ESDRAS 7:23 - Bible en langue guiziga

²³ Gwat Buymuŋ miɓa le ɗaˀ le gar na, anja a gaka ti jiviɗ naŋ vur hay ngi Buymuŋ, vur naŋ maslikiɗ himaˀ ar zumabuy ɗu, waɗ ar ya vuna ati ziri ɗuwoyo.

ESDRAS 7:23 ပူးပေါင်းရင်းမြစ်များ

ESDRAS 7:13

Ɓi ɗu ya miɓa ɗaˀ le ani: asi ruwuy ɗu, ko wa gar a wuzla Israyeleye, a wuzla masay taŋhay waɗ a wuzla levi taŋhaya, muwuɗ ru le ngi mongoy naŋ nga Zeruzaleme na, anja aru asi ka!

ESDRAS 7:18

Yo is ngi ɓiri bara ati ɓiri tapasl tapasla, ka ati sukum ɗikeye, kisa gam di gwat kum mupuraka le kuy, kisa gam di i gwat Buymisemuŋ kumo mawuɗo.

ESDRAS 7:22

hã a sa vulakaŋ ɓiri bara, kilo durmuk makir, alkamari, kilo durmuk kukur makir, mbaazla, litir durmuk mufaɗ, mal litir durmuk mufaɗ, yo mandaŋ slaf le ta.

DIMISEY 119:4

Buymisemuŋ, gwat ka mawuɗo, ki biga le, ɓa mizli a kam slimiɗ ara kuy kuy.

BI NGI ISRAYELEY 5:3

Moyis ati Aroŋ a ɓakaŋ: «Buymisemuŋ ngi Heberey a biga ndra vu le da ndra, anja sey i ram hiipas hiipas hin makir nga wuzla ɓuh mikirɗak kirɗaka, nga gi mikuli da Bumbulvuŋ, Buymisemuŋ ndra, vur naŋ madiɗ vu ar ndra ti jiji mangizl vu sunok sunok malla ti maslalam.»

ZEREMI 29:7

Gam welele vur zlili ngi walahay, ya Bumbulvuŋ miga ɓa a jukum ng'ara na, diram dibiɗ da ya Bumbulvuŋ vurˀe, asi da walahaya naŋ ti zlili na, naɓa kumo kwana, kum zlili aya.›

ZAKARI 12:3

Naŋ kanah, tapasa, Zeruzaleme, i sa tiri di avu mizli gar kaɓa ɗugur mazuɓ ta. Mbur masa tutuma zuɓ naŋ gar na, a sa pultoŋ. Dar sukwi ngi mizli ngi si ruwuy gar a sa kusom kos kos nga hirnga naŋ.