ESDRAS 9:2 - Bible en langue guiziga

² Taŋ ati ziri taŋ mizileheye, a zuɓam ngwasaya i ziri ngi mizli tayna, mbak sukwi misi naŋ mipal na, a jihiɗam ati mizli tayna misi asi ruwuyo. Micam dumbuŋ ar gi teŋteŋ ta nah vuna, i buyoy ati mizli madiɗahay jak ma.»

ESDRAS 9:2 ပူးပေါင်းရင်းမြစ်များ

ZLI VIRZI 6:2

Zirii mizile ngi Bumbulvuŋhoy a puraka na, ziri mongoso ngi mizli titrahaya taŋ kuyu gwatta, a hĩyãm a wuzla taŋ, a zuɓaka taŋ ngi ngwasa.

BUYOY MUDUMBUŊ NAŊ 11:1

Buy Salomoŋ, mbak naŋ muzuɓa zuŋ ngi buy Ezipte tuwa le ma na, a zuɓ ngwas mulak mekelemey le haɗa ma. A zuɓ ziri Moˀapay, ziri Amoŋhoy, Edomoy ati ziri Sidonihey waɗ ziri Hitihey.

ESDRAS 10:2

Akẽh na, Sekaniya, mangal ngi Yehiyel, dideˀ ngi Elam, a ɓa Esdrasa: «Ndra muzuɓam ngi ngwasaya, i ziri ngi mizli mulak ngi si ruwuy hana na, i gam teŋteŋ ta le avu Buymisemuŋ ndra. Amma wurenna, Israyeleye, t'ada ti njaha hiri vur ɓi misenna.

ESDRAS 9:12

Yo wurenna, ki vulaka ziri mongoso kumoyo da ziri mizile taŋhaya ta, yo ki zuɓaka ziri mongoso taŋhaya da ziri mizile kumoyo ta ya. Ki puram jiviɗ ngi cifi zuy ati taŋ ta, yo ko ki gam zlili ti gwat taŋhaya ta wãˀ si. Kahana na, naɓa kisa lumam gidaŋ, kisa zumaka gwat mezle ngi gi ruwuyo, yo kisa pulaka da ziri kumoy hã ngi sete.›

ESDRAS 9:14

Ani i zlaka ngila ɓimuɗuva ɗikeye gu aruŋ ɓula makwa? Yo i jumom ngi ɗuva vu ati mizli migi gwat malambaˀ mukuyta wãˀ tayna gu ɓula makwa? Naɓa kisa ji mevel ar ndra, ki ngizla ndra kap, ko mbur masa ndir ti siifa loŋ anta mata takwa?

NEHEMI 13:17

Joˀ yi mbiɗa hirnga da mizli madiɗa ngi Zudahaya, i ɓa taŋ na: «Ki gam hana i malambaˀ mi ngi hirya hin ngi sabat na maska?

NEHEMI 13:28

Mangal ada pal asi ziri ngi Yoyadahaya, i dideˀ ngi Eliyasip, masay madiɗa, yo i jomo ngi Sanebalat, mbur Hori. Yi ɓula ɓak kileŋ avu Zeruzaleme.

BI NGI ISRAYELEY 19:6

Ki sa tiram avu ya, sukwi ngi masayay, sukwi ngi mizli muvuku vu taŋ. Mingiɓi ka masa ɓa da Israyeley i nah so.»

BI NGI ISRAYELEY 34:16

Da ziri kumoy ara zuɓam ziri taŋhaya ngi ngwas na, naɓa ziri taŋhay masa huruk hurukam a mbuŋ kuli taŋhay na, a sa sirkaka ziri kumoyo, a huruk hurukam aya.

EZAYI 6:13

Mizli ngisi ruwuyo, muwuɗka taˀtaˀ kuruˀo, da ko taˀpal a ndir le tekeɗe kwana, vu a sa wura na si kaɓa mawuram widis madiɗa ka miter ati widis madiɗaŋ munguma le. A sa ndir sey i digɓirɓizli naŋ. Digɓirɓizli naŋ nah na, a sa ɗiɗo kaˀ a ruwuy kaɓa Buymisemvuŋ muwuɗu.

LEVIHEY 21:15

vur naŋ maco ti sukwi mekelem nga wuzla muy naŋhaya, asi matiri di ɓa naŋ pal na, i ya Bumbulvuŋ.»

MALASI 2:11

Zudahay a ngilam ɓi le, yo gi gwat malambaˀ mukuyta wãˀ a gi le asi ruwuy Israyele, waɗ a Zeruzaleme ma. Naŋ kanah, Zudahay a hiryaka li mipal ngi Bumbulvuŋ mawuɗ haɗa na le ti zuɓa ngwasay mahuruk hurukam a mbuŋ kulihey.

MALASI 2:15

Ani Bumbulvuŋ a gukum i dumvu purla, dumvu misi ti musuwun ati siifa takwa? Dum vu purla nah a sipi di i mike? Yi ziri Buymisemuŋ mavula taŋ na takwa? Jam lesl vur dumvu kumo. Anja mbur a ngila ɓi ngi ngwas naŋ muzuɓa paɗ ngi gawla naŋ na ta.

KORENTIHEY MUDUMBUŊ 7:14

Vur zil mitiɓi ta na, Buymisemuŋ a tiɓaŋ asi ngwas naŋ. Yo ngwas mitiɓi ta na kwana, Buymisemuŋ a tiɓaŋ asi zil naŋ ya. Da naŋ kine zleˀe ta na, naɓa ziri kumoyo, Buymisemuŋ anta sa tiɓa taŋ ta. Dambalaka, Buymisemuŋ a tiɓa taŋ le.

KORENTIHEY MUCUW NAŊ 6:14

Mizli matiɓaka Buymisemuŋ ta na, slra mizlir ngi gi ati taŋ ta na, ki jumom ara ta. Gi jeŋŋe ati mungra a gam slra jom arleˀe gu mbri mbrike? Li minjahha ati luvuŋ a jumom gu kwa?

Slu cuw 14:2

Naŋ kine, kum i mizli mihĩˀĩ ngi Bumbulvuŋ Buymisemuŋ kum. A wuzla mizli ngisi ruwuyoy gar na, a wini di i kum, kum inga naŋhay mupuɗaw puɗaw wãˀ.

Slu cuw 7:6

asi kum i mizli muvulahay le da Bumbulvuŋ Buymisemuŋ kum. A wuzla mizli ngisi ruwuyoy gar na, Buymismuŋ a wini di i kum, ɓa ki tiram kum i mi nga naŋhay.

ZOZUWE 22:15

Misliney tuwa, a soko ng'avi dideˀ ngi Rubeney ati ngi Gatay waɗ reta ngi sukwi ngi Manase, a Galaˀat tuwa, a ɓaka taŋ na:

ZOZUWE 23:12

Sukwi mekelemey mindiram a wuzla kum na, da ki mbiɗam duba le avu Bumbulvuŋ, ɓa ki jumom ng'avu taŋ, ki ra zuɓam vu ar wala kumo, ki ra ram ngi hay taŋ, taŋ kwana, ara soko ngi hay kumoyo ya na,