wazlaray buy Zersese.

ESTER 3:15

Buy miɓi ɗaˀ si na, misliney a wusam vu kutum kutum ng'ar liheye si, yo ɓi micica nah, a tilam di mi le a Sus, walahay hirnga. Hirak ti nah na, naɓa buy ati Haman a cifam le, ara sam mbaazla. Amma walahay Sus taˀ gar na, ɓi nah a ga taŋ ngirkik lambaˀ.

ESTER 7:9

Harbona, gawla purla a wuzla gawla munguɗohoyo, a ɓa buyo: «Mobor, Mardoke, mbur miɓa ɓi ngi laha hutuŋ ɗik na, Haman vuna a ɗiyi dum ngi luw naŋ le zleˀe a hay naŋ gisiŋ. Dum nah i minga le kaˀ a hay Hama na, dum ngi metir kukur cuw nga zlum.» Joˀ buy tuwa, a ɓi ɓa ara luwaka Haman vuna anga.

MIKUCUWULOY 20:1

Mbaazla a ga mburo, a singir ar mizli, yo barasa kwana, a ga mburo, a duf mi, mbur mawi ti mbaazla na, naŋ anta luuma sinmijileŋ ta.

MIKUCUWULOY 31:4

Lemuyel, si mbaazla a zlir avu buyoyo ta, ko avu yaramahay kwana, barasa a zlir avu taŋ ta.

TILA MI 10:19

Ɗaf mundumo, a vul mumul, mbaazla a puska vu da mbur ar joˀ naŋ, yo dala a gi gwat gar.

MIGI KIITAHAY 16:25

Taŋ muroko ar mumul tuwa na, a ɓam: «Ziloko ndra Samsoŋ ɓa a ga ndra singir neˀe.» A slinam nga zilo Samsoŋ ar dangaya, a ga taŋ gwat ngi singir daˀ a mbuŋ taŋ. A dirba nah, a ram di ng'ar wala ngi ɓamtal ngi hay ngi Dagoŋ.

MIGI KIITAHAY 19:6

Dar mbur tuwa, a zumam, a sam gwat cuw taŋ ati jomo naŋ joarleˀe. Mbur levi, jumo naŋ tuwa, a ɓaŋ: «Tuɓa, ɓa ki hin dana aka, musuk vu kuy kuy!»

RUTH 3:7

Boˀos a zum, a si gwata, mevele a hin le, a so hin tup a ciki daw mukos kos tuwa. Dar Rut tuwa, a so yaŋ yaŋ, a ngwaˀa borgo ti dasar naŋ ngwaˀ, a hin tup.