ESDRAS 7:6 - Bible en langue guiziga

⁶ Esdrasa, Ɓimujuwa ngi Bumbulvuŋ, Buymisemuŋ ngi Israyel muvula da Moyis na, a si na le haɗa. Gwat Esdras mucufuɗ gar avu buyo na, a vulaŋ di, asi gidaŋ ngi Bumbulvuŋ Buymisemuŋ naŋ, naŋ da ati naŋ.

ESDRAS 7:6 ပူးပေါင်းရင်းမြစ်များ

ZLI VIRZI 32:28

A cufuɗaŋ: «A zilukuw mbrike?» A mbiɗaŋ di: «A zilikiy Zakop.»

ESDRAS 5:5

Amma Buymisemuŋ a ro hiri taˀ avu mizli micawwa ngi Yudeheye, mizli tuwa, a cicaka taŋ slra ta, hã ara slufaka ɓi nah da buy Dariyuso, a mo taŋ mingiɓi naŋ toh toh ar ɗerewol.

ESDRAS 6:22

A gam hin tarnaˀ ti mumul ar li gi muguzlum ngi ɗaf manja ˀis ara. Asi mike na, Bumbulvuŋ a naha taŋ mevele le ti mumul, ti naŋ mimbiɗa mevel ngi buy Asiri, ɓa a pura taŋ ti hiri mezle, yo ɓa a vula taŋ gidaŋ ngi ndira hay ngi Buymisemuŋ, Buymisemuŋ ngi Israyel.

ESDRAS 7:21

Ya buy Artakzersese, i ɓi le ɗaˀ le da miji zlili ngir li vay si pas ngi pastaˀ ngi Efrataya gar, Masay Esdras, misina ɓimujuwa ngi Buy ngi muŋ le kuy kuy na, gwat naŋ mucufuɗ le gar na, gakaŋ di kaslsla,

ESDRAS 7:28

Buymisemuŋ a giy mezle le a mbuŋ buyo, a mbuŋ mukuti vu naŋhay waɗ a mbuŋ mizli madiɗa ngi slra ngi buyoyo. I lum gidaŋ le, asi gidaŋ ngi Bumbulvuŋ Buymisemuŋ ɗu naŋ da angi ya, dar i kus buy Israyeley cah ɓa i ram bummoˀ.»

ESDRAS 7:5

Abisuwa, Pinas, Elazar, mangal ngi Aroŋ, masay madiɗa.

ESDRAS 7:9

Asi mike na, ar hin muɓulaˀ ngi kiya mudumbuŋ naŋ na, naŋ ti haŋ naŋ, a sla hin ngi slikiɗ taŋ a Babiloŋ. Ar hin muɓulaˀ ngi kiya muzlum naŋ na, a ndil a Zeruzaleme, asi Buymisemuŋ ara gaŋ mezle.

ESDRAS 8:1

Ti Artakzerses mazum buyo, buy ngi hayay, vur tizer taŋ vur tizer taŋ, ndra miram bummoˀ ti Babiloŋ nga Zeruzaleme, slimiɗ taŋhay ani:

ESDRAS 8:18

Mbele Buymisemuŋ majigina ndra ti haŋ naŋ mezle tuwa na, a soko ndra ti Serebiya, mbur misi lesl haɗi, i muy ngi Mali, dideˀ ngi Levi, mangal ngi Zakop, waɗ ziri naŋhay ati sukum naŋhaya, a gam le jom gar, mizli kuruˀ nga dangafaɗa,

ESDRAS 8:22

Asi mike na, ɓa i cufuɗa buyo, a vula ndra sojehey ati misi pilisey ngi jigina ndra avu mesene ndrahay a jiviɗe na, kay i mesem. Asi i ɓaka buyo le zleˀe: «Mizli masipaka Buymisemuŋ ndra gar na, ara jigina taŋ ti haŋ naŋ, amma mizli mapulakaŋ fuk na, himaˀ naŋ a zuɓ ti gidaŋ ar taŋ gar.»

ESDRAS 8:31

Hin mukuruˀ nga cuw ngi kiya mudumbuŋ na, i slikiɗam a mi mizaw Ahawa, ɓa ngi ru nga Zeruzaleme. Ndra ma ram a jiviɗe gar na, ndra asi haŋ ngi Buymisemuŋ ndra, a tiɓa ndra asi haŋ ngi mesene ndrahay waɗ ngi mipi hirihey muwam vu vur ndra a jiviɗe.

NEHEMI 12:26

Mizli gar na, a gaka slra nga taŋ angi hin ngi Yoyakim, mangal ngi Yesuwa, dideˀ ngi Yosadak, yo angi hin ngi ti Nehemi, buy miwi li ati Masay Esdras misina toho gwat.

NEHEMI 12:36

ati sukum naŋhay, Semaya, Azarel, Milalay, Gilalay, Maˀay, Netaneyel, Yehuda waɗ Hanani, ara supoko taŋ ti gwat ngi dunguroy, ngi Davit mbur ngi Bumbulvuŋ. Esdras, mbur misina toho gwata, naŋ ɓaˀ a mbuŋ taŋ.

NEHEMI 2:12

Ti duvuɗo, i slikiɗ waɗ mizli mekelemey asi ya. Gwat misãmi mekelemey anta asi ya ta, sey zungu ya migilaˀ anga na tewle. Gwat Buymisemuŋ ɗu mibigiy di a mevel ɓa i ga vur Zeruzalem na, ko i njika ɓi nah da mbur ta wãˀ.

NEHEMI 2:18

Joˀ yi njika taŋ gi mezle, Buymisemuŋ migiy di ti haŋ naŋ bac ar ya, waɗ mingiɓi, buy miɓiy di tuwa so. Dar a ɓam: «Slikiɗukum, ndirukum walahaya!» Joˀ a jinikiy hirdam hirdam kuy kuy ngi ga slra misenna.

NEHEMI 2:8

Waɗ ma na, ki vuliy letir ɓa i ru di da Asaf, mbur mijigina ɓuh ngi buyo. Ɓa anja a vuliy dum ngi ɗiya miviŋ ngi hay muguno ti mohol, migweˀ avu hay ngi Buymisemuŋ na, yo dum ngi ɗiya mohol ngi walahay ati ngi ɗiya hay ya masa cifi anga na ma.» Dar buy tuwa, a vuliy letireye so, asi mike na, Buymisemuŋ a ro ti haŋ naŋ bac ar ya.

NEHEMI 4:15

I gaka slra ndraka misenna, zle ti li mira gi biŋ biŋ, hã duvuɗ a ji, wurzlaŋhay njõh na, reta ngi mizli ngi wuzla ndra, a roko ti ziwit taŋhaya avu haŋ avu haŋ.

NEHEMI 8:1

Sukwi Israyel gar a ngiɓam ˀay ar li purla, a jumom jom ar li misi a mizlingre ngi Yam. A ɓaka Esdras, mbur misina toho gwata, ɓa a so ti ɗerewol ngi Ɓimujuwa ngi Moyis, Bumbulvuŋ muwuɗ da Israyeley na.

NEHEMI 8:13

Angi hin mucuw naŋ na, buy ngi hayay ngi wuzla mizli gar, masayay ati leviheye, a kusom kos kos a ciki Esdras, mbur misina toho gwat tuwa, ɓa a slaka wala ngi ɓi ngir Ɓimujuwa na kuy kuy.

NEHEMI 8:4

Esdras, mbur misina toho gwata, a cici deŋ ar li miɗiyaka ti dum hĩˀĩ vriw a muŋ. Mideŋ deŋ a cikeˀe tir vay hazumo i ti: Matitiya, Sema, Anaya, Uriya, Hilkiya waɗ Maˀaseya. Yo tir vay gula kwana, i ti: Pedaya, Mikayel, Malkiya, Hasum, Hasebadana, Zakari waɗ Mesulam.

NEHEMI 8:9

Akẽh na, Nehemi, mbur miwi li ati Masay Esdras misina toho gwata waɗ Levihey maɓaka pulaˀvra ngi Ɓimujuwa da mizli gar na, a ɓaka taŋ: «Hin misenna i hin ngi Bumbulvuŋ, Buymisemuŋ kum. Anja ki likam ta, yo ki tuwam ta!» Asi mike na, mizli gar macinaka mingiɓi ngir Ɓimujuwa tuwa na, a roko tuwam zleˀe.

NEHEMI 9:13

ki po sar le ti muŋ nga muwã Sinaya, ki ɓa taŋ ɓi le a muwã Sinaya, ki vula taŋ ɓimuɗuva mijeŋŋe, ɓimujuwa mikaslsla, gwat ka mawuɗo ati ɓi mezle miɓa ɗaˀ le.

