ESDRAS 9:12 - Bible en langue guiziga

¹² Yo wurenna, ki vulaka ziri mongoso kumoyo da ziri mizile taŋhaya ta, yo ki zuɓaka ziri mongoso taŋhaya da ziri mizile kumoyo ta ya. Ki puram jiviɗ ngi cifi zuy ati taŋ ta, yo ko ki gam zlili ti gwat taŋhaya ta wãˀ si. Kahana na, naɓa kisa lumam gidaŋ, kisa zumaka gwat mezle ngi gi ruwuyo, yo kisa pulaka da ziri kumoy hã ngi sete.›

ESDRAS 9:12 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 28:8

Na wurenna a mbuŋ Israyele gar, a mbuŋ kus ngi mizli ngi Bumbulvuŋhoy, yo a mbuŋ Buymisemuŋ ndra na, dubunaka ɓimuɗuva ngi Bumbulvuŋ Buymisemuŋ kumo, yo jaka a hirnga, ɓa ki lumaka hirwuy mezle hana, joˀ kisa pulaka a ndir da ziri kumoy wãˀ ngi set a dirba kumo.

ƁI NGI HINEY MUCUW NAŊ 19:2

Mijiviɗ Yehu, mangal ngi Hanani, a so ji hirnga ti buy Zozafata, a ɓaŋ: «Ki jiniˀis ngi ɗike asi misi moˀorehey kwa? Yo ki wuɗ ngi ɗik i mesene ngi Bumbulvuŋhoy kwa? Bumbulvuŋ a ji mevel le ar ka vurˀe.

ESDRAS 9:2

Taŋ ati ziri taŋ mizileheye, a zuɓam ngwasaya i ziri ngi mizli tayna, mbak sukwi misi naŋ mipal na, a jihiɗam ati mizli tayna misi asi ruwuyo. Micam dumbuŋ ar gi teŋteŋ ta nah vuna, i buyoy ati mizli madiɗahay jak ma.»

BI NGI ISRAYELEY 23:32

Ki jumomˀay ati taŋ waɗ ati kuli taŋhaya ta.

MIKUCUWULOY 13:22

Mbur mezle a sa pula zlili naŋ da dideˀ naŋhay, amma zlili ngi mbur migi mungra, a wam di vu da mbur mijeŋŋe.

MIKUCUWULOY 20:7

Mbur mijeŋŋe a zuɓ jiviɗ micirre, ziri naŋhay a sa ndiram ti mumul a dirba naŋ.

EZAYI 1:19

Da ki ra cinikiy mi na, kisa zumam gwat mimezle ngi ruwuy hana.

Slu cuw 23:6

Amma Bumbulvuŋ Buymisemuŋ kum, a ngum cine ɓi ngi Balaˀama ta. Bumbulvuŋ Buymisemuŋ kumo a mbuɗukum nise ti ɗuwula mi na, asi naŋ mawuɗ kum.

Slu cuw 23:7

Ar hin ngi siifa kum gar na, vur sukwi ngi mizli mucuw tayna, gwat ngi lum taŋ malla taŋ misi ar wuya na, ko ki kam slimiɗ ar taŋ ta.

Slu cuw 7:3

Ki zuɓam vu ar wala kum ati taŋ ta. Ki vulaka ziri diili kumoyo da ziri gawla taŋhay, ɓa a zuɓaka taŋ ta, yo kumo kwana, ki wunam ziri diili taŋhay da ziri gawla kumoyo ta ya.