ESDRAS 7:27 - Bible en langue guiziga

²⁷ Dar Esdras a ɓi: «Sise da Bumbulvuŋ, Buymisemuŋ ngi dideˀ ndrahay, asi naŋ muvula wuluk a mevel buyo, ɓa a ɗuva hirnga da hay ngi Bumbulvuŋ misi Zeruzaleme.

ESDRAS 7:27 ပူးပေါင်းရင်းမြစ်များ

ƁI NGI HINEY MUCUW NAŊ 31:8

Ezekiyas ati mizli hirnga naŋhay musoko puraka gwatay mizikitiŋ zikitiŋ tuwa na, a gaka sise da Bumbulvuŋ waɗ da Israyel, mizli naŋhaya.

ESDRAS 6:22

A gam hin tarnaˀ ti mumul ar li gi muguzlum ngi ɗaf manja ˀis ara. Asi mike na, Bumbulvuŋ a naha taŋ mevele le ti mumul, ti naŋ mimbiɗa mevel ngi buy Asiri, ɓa a pura taŋ ti hiri mezle, yo ɓa a vula taŋ gidaŋ ngi ndira hay ngi Buymisemuŋ, Buymisemuŋ ngi Israyel.

NEHEMI 2:12

Ti duvuɗo, i slikiɗ waɗ mizli mekelemey asi ya. Gwat misãmi mekelemey anta asi ya ta, sey zungu ya migilaˀ anga na tewle. Gwat Buymisemuŋ ɗu mibigiy di a mevel ɓa i ga vur Zeruzalem na, ko i njika ɓi nah da mbur ta wãˀ.

NEHEMI 2:8

Waɗ ma na, ki vuliy letir ɓa i ru di da Asaf, mbur mijigina ɓuh ngi buyo. Ɓa anja a vuliy dum ngi ɗiya miviŋ ngi hay muguno ti mohol, migweˀ avu hay ngi Buymisemuŋ na, yo dum ngi ɗiya mohol ngi walahay ati ngi ɗiya hay ya masa cifi anga na ma.» Dar buy tuwa, a vuliy letireye so, asi mike na, Buymisemuŋ a ro ti haŋ naŋ bac ar ya.

NEHEMI 7:5

Akẽh na, Buymisemuŋ ɗu a ciy wuluk keŋ a hirnga ɓa i kuso mizli madiɗa ngi buyoy ati buyoyo waɗ mizli mekelemey gar, ɓa ngi toho slimiɗ ngi mizli gar. I luuma ɗerewol mutohoko slimiɗ ngi mizli dumbuŋ zleˀe mumoko tir li mihilaka taŋ nga diga na. Yo ar ɗerewol nah na, a tohoko mingiɓi ani:

BI NGI ISRAYELEY 8:9

Bumbulvuŋ a ga kaɓa Moyis miɓa tuwa. Gecey a micam, a susuymom a hayaya, a mamayaya waɗ ar guvahaya.

MIKUCUWULOY 21:1

Mevel ngi buyo, naŋ kaɓa mizaw asi haŋ ngi Bumbulvuŋ, a ngi di hirnga ng'ar li naŋ muwuɗ le gar.

EZAYI 60:13

Zeruzalem, dudok ngi dum ngi Libaŋ a sa so ng'asi hirwuy ɗike, i dum ti sukwi wal wal haɗa, ɓa ngi ga wuya da virzi ngi li gi mikuli ɗu. Haˀaw, i sa tiri ti li ɗuva sar ɗu puɗaw teˀe.

Ɓimezle ngi Yesu Kristu LUK mitil di mi 7:5

Asi ada wuɗ sukwi ndra, yo mindira ndra hay ngi dira dibiɗe i naŋ ma.»

KORENTIHEY MUCUW NAŊ 8:16

Sise da Buymisemuŋ miga ɓa Tite ndir wirwir vur kumo, kaɓa ndra miwirwir vur kum aya na.

FILIPIHEY 4:10

I mumul le haɗi asi ya mujom ati Bumbulvuŋ na. Vur ki lumam gidaŋ le ngi ki slimiɗ angi ya a muŋ ma. Haˀaw, kum ada kam slimiɗ zleˀe angi ya, amma ki lumam ta na i haŋ ti lum.

HEBEREY 10:16

«Jumoˀay ɗu, ya masa jum ati taŋ, a dirba hin tayna na, anihĩ: Bumbulvuŋ a ɓi: Ɓimujuwa ɗu, ya masa vula taŋ di na, i sa ca taŋ di a mevel taŋ, i sa toho taŋ di toh toh ar lesl taŋ.

HEBEREY 8:10

Bumbulvuŋ a ɓi ma: Jumoˀay ɗu, ya masa jum ati Israyeley anihĩ: A dirba hin tayna, i sa ca ɓimujuwa ɗu ar lesl taŋ, i sa toho toh toh a mevel taŋ. I sa tiri Buymisemuŋ taŋ. Taŋ kwana, a sa tiram mizli ɗuwoy.

Ɗerewol ZAK 1:17

Gwat ngi vul mupuɗaw puɗaway ati gwat ngi vul ngatara mikaslsla wãˀ gar na, a poko sar paɗ ti muŋ, tivu Buymisemuŋ, buy ngi gwat mupusluɗa lihey. Naŋ, naŋ anta mbiɗi ta, naŋ anta wus ta, yo naŋ anta gi luvuŋ ta.

ƁIMUNJUYO 17:17

Asi i Buymisemuŋ mica wuluk naŋ a mevel taŋ, ɓa a gaka gwat naŋ mujuwa ngi gi na, ɓa a vulaka zumabuy taŋ ngi gi slra ngi gwat misããmi, hã gwat Buymisemuŋ miɓa gar na a gi ɗagay.