DIMISEY 109:27

Bumbulvuŋ, anja mizli tayna a sinaka, maga gwat i ka, i ka miga vur ya.

DIMISEY 147:19

A til mi ti mingiɓi naŋ da Zakop, ɓi naŋ mawuɗ waɗ ɓi naŋ muɗuva na, a ɓa da Israyel.

DIMISEY 45:1

Dubun ngi sukwi Kore. I mulumo di ar ɗerewol ngi buy dimis. I dimis ngi gujuvur, dimis ngi wuɗa vu.

DIMISEY 80:18

Buca haŋ ɗike bac ar mbur mujoˀ tir hazum ɗiki, ar mbur ka mi gila na.

MIKUCUWULOY 3:6

Ar gwat ngi gi ɗik gar na, sinaŋ, ɓa i naŋ masa buguw jiviɗe.

EZAYI 50:2

A gi mbri kanah ka! Yi so na, i lum mbur pal le ta, vurmike? Yi zil vu na, mbur miziliy mi anta pal le ta, vurmike? Hirbazla ɗu naŋ dugule malla gbusl haɗa ngi tuɓukumo kwa? Gidaŋ a kic le avu ya ngi laha hirnga kumo kwa? Puraka ɗi, i buca mubuliye le ɓar na, mubuliy a hisik ngbasl. Mizaw misi yamaya, i tiri taŋ ɓuh kirɗak kirɗak, yam misi anta ar taŋ ta tuwa na, dar kilifey a micam, a zãˀãm hirɓislik hirɓislik.

EZAYI 59:1

Ki waka na, Bumbulvuŋ a luhukum ti haŋ naŋ gu ta kwa? Malla slimiɗ naŋ a suk le, naŋ anta cin ta kwa?

ZEREMI 8:8

Ki ɓam: «Ndrˀada ti sinmijileŋ, asi ɓimujuwa ngi Bumbulvuŋ i ngi ndra.» Haˀaw ɓula, na ɓimujuwa nah vuna, a tiri le i ɓimujuwa mijeŋ mata, asi mutuh naŋhay anta boko ti mbiɗeˀvra naŋ jeŋŋe ta mayse.

Matiye 13:52

Joˀ a ɓa taŋ: «Naŋ kine, buy ngi ɓimujuwa gar misina ɓi ngi Zumabuy ngi muŋ le na, a bam vu ati buy ngi hay mabo ti gwat nawayahay ati magalahay tir zlili naŋ.»

Matiye 23:2

«Buy ngi ɓimujuwahay ati Farisahaya, madubunaka mbiɗeˀvra ngi ɓimujuwa ngi Moyis da mizli, i taŋ.

Matiye 28:20

Dubunaka taŋ ɓi ya muɓukum di ɗaˀ le na gar, ɓa a jaka a hirnga. Yo ya, y'ada ati kumo vur hin gar hã avu kiɗa mi ngi duniya.»

KORENTIHEY MUDUMBUŊ 1:20

Mbur misi sinmijileŋ amaka? Buy ngi ɓimujuwa amaka? Mingila mi ngi duniya hana amaka? Sinmijileŋ ngi duniya hana, Buymisemuŋ a tiri di ɓi ngi mibirngahay le ta kwa?

KORENTIHEY MUDUMBUŊ 15:1

Sukum ɗu misikristuhoy, Ɓimezle ya mutulukum di mi zleˀe, yo kum mitiɓaka, mijaka ɓi nah a hirnga na, i mukum hiri nah ava.

Slu cuw 28:1

Moyis a ɓi: Da ki ra cinaka mingiɓi ngi Bumbulvuŋ Buymisemuŋ kumo gisiŋ gisiŋ, yo ki ra gam slra kuy kuy ti ɓimuɗuvahay cek, ya muɓukum taŋ dana ani na, naɓa Bumbulvuŋ Buymisemuŋ kumo a sa tiri ti kum madiɗahay angi sukwi ngi mizli ngisi ruwuy hana gar.

Slu cuw 4:5

Puraka, i ra dubunukum ɓimujuwa ati sirikeye, kaɓa Bumbulvuŋ Buymisemuŋ ɗu miɓiy di na, da kum misa ndilam le angi hirwuy kum masa tiɓaka da kum na, naɓa kisa gam taŋ slra.