ESDRAS 9:7 - Bible en langue guiziga

⁷ Zle avu dideˀ ndrahay hã dana na, i gam malambaˀ le haɗa. Asi ndra migam mungra tuwa na, ndra ati buy ndrahay waɗ masay ndraˀahaya, ndr'i muvulahay le asi haŋ ngi buy ngi si ruwuyoy, ngi kiɗ ti maslalam, ngi ji ng'ar beke, ngi zuma gwat ndrahay waɗ ngi pi mesem, kaɓa dana ani na.

ESDRAS 9:7 ပူးပေါင်းရင်းမြစ်များ

BUYOY MUDUMBUŊ NAŊ 8:47

taŋ misi ar hirwuy mijaka taŋ ng'ara tuwa, da taŋ misa wulkam le, a zlaka a tumbulukuw, a ɓam: ‹Aw, i gam mungra le, i zluɓam ɓi le, i gam malambaˀ le›,

ƁI NGI HINEY MUCUW NAŊ 29:6

Asi dideˀ ndraˀahaya, a gam teŋteŋ avu Bumbulvuŋ Buymisemuŋ ndra ta, yo a gam malambaˀ le a mbuŋ naŋ: a pulakaŋ mbak, a ɗuvam hiri ng'ar hay ngi Bumbulvuŋ mata, yo a mbiɗakaŋ duba le,

ƁI NGI HINEY MUCUW NAŊ 30:7

Ki gam kaɓa cine kumoy ati sukum kumoy na ta, Bumbulvuŋ Buymisemuŋ ngi dideˀ taŋhaya, taŋ a gam teŋteŋ ava ta, mbak hã a vula taŋ, ɓa mizli a ngizlaka taŋ, kaɓa kum mapuraka ani na.

ƁI NGI HINEY MUCUW NAŊ 34:24

Bumbulvuŋ a ɓi na: I wuɗ i go mendere ng'ar li hana waɗ ng'ar mizli ngi raˀahaya. Nis mutoho gar ar ɗerewol muslufaka a mbuŋ buy Zuda na gar na, i ga gar muduba.

ESDRAS 9:13

Gwat ngi menderehey a gam le avu ndra, asi ndra migam gwat malambaˀhay, yo ndra muzluɓam ɓi haɗa avu ka. Ti nah gar na, gwat malambaˀ ndra mekelemeye, ki pula taŋ le avra, joˀ ki pula ndra, ndra mekelemeye neˀ ani ti siifa.

NEHEMI 9:30

Ki ɓuso taŋ le vi mbeˀmbeˀe. Ki vula ˀUf ɗik le da mijiviɗ ɗikeye, ɓa a tumbuloko taŋ ngbaŋ ni, amma ko a kam slimiɗ ta. Dar ki vula taŋ asi haŋ ngi sukwi ngi mizli ngi si ruwuy mekelemey.

EZAYI 64:4

Mizli mamulom ti gi gwat mijeŋŋe, yo mizli mawulkam sipa jiviɗ ɗik na, ki ra ru nga ji taŋ hirnga. Ani ki ji mevel le, asi i ngizlam le baˀ avu jiviɗ ɗike, dambalaka ndra masa laham na, ar jiviɗ ndra mibaˀam ava vuna.

ZEREMI 25:18

I zla vul naŋ dumbuŋ ngi si da walahay Zeruzalem waɗ da walahay Zudahay, da buy ngi raˀahay ati mizli madiɗa ngi slra taŋhay, ɓa i tiri taŋ diŋ cay, li midaŋ daŋ mayi zluwun madiɗa, dar mizli a sa nisam vu ti naŋ, kaɓa naŋ magi dana ani na.

ZEREMI 3:25

Hunukum tup ar mesem ndra, anja mi ndra a ruwuy na, a sirta ndra ngbulum wãˀ! Haˀaw i zluɓam ɓi le avu Bumbulvuŋ Buymisemuŋ ndra gisiŋ, ndra ati cine ndraˀahaya, zle ti ndra misi ti zuŋ, hã dana, i cinaka mi da Bumbulvuŋ, Buymisemuŋ ndr

ZEREMI 32:23

A cam le, yo a pam le anga, amma so na, a cinaka mingiɓi ɗike ta, ɓi ka mudubuna taŋ di na, a sipaka ta. Gwat gar ka mucufuɗa taŋ ɓa a gaka na, a ngumam gi naŋ ta. Ka mica taŋ ar mendre tayna cek na vurˀe.

ZEREMI 32:32

asi malambaˀ ngi Israyeley ati ngi Zudahay migaka taŋ gar, a gikiy gwat ngi ji mevel le, taŋ vuna, buy taŋhay, mizli madiɗa ngi slra taŋhay, masay taŋhay, mijiviɗ taŋhay, taŋ Zudahay ati mizli misi a Zeruzaleme.

ZEREMI 44:22

Gwat ngi gi kum ngi moˀore zleˀe, yo malambaˀ kum mukuyta wãˀ migaka zleˀe na, Bumbulvuŋ anta ɓusa ɓi nah mata, yo ma na, hirwuy kumo, a tiri diŋ le, li cay daŋ daŋ lambaˀ. Mizli ara nisam vu ti slimiɗ ngi hirwuy kum vuna, mbur loŋ anta ara ta, naŋ kaɓa mapur ani dana na!

ZEREMI 44:9

Malambaˀ ngi cine kumoy migaka, ngi buy Zudahay ati ngwas taŋhay, malambaˀ kum vuna migaka ti hirnga kum ati ngwas kumoy, yo malambaˀ migahay asi ruwuy Zuda waɗ a jiviɗ madiɗa ngi Zeruzalemey na, ki puyukam taŋ hirnga le kwa?

TUWUY 5:7

Miyi ndrahay a gam mungra le: t'anta mata, muzuɓaka zayɓi ngi malambaˀ taŋ i ndra.

EZEKIYEL 11:9

I sa bi ti kum tir walahaya ng'avra, i sa vulukum asi haŋ ngi mizli mulakay, yo i sa gukum kiita.

EZEKIYEL 39:23

Buymisemuŋ a ɓi na: «Sukwi ngi mizli a sa sinaka, Israyeley mijaka taŋ nga hirwuy mulak na, asi mungra taŋ, asi taŋ micifam teŋteŋ avu ya ta. Vurˀe, yi ɗum ɗum avu taŋ, waɗ i vula taŋ taˀ a haŋ mizli mazliram ti taŋ ta, a kiɗaka taŋ gar ti maslalam.

SLUFA VU 32:14

Ani wurenna, kum sukwi migi malambaˀhay, ki wuɗam ki sipaka sar ngi dideˀ kumoyo, ɓa ki slikiɗaka mevel da Bumbulvuŋ ng'ar Israyeleye si mata!

SAMUYEL MUDUMBUŊ NAŊ 12:15

Amma da kum anta cinaka mi da Bumbulvuŋ ta, ɓi Bumbulvuŋ muɗuvukum di le na, da ki ra slikiɗam ɓi vurˀe na, naɓa Bumbulvuŋ a sa biga gidaŋ naŋ ar kumo, kaɓa naŋ mibiga zleˀe da dideˀ kumoy na ya.