ESDRAS 7:14 - Bible en langue guiziga

¹⁴ Asi mike na, ya ati mukuti vu ɗuwoy mitarnaˀ na, i ndra mislinukuw nga lo virzi ngi ɓi vur hirwuy Zuda, waɗ vur Zeruzaleme, kaɓa ɓimujuwa ngi Buymisemuŋ ɗik mikaw asi haŋ ɗik na.

ESDRAS 7:14 ပူးပေါင်းရင်းမြစ်များ

ESDRAS 1:3

Ko wa gar a wuzla kumo, mubo ti wuzla mizli naŋhay gar na, anja Buymisemuŋ naŋ a ndir ati naŋ, a mi nga Zeruzalem, hirwuy Zuda, nga ndira hay da Bumbulvuŋ Buymisemuŋ ngi Israyele. I Buymisemuŋ misi a Zeruzalem!

ESDRAS 5:8

Buy kumani, anja ki si na ɓi ani sin le, i ram le ar hirwuy Zuda, ar hay ngi Buymisemuŋ madiɗa. I lumaka na, ara maka hiri ngi ndir naŋ ti ɗugur miciɗa ti ciɗey, yo ɓamtalay gizl gizl ar dalama. A ra gaka slra nah ti jiviɗ naŋ, yo ara wusam di vu kutum ma.

ESDRAS 6:12

Buy wanaka gar malla mizli wanahayka gar mingilaka ɓi hana le, yo muzuɓaka haŋ le ngi hirya hay ngi Buymisemuŋ hana a Zeruzaleme na, anja Buymisemuŋ mandir a diga na, a hizigiɗaŋ. I ya Dariyus miɓa ɓi hana ɗaˀ le, anja a gi kahana vuna si.»

ESDRAS 6:8

Kum ati mizli micawwa ngi Yudeheye, i ɓukum le ɗaˀ ɗaˀ ani vur ndira hay ngi Buymisemuŋ: zlili ngi buy, mizli vay si pas ngi pastaˀahay masa wurkoko buutu taŋ na, dala ngi vul da mizli ngi gi slra nah gar na, a sa hilam daˀ ara vuna si, ɓa slra a gi kasl kasl, manja zluɓ, mangal ngi Amitayazluɓ.

ESDRAS 7:15

Yo ma na, ɓa ki ru ti ɓiri bara ati ɓiri tapasl tapasl, buy ati mukuti vu naŋhay muvulaka ngi mongoy taŋ da Buymisemuŋ ngi Israyel, misi li cifi naŋ a Zeruzaleme,

ESDRAS 7:28

Buymisemuŋ a giy mezle le a mbuŋ buyo, a mbuŋ mukuti vu naŋhay waɗ a mbuŋ mizli madiɗa ngi slra ngi buyoyo. I lum gidaŋ le, asi gidaŋ ngi Bumbulvuŋ Buymisemuŋ ɗu naŋ da angi ya, dar i kus buy Israyeley cah ɓa i ram bummoˀ.»

ESDRAS 8:25

Ɓiri bara, ɓiri tapasl tapasl waɗ gwat mupuɗaw puɗaway, buy ati mukuti vu naŋhay, mizli madiɗa ngi slra naŋhay waɗ Israyeley misi asi ruwuyo, micikilaka vur hay ngi Buymisemuŋ ndra na, i wa taŋ di weˀ weˀ ti kilo.

ESTER 1:14

I ti: Karsena, Setar, Admata, Tarsis, Meres, Marsena waɗ Memukaŋ, mizli migweˀ gweˀ ngi vaˀahay, a wuzla muvula kuti da naŋ buyo. Yo mizli madiɗa ngi slra naŋhay mitarnaˀ misi a Perse waɗ a Medi. Mizli tayna gar na, i mizli ngi si mevel ngi buyoy, yo i mizli madiɗa ngi mbuŋhoy ar zuma buy ngi Zersese.

EZAYI 8:20

kisa mbiɗaka taŋ di: «Moko ng'ar dubun ati mingiɓi ngi Bumbulvuŋ.» Da a cinaka mingiɓi hana ta na, li anta sa wun ti taŋ ta.

DANIYEL 2:47

Buy a ɓa Daniyele na: «Gisiŋ, Buymisemuŋ kumo, i madiɗa fineˀ kuliheye, i madiɗa ar buyoyo, yo i minjika gwat maslaam wala tahay. Ka minjikiy gwat mufuna wuluk ngi mbur nah na, vurˀe.»

DANIYEL 6:20

Buy a slikiɗ ngi li, a wus vu nga mi butum ngi moboroy tuwa.

DANIYEL 6:26

Akẽh na, buy Dariyus a tuh letir da mizli gar, sukwihey ati mizli maɓam mi miwal walay misi asi hirwuy gar, a ɓa taŋ: «Anja ki cifam zuy zuy kuy kuy!

ZAKARI 6:10

Helday ati Tobiya waɗ Yedaya, mizli mijaka taŋ zleˀe nga ruwuy mulak mumoko na, gwat taŋ mavulukuw di, tiɓa. Ka ti hirnga ɗike, kisa ru dana dana ngi hay Yosiya, mangal ngi Sefaniya, mizli mindiloko ani ti Babiloŋ na, taŋ a hay naŋ vuna.