ESDRAS 9:1 - Bible en langue guiziga

¹ A dirba gwat tayna mikiɗam mi na, buy ngi wuzla mizli a soko ng'avi ya, a ɓikiy na: «Mizli Israyeley ati masayay waɗ leviheye, ko a wuɗukam ati mizli mulakay misi asi ruwuy hana t'aruŋ. A ra sipaka gi gwat taŋ mukuyta wãˀ na, waɗ gi gwat ngi Kanaˀanay, ngi Hitihey, ngi Perzihey, Zebusihey, Amoŋhoy, Moˀapay ati ngi Eziptehey waɗ ngi Amoriheye.

ESDRAS 9:1 ပူးပေါင်းရင်းမြစ်များ

ZLI VIRZI 15:16

Dideˀ ɗikey a sa moko ng'aka sey dideˀ mukutur ti kutur mufaɗ. Asi moˀore mukuyta wãˀ ngi Amoriheye, a ndila ɓa hã i ɓula taŋ avra t'aruŋ.»

BUYOY MUDUMBUŊ NAŊ 11:1

Buy Salomoŋ, mbak naŋ muzuɓa zuŋ ngi buy Ezipte tuwa le ma na, a zuɓ ngwas mulak mekelemey le haɗa ma. A zuɓ ziri Moˀapay, ziri Amoŋhoy, Edomoy ati ziri Sidonihey waɗ ziri Hitihey.

ƁI NGI HINEY MUCUW NAŊ 33:2

A gi gwat malambaˀ a mihiri ngi Bumbulvuŋ. A sipi gi gwat mukuyta wãˀ ngi sukwi ngi mizli, Bumbulvuŋ muɓula taŋ, ɓa a pulaka li da Israyeley na.

ƁI NGI HINEY MUCUW NAŊ 8:7

Dambalaka, mizli misi i Israyeley ta na, a ndiram le a si ruwuy aruŋ: i Hitihey, Amorihey, perizihey, Hivihey waɗ Zebusihey.

ESDRAS 10:2

Akẽh na, Sekaniya, mangal ngi Yehiyel, dideˀ ngi Elam, a ɓa Esdrasa: «Ndra muzuɓam ngi ngwasaya, i ziri ngi mizli mulak ngi si ruwuy hana na, i gam teŋteŋ ta le avu Buymisemuŋ ndra. Amma wurenna, Israyeleye, t'ada ti njaha hiri vur ɓi misenna.

ESDRAS 10:8

Angi hin makir na, da mbur aru kaɓa ɓi ngi buyoy ati mizli micawwahay miɓaka na ta na, a sa ngizlakaŋ zlili naŋhaya kap ar slimiɗ ngi Bumbulvuŋ, yo a sa ɓulakaŋ naŋ vuna avra ti wuzla jum ngi mizli mijahay zleˀe mumoko ti ruwuy mulaka.

NEHEMI 13:23

Yudehey muzuɓam ngwasaya, i ziri Asdotoy ati Amoŋhoy waɗ Moˀapay zleˀe na, yi pura taŋ kwana, ti di nah vuna.

NEHEMI 4:3

Akẽh na, i tumbuloko Buymisemuŋ ndra. Duvuɗ ti papas gar na, i pam mijigina lihey sek vur taŋ.

NEHEMI 4:7

Akẽh na, yi lum li mikutik a ruwuy ti duba moholo, waɗ i hil mizli vur muy vur muy, i pa taŋ sek anga. Taŋ ti maslalam taŋhay ati ziwit taŋhay waɗ lek taŋhaya.

NEHEMI 9:2

Mizli misi taŋ i sukwi Israyel gar na, a ngicam ngac pal taŋ avu mizli mulakaya, a cifam baˀ pal taŋ ɓa a njikaka mungra taŋhay ati ngi dideˀ taŋhay aya.

DIMISEY 106:35

Amma a jumom ati mizli duniyahay, a dubunaka gwat ngi gi taŋ.

BI NGI ISRAYELEY 13:5

Yo ti Bumbulvuŋ misa ci ti kum le nga hirwuy Kanaˀan, hirwuy Hiti, Amori, Hivi ati Zebusi, hirwuy naŋ miɓa ti hudum a mbuŋ dideˀ kumoy, a sa vulukum di na. I hirwuy misi ɗuwa waɗ mam maɓulom ara. Ki sa ga mezegwel nah angi kiya nah.

BI NGI ISRAYELEY 23:23

Modro ɗu a sa ki ɓaˀ a mbuŋ kumo, yo a sa ci ti kum nga hirwuy ngi Amorihey, Hitihey, perizihey, Kanaˀanay, Hivihey, waɗ angi hirwuy ngi Zebusihey. I mizli ya masa ngizla taŋ a mbuŋ kumo.

BI NGI ISRAYELEY 33:16

Naŋ kine, da ki ru ti ndra ti haŋ ɗike ta na, ya ati mizli ɗikeye i sa sinaka avu miki ra ga ndra mezle ka? Maga ɓa ndra wal avu sukwi mekelemey misi asi ruwuy gar na, i ka maru asi ndra na ta kwa!»

EZAYI 52:11

Kum mijijira gazlanga ngi gi mezegweley da Bumbulvuŋ na, bam kutum ti Babiloŋ, zuɓaka dili kumoy avra. Ki jam haŋ avu gwat misi dili ta.

ZEREMI 26:10

Mizli madiɗa ngi ruwuy Zudahay micinaka ɓi nah na, a bam ti hay buyo, a ram ng'ar hay ngi Bumbulvuŋ, dar a cifam joa mizlingre nawaya ngi hay ngi Bumbulvuŋ.

ZEREMI 26:16

Mizli madiɗahay ati mizli gar a ɓaka masayay ati mijiviɗeye: «Mbur hana a ndila ngi kiɗ vagaya ta: Naŋ miɓa ndra na, ti slimiɗ ngi Bumbulvuŋ Buymisemuŋ ndra.»

LEVIHEY 18:3

Hirwuy Ezipte, kum micifam zleˀe a diga na, ki sipaka sar ngi mizli ngi digahaya ta, yo hirwuy Kanaˀan, ya masa ra ci ti kum ng'ara na, ko ki sipaka ɓimujuwa taŋhaya ta.

MALASI 2:11

Zudahay a ngilam ɓi le, yo gi gwat malambaˀ mukuyta wãˀ a gi le asi ruwuy Israyele, waɗ a Zeruzaleme ma. Naŋ kanah, Zudahay a hiryaka li mipal ngi Bumbulvuŋ mawuɗ haɗa na le ti zuɓa ngwasay mahuruk hurukam a mbuŋ kulihey.

SLUFA VU 23:9

Ti ya mupuro mizli tayna ti hirnga gidigil muwã, ya misingilo taŋ tir li ɗigara, i pura na, taŋ a cifam baˀ pal. A sinaka vu taŋ le, taŋ pal avu sukwi ngi mizli mekelemeye.

SLUFA VU 25:6

Angi nah vuna si na, mbur Israyel a ndilo ti zuŋ Madiyan nga wuzla sukum naŋhaya. Naɓa Moyis ati jum ngi Israyeley gar, a roko tuwam avu miviŋ ngi guɗuk ngi zlir ti Buymisemuŋ. A puraka mbur ati ngwas tuwa le.

Slu cuw 18:9

Da kum misa ndilam le a hirwuy Bumbulvuŋ Buymisemuŋ kumo masa vulukum di na, ki gaka gwat malambaˀ mizli ngi digahay magaka na ta.

Slu cuw 23:8

Ki puraka Edomoyo ka mizli malambaˀ muwãˀhay ta, asi i sukum kumoy. Ki puraka Ezipteheye ka mizli malambaˀ muwãˀhay ta, asi ki gam moholoy le ɗaˀ asi ruwuy taŋ.

Slu cuw 7:1

Moyis a ɓi: Bumbulvuŋ Buymisemuŋ kum, a sa ru ti kum nga hirwuy masa ndir da kum na, yo a sa ɓula sukwi ngi mizli haɗi a mbuŋ kumo, sukwi madiɗa madiɗa tarnaˀ, misi ti gidaŋ fineˀ kum. I Hitihey, Girgasihey, Amorihey, Kanaˀanay, Perizihey, Hivihey, waɗ Zebusihey.

ZOZUWE 23:12

Sukwi mekelemey mindiram a wuzla kum na, da ki mbiɗam duba le avu Bumbulvuŋ, ɓa ki jumom ng'avu taŋ, ki ra zuɓam vu ar wala kumo, ki ra ram ngi hay taŋ, taŋ kwana, ara soko ngi hay kumoyo ya na,