ESDRAS 9:9 - Bible en langue guiziga

⁹ Haˀaw, Buymisemuŋ ndra, ko ar li gi beke ndra zleˀe na kwana, ki pula ndra mbak fuk ta. Asi gi teŋteŋ ɗik na, ki pura ndra ti hiri mezle avu buy Perseheye, a pulam ndra ti siifa, ɓa i slikiɗaka hiri ngi hay ngi ɗik, ka Buymisemuŋ ndra na, ɓa i ndiram gwatay ar diŋheye, yo ɓa ki vula ndra musuka vu a Zeruzalem waɗ asi ruwuy Zuda.

ESDRAS 9:9 ပူးပေါင်းရင်းမြစ်များ

ESDRAS 2:68

Ti taŋ mindilam angi li ngi hay ngi Bumbulvuŋ a Zeruzalem na, cah a wuzla buy ngi hay taŋhay, a vulam gwat ngi mongoy taŋ, vur hay ngi Buymisemuŋ, ɓa a ndira kaˀ ar li naŋ a muŋ.

ESDRAS 7:6

Esdrasa, Ɓimujuwa ngi Bumbulvuŋ, Buymisemuŋ ngi Israyel muvula da Moyis na, a si na le haɗa. Gwat Esdras mucufuɗ gar avu buyo na, a vulaŋ di, asi gidaŋ ngi Bumbulvuŋ Buymisemuŋ naŋ, naŋ da ati naŋ.

ESDRAS 7:8

Esdras a ndilam ati taŋ a Zeruzaleme, naɓa i kiya muzlum naŋ, ngi vi mitarnaˀ naŋ.

ESDRAS 9:10

«Na wurenna, Buymisemuŋ ndra, i ɓam mbri a dirba nah aruŋ maka? Asi i pulaka ɓimuɗuva ɗikeye le.

NEHEMI 2:17

Akẽh na, yi zla i ɓa taŋ so: «Puraka bonoy ndra maduhurom di na, asi mesene ndrahay muwahaka mohol ngi Zeruzalemey na, yo asi miviŋ ngi mizlingre naŋhaya, vu a zuma taŋ le ma! Slikiɗukum, mukum hiri ngi ndira walahay Zeruzalem a muŋ, ɓa i ndiram ti mesem mata.»

NEHEMI 9:17

A ngumam cine mi ta, yo cekenehey ka miga taŋ vur taŋ na, a wulkaka ɓi naŋ keŋ mata. Hirnga taŋ gidaŋ. Taŋ mislikiɗam ɓi avu ka na ma na, a wulkam ɓa a mam ng'ar beke taŋ a Ezipte a muŋ. Amma ka, ki Buymisemuŋ mapul mungra ngi mizli, ki pur vu ti hiri mezle, ki pur ircece haɗa, ki ji mevel kutum ta, ka teŋteŋ haɗa, ko ki pula taŋ zlaɗ ta.

DIMISEY 109:12

Anja mbur magaŋ mezle, anta ko pal ta, yo anja mbur mapura ircece da mutuhu naŋhaya, anta ko pal ta.

DIMISEY 138:7

Da ko ya a wuzla bonoy kwana, ki ga ɓa i ndir ti siifa, ki kiɗa mizli mazliram ti ya tahaya, joˀ gidaŋ ɗik a tiri ti ya bugawla.

EZAYI 14:3

Israyeley, a dirba bonoy kum, duhur kum, waɗ a dirba kum migam beke, da Bumbulvuŋ misa vulukum muska vu le na,

EZAYI 5:2

A hufa li naŋ, a guɗuma ɗuguroy avra, waɗ a wini hilfa ngi gudubun, a nga taŋ. A wuzla guva, a ndir hay musubur, yo a li vigiɗ ngi ɗuco yi ngi gudubuno. A ra kutuko ɓa a sa yi gudubun mezle zleˀe, amma a sa lum i malambaˀhay.

EZAYI 5:5

Wurenna, i sa ɓukum ɓi ngi ya masa gi ti guva ngi gudubun ɗu. I sa turo zluɓ mugun hirnga naŋ, ɓa ginewey a zumam araŋ. I sa slina moholo ɓa mizli a cam, a kirpaka.

EZAYI 61:4

Diŋ misi zleˀeheye, taŋ a sa paka taŋ a muŋ, hay mumbuzla ngi dideˀ taŋhay zleˀe na, a sa ndiraka taŋ a muŋ, walahay mikirɗak kirɗak misi zlezleheye, a sa ɗuvaka taŋ a muŋ.

EZEKIYEL 11:16

ɓa taŋ na: Ya Bumbulvuŋ, Buymisemuŋ i ɓi: Ko da i kuruhukum le kileŋ nga wuzla sukwi mekelemey, malla da i zliɗukum hirnga taŋ le mber mber ng'asi ruwuy tekeɗe kwana, ar li kum mira cifam anga gar na, yi tiri avu kum a diga, kaɓa ar hay mipal.

DANIYEL 9:25

Sina sin le, yo sla wala nah, mingiɓi mubo ɓa mizli mijahay a moko, yo waɗ ngi ndira walahay Zeruzalem hiri naŋ a muŋ, ɓa hã buy mipaŋ mal ngi vula slra a bo na, naɓa vihey ada tarnaˀ tarnaˀ makaw tarnaˀ. Ar vihey tarnaˀ tarnaˀ makaw kukur merkeɗ ngaˀ cuw na, a sa ndiraka walahay ati mohol naŋhaya a muŋ, amma a sa gi i hin mutuwaˀ.

Ɗerewol AZE 1:9

Ki njaham hiri, anja ɓa ki lumam gwat ngi migama haɗa, amma kisa lumam neˀkini. Gwat ngi migam kumoy, kum miram taŋ le ngi haya na, i ˀufo himiɗ ara, a zliɗa hirnga naŋ mber mber. A gi kanah vur mike? Bumbulvuŋ misi gidaŋ wãˀa, a ɓukum: A gi kanah na, vur hay ɗu a tiri diŋ le, amma kumo so na, mbur gar na, ara wus vu ngi ɗiya hay nga naŋ nga naŋ.

ZAKARI 2:5

I zuɓa hiri paɗ na, i pur gwat ani: mbur deŋ ti zeweɗ ngi wi gwat kaw avu haŋ.