ESDRAS 7:13 - Bible en langue guiziga

¹³ Ɓi ɗu ya miɓa ɗaˀ le ani: asi ruwuy ɗu, ko wa gar a wuzla Israyeleye, a wuzla masay taŋhay waɗ a wuzla levi taŋhaya, muwuɗ ru le ngi mongoy naŋ nga Zeruzaleme na, anja aru asi ka!

ESDRAS 7:13 ပူးပေါင်းရင်းမြစ်များ

ƁI NGI HINEY MUCUW NAŊ 30:5

A zlaka ɓa ɓi nah bal bal asi ruwuy Israyel gar, zle a Ber-seba hã a Daŋ. A ziloko mizli nga Zeruzalem ngi gi muguzlum Pak ngi Bumbulvuŋ Buymisemuŋ ngi Israyel, asi mizli magaka zleˀe kaɓa mutohoko ɓi naŋ na, taŋ haɗi ta.

ESDRAS 1:3

Ko wa gar a wuzla kumo, mubo ti wuzla mizli naŋhay gar na, anja Buymisemuŋ naŋ a ndir ati naŋ, a mi nga Zeruzalem, hirwuy Zuda, nga ndira hay da Bumbulvuŋ Buymisemuŋ ngi Israyele. I Buymisemuŋ misi a Zeruzalem!

ESDRAS 5:13

Amma, ar vi mudumbuŋ ngi Sirus mazum buy a Babiloŋ na, a pula jiviɗ ngi ndira hay ngi Buymisemuŋ hana hiri naŋ a muŋ.

ESDRAS 6:1

Akẽh na, buy Dariyus a pula jiviɗ da mizli, a wunjulaka ɗerewol muwam taŋ vu ar hay ngi wi vu ti gwat mupuɗaway a Babiloŋ.

ESTER 3:15

Buy miɓi ɗaˀ si na, misliney a wusam vu kutum kutum ng'ar liheye si, yo ɓi micica nah, a tilam di mi le a Sus, walahay hirnga. Hirak ti nah na, naɓa buy ati Haman a cifam le, ara sam mbaazla. Amma walahay Sus taˀ gar na, ɓi nah a ga taŋ ngirkik lambaˀ.

ESTER 9:14

Dar buy a ɓi ɓa a gaka kanah vuna si. A tilam mi ti ɓi micica ngi buyo a Suso. Waɗ a luwaka ziri mizile ngi Hamanaya kuruˀ taŋ.

DIMISEY 110:3

Tapas ka masa kuso soje ɗikey ng'ar vurum na, mizli ɗikeye, t'ada sek asi ka. Ka Buymisemuŋ, gawla ngi vurum ɗikey a sa soko ng'avu ka a muwã ngi ɗik, kaɓa wulngar magi ti li biŋ biŋ.

DIMISEY 148:6

A cifa taŋ ar li taŋ ar li taŋ ngi sete, a ɗuva taŋ ɓi ngi pul mbak le ta.

DANIYEL 6:26

Akẽh na, buy Dariyus a tuh letir da mizli gar, sukwihey ati mizli maɓam mi miwal walay misi asi hirwuy gar, a ɓa taŋ: «Anja ki cifam zuy zuy kuy kuy!

FILIPIHEY 2:13

Asi Buymisemuŋ ara gi slra ndrehhe a hur kumo, ɓa a tiri ti kum ter ngi wuɗa gwat ati ngi gi naŋ, kaslsla kaɓa naŋ miɗiya jiviɗ naŋ.

ƁIMUNJUYO 22:17

ˀUf ngi Buymisemuŋ ati ngwas a ɓam: «Sawa!» Anja mbur macina ɓi hana kwana, a ɓi: «Sawa!» Mbur, misi yam ara gaŋ na, anja a sawa. Mbur mawuɗ yam ngi siifa na, anja a lum ngataraŋ.