ESDRAS 8:18 - Bible en langue guiziga

¹⁸ Mbele Buymisemuŋ majigina ndra ti haŋ naŋ mezle tuwa na, a soko ndra ti Serebiya, mbur misi lesl haɗi, i muy ngi Mali, dideˀ ngi Levi, mangal ngi Zakop, waɗ ziri naŋhay ati sukum naŋhaya, a gam le jom gar, mizli kuruˀ nga dangafaɗa,

ESDRAS 8:18 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 6:1

Ziri mizile ngi Levihey i ti: Gersom, Kehat waɗ Merari.

ƁI NGI HIN GAR MUDUMBUŊ NAŊ 6:19

Elkana mangal ngi Yeroˀam, Yeroˀam mangal ngi Eliyel, Eliyel mangal ngi Towa,

ƁI NGI HIN GAR MUDUMBUŊ NAŊ 6:4

Ziri mizile ngi Merarihey i ti: Mali ati Musi. Dideˀ muvulaka slimiɗ taŋ ar sukwi ngi Levi na i taŋ so.

ƁI NGI HINEY MUCUW NAŊ 30:22

Levihey mupulaka mevel taŋ le mbak kuy kuy da Bumbulvuŋ gar na, mingiɓi ngi Ezekiyas a ci le a mevel taŋ. Joˀ a ram ti gi muguzlumo hã hin tarnaˀ, a roko gam mikuli ngi ngiɓiˀay, yo ara gaka sise da Bumbulvuŋ Buymisemuŋ ngi dideˀ taŋhaya.

ESDRAS 7:28

Buymisemuŋ a giy mezle le a mbuŋ buyo, a mbuŋ mukuti vu naŋhay waɗ a mbuŋ mizli madiɗa ngi slra ngi buyoyo. I lum gidaŋ le, asi gidaŋ ngi Bumbulvuŋ Buymisemuŋ ɗu naŋ da angi ya, dar i kus buy Israyeley cah ɓa i ram bummoˀ.»

ESDRAS 7:6

Esdrasa, Ɓimujuwa ngi Bumbulvuŋ, Buymisemuŋ ngi Israyel muvula da Moyis na, a si na le haɗa. Gwat Esdras mucufuɗ gar avu buyo na, a vulaŋ di, asi gidaŋ ngi Bumbulvuŋ Buymisemuŋ naŋ, naŋ da ati naŋ.

ESDRAS 7:9

Asi mike na, ar hin muɓulaˀ ngi kiya mudumbuŋ naŋ na, naŋ ti haŋ naŋ, a sla hin ngi slikiɗ taŋ a Babiloŋ. Ar hin muɓulaˀ ngi kiya muzlum naŋ na, a ndil a Zeruzaleme, asi Buymisemuŋ ara gaŋ mezle.

ESDRAS 8:16

Dar i slin buyoy, i ti Eliyezer, Ariyel, Semaya, Elnataŋ, Yarip, Elnataŋ, Nataŋ, Zakari, Mesulam, waɗ Yoyarip ati Elnataŋ, mizli madubunaka ɓimujuwa da mizli.

ESDRAS 8:19

Hasabiya waɗ Yesaya aseˀeŋ, Yesaya i muy ngi Merari, waɗ sukum naŋhay ati ziri taŋhaya, a gam le jom gar, mizli kukur cuw.

ESDRAS 8:22

Asi mike na, ɓa i cufuɗa buyo, a vula ndra sojehey ati misi pilisey ngi jigina ndra avu mesene ndrahay a jiviɗe na, kay i mesem. Asi i ɓaka buyo le zleˀe: «Mizli masipaka Buymisemuŋ ndra gar na, ara jigina taŋ ti haŋ naŋ, amma mizli mapulakaŋ fuk na, himaˀ naŋ a zuɓ ti gidaŋ ar taŋ gar.»

ESDRAS 8:24

A dirba nah, i hil buy masayay kuruˀ nga cuw sek pal, waɗ Serebiya, Hasabiya ati sukum taŋhay kuruˀ.

NEHEMI 10:12

Mika, Rehop, Hasabiya,

NEHEMI 12:24

Buy ngi si Leviheye i ti: Hasabiya, Serebiya ati Yesuwa, mangal ngi Kaɗmiyel, waɗ sukum taŋ Levi mekelemeye deŋ deŋ, hiri pulaˀ pulaˀ ng'ar taŋ ngi zli dimis ngi hunuma Buymisemuŋ. Asi mike na, Davit, mbur ngi Buymisemuŋ a vula ɓi nah le kanah, ɓa a zlaka, mizli ti ngay taŋ ti ngay taŋ, a hunumaka Buymisemuŋ, yo a gakaŋ sise.

NEHEMI 2:8

Waɗ ma na, ki vuliy letir ɓa i ru di da Asaf, mbur mijigina ɓuh ngi buyo. Ɓa anja a vuliy dum ngi ɗiya miviŋ ngi hay muguno ti mohol, migweˀ avu hay ngi Buymisemuŋ na, yo dum ngi ɗiya mohol ngi walahay ati ngi ɗiya hay ya masa cifi anga na ma.» Dar buy tuwa, a vuliy letireye so, asi mike na, Buymisemuŋ a ro ti haŋ naŋ bac ar ya.

NEHEMI 8:7

Akẽh na, mizli levihey: Yesuwa, Bani, Serebiya, Yamin, Akup, Sabetay, Hodiya, Maˀaseya, Kelita, Azariya, Yosabat, Hanan waɗ Pelaya, mizli tayna a zlaka a dubunaka taŋ Ɓimujuwa tuwa.

MIKUCUWULOY 24:3

Mbur a ndira haya ti sinmijileŋ gu, mbur masla wala ngi ɓi, a ndira haya gidaŋ gidaŋ,

MIKUCUWULOY 3:6

Ar gwat ngi gi ɗik gar na, sinaŋ, ɓa i naŋ masa buguw jiviɗe.

ZEREMI 3:15

I sa vulukum mijiginey masa jiginukum kaɓa ya mawuɗo, a sa jiginukum ti lesl waɗ ti sinmijileŋ. I ya Bumbulvuŋ maɓi.

DANIYEL 1:20

Da buy a cufuɗa taŋ le ar ɓi ngi sinmijileŋ, yo ar ɓi ngi lesl wanaka gar kwana, gawla tayna, a slaka wala naŋ, is kuruˀ, fineˀ misi cucukoy ati muɓula musuɗukoy misi asi ruwuy naŋ ma zum buyo anga.

SLUFA VU 3:20

Ziri mizile ngi Merariheye, taŋ cuw, i ti: Mali ati Musi. A zilaka muy taŋhaya ti slimiɗ taŋhay tehhe a muŋ. Mizli tayna gar na, a tohoko slimiɗe vur wazlaray vur wazlaray ar sukwi ngi Levi.

KORENTIHEY MUDUMBUŊ 14:20

Sukum ɗuwoy, ar sli wala ngi ɓi na, anja ki wulkam kaɓa ziri ta. Ar ɓi malambaˀ na, ndiram ka ziri ɓula. Amma ar sli wala ngi ɓi na, ndiram ka mizli micawwahay.