ESDRAS 6:16 - Bible en langue guiziga

¹⁶ Israyeley, masayay, levihey, waɗ is ngi mizli mijahay nga ruwuy mulak mumoko na, a gaka muguzlum ngi vula haya da Buymisemuŋ ti mumul.

ESDRAS 6:16 ပူးပေါင်းရင်းမြစ်များ

BUYOY MUDUMBUŊ NAŊ 8:62

Buy ati Israyeley gar na, a gam mikuli da Bumbulvuŋ.

BUYOY MUDUMBUŊ NAŊ 8:63

Salomoŋ a gi da Bumbulvuŋ i mikuli ngi ngiɓiˀay, ɓa ngi wuna mi ngi hay ngi Bumbulvuŋ. A kiɗ slahay durmuk kukur cuw nga cuw waɗ tumuŋ ati away durmuk skat ti kukur cuw. Buy ati Israyeley gar muwunaka mi ngi hay ngi Bumbulvuŋ na kahana so.

ƁI NGI HIN GAR MUDUMBUŊ NAŊ 15:28

Israyeley gar ara ki saka akoti ngi jumoˀay ngi Bumbulvuŋ nga Zeruzaleme ti ji salalay, ti fi tulum, zara, ti kiɗa jãwjãw, gujuvur waɗ garaya.

ƁI NGI HIN GAR MUDUMBUŊ NAŊ 9:2

Mizli mumoko dumbuŋ dumbuŋ nga pi a ruwuy taŋ muŋ, ɓa a tiɓaka gwat taŋhay a muŋ, ati walahay taŋhay a muŋ na, i mizli ngi mbuŋ Israyele mizlewey waɗ, masayay, mizli levihey waɗ migi slra ngir hay ngi Buymisemuŋhoy a Zeruzalem.

ƁI NGI HINEY MUCUW NAŊ 29:30

Akẽh na, buy Ezekiyas ati buyoy a ɓaka leviheye, ɓa a hunumaka Buymisemuŋ ti dimis ngi Davit ati ngi Asaf, mbur mupur na. Dar levihey a hunumakaŋ ti mumul, a huruk hurukam, a hurukom a mbuŋ Buymisemuŋ.

ƁI NGI HINEY MUCUW NAŊ 30:23

A dirba nah, mizli gar mukusomo, a hĩyãka le, ɓa a gam hin tarnaˀ mekelem ava ma, a gam hin tarnaˀ ava ma ar li gi muguzlumo ti mