ESDRAS 7:25 - Bible en langue guiziga

²⁵ Ka so na Esdras, wini buyoy ati migi kiitahay ti sinmijileŋ ngi Buymisemuŋ ɗik misi angi ɗerewol mikaw asi haŋ ɗik na, ɓa a gaka kiita da mizli gar misi tisi pas ngi pastaˀ ngi Efrata, mizli misinaka ɓimujuwa taˀ gar ngi Buymisemuŋ ɗike le, yo mizli misinaka ta kwana, kisa dubunaka taŋ di.

ESDRAS 7:25 ပူးပေါင်းရင်းမြစ်များ

ZLI VIRZI 41:38

Dar buy a ɓa taŋ na: «Mbur hana i minaha le ti ˀUf ngi Buymisemuŋ, i lumam mbur misi kahana gu makwa?»

ZLI VIRZI 41:39

Buy madiɗa ngi Ezipte a ɓa Zozefe: «Ani Buymisemuŋ a njikuw gwat tayna le gar, mbur misi ti lesl, yo misi ti sinmijileŋ kaɓa ka vuna anta.

BUYOY MUDUMBUŊ NAŊ 3:28

Buy Salomoŋ misla kiita hana, Israyeley gar micinaka ɓi nah na, a ɗuvaka hirnga da buyo, asi a puraka na, muvulaŋ sinmijileŋ ngi sli kiita mijeŋŋe na, i Buymisemuŋ.

BUYOY MUCUW NAŊ 17:27

Ar nah na, buy Asiri a vula mingiɓi da mizli, a ɓa t'ani: Masayay, kum mujoko taŋ ti diga ng'aka na, a ram ti mbur purla asi taŋ ng'avu taŋ a diga. Anja ɓa ara cifi a diga ɓa a dubuna taŋ jiviɗ ngi huruk huruk a mbuŋ kuli ngi si hirwuy nah vuna.

ƁI NGI HIN GAR MUDUMBUŊ NAŊ 22:12

Bumbulvuŋ masa cifuw buy ngi Israyel na, anja a vuluw sli wala ngi gwat ati lesl, ɓa ki ja ɓimujuwa ngi Bumbulvuŋ Buymisemuŋ ɗik a hirnga.

ƁI NGI HIN GAR MUDUMBUŊ NAŊ 23:4

Davit a wini asi taŋ mizli durmuk kukur cuw nga mufaɗ ngi jigina slra ngi ndira hay ngi Bumbulvuŋ. Mizli durmuk merkeɗ ngi toho gwatay waɗ ngi gi kiita.

ESDRAS 10:4

Wurenna, slikiɗi, hana i slra ɗiki, i sa junukuw, cici zlak gidaŋ gidaŋ, ga slra ɗike.»

ESDRAS 6:6

Wurenna, Dariyus a toho ɗerewol ani da Tatenay, buy miwi li vay ngi si pas ngi pastaˀ ngi Efrat, yo da Setar-Bozinay ati cil taŋhay misi a diga, a ɓa taŋ: «kumo, ki kam slimiɗ ar ɓi nah mata.

ESDRAS 7:10

Naŋ kine, Esdras a hurdum le hirdam ti mevel purla ngi si na ɓimujuwa ngi Bumbulvuŋ, ɓa a gi di slra, yo ɓa a dubuna ɓimujuwa taˀ gar ati sirikeye da mizli asi ruwuy Israyele.

ESDRAS 7:14

Asi mike na, ya ati mukuti vu ɗuwoy mitarnaˀ na, i ndra mislinukuw nga lo virzi ngi ɓi vur hirwuy Zuda, waɗ vur Zeruzaleme, kaɓa ɓimujuwa ngi Buymisemuŋ ɗik mikaw asi haŋ ɗik na.

NEHEMI 9:3

A zlaka a slikiɗam tir li cifi taŋhaya, deŋ deŋ yom, dar ara cinaka maslufaka taŋ ɗerewol ngi Ɓimujuwa ngi Bumbulvuŋ, Buymisemuŋ taŋ na, hã ler makir. Yo ar ler makir mekelemeye ma na, ara njikaka mungra taŋhay, a hurukom huruk huruk a mbuŋ Bumbulvuŋ, Buymisemuŋ taŋ.

MIKUCUWULOY 2:6

Asi mavula sinmijileŋ i Bumbulvuŋ, yo sin ati sli wala ngi ɓi, a boko ti balam naŋ.

MIKUCUWULOY 6:23

Asi ɓi maɓukuw di ɗaˀ le na, naŋ ka lampe, yo ɓi madubunukuw di na, i li minjahha, mbur madubunuw gwat ti lesl mijileŋ na, a buguw di i jiviɗ ng'ar siifa.

MALASI 2:7

Asi mike na, masay a dubun di i sin da mizli, yo mizli a sipam dubun mabo ti balam naŋ, asi naŋ i mislin ngi Bumbulvuŋ misi gidaŋ wãˀa.

Matiye 13:52

Joˀ a ɓa taŋ: «Naŋ kine, buy ngi ɓimujuwa gar misina ɓi ngi Zumabuy ngi muŋ le na, a bam vu ati buy ngi hay mabo ti gwat nawayahay ati magalahay tir zlili naŋ.»

Mark 6:34

Yesu mabo tir palalama, keɗ na, zigiduw sikiniy. ˀIrcece a gaŋ haɗi ti taŋ, asi taŋ kaɓa tumuŋ manja mijiginey. Dar a zla, a dubuna taŋ gwatay haɗi.

Slu cuw 16:18

Ar walahayay cek Bumbulvuŋ Buymisemuŋ kumo masa vulukum taŋ na, kisa winam migi kiitahay waɗ buyɓihey ar sukwiheye tiɗeˀe, ɓa a sa gaka kiita da mizli kasl kasla.

KOLOSOY 1:28

Ndra matilam di mi na, i naŋ vuna. Ndra maɓaka mbur gar ɗaˀ ɗaˀ le, yo ndra madubunaka sinmijileŋ ko wanaka gar, da mburo duban duban le na, ɓa mbur gar a tiri manja hereweɗ ar naŋ mujom ati Kristu.

Ɗerewol ZAK 1:5

Amma da mbur a wuzla kumo, sinmijileŋ a kicaŋ le na, anja a cufuɗ avu Buymisemuŋ masa vulaŋ di. Asi Buymisemuŋ a vul gwat da mizli gar ti gula ti hazum, manja mbiɗi hirnga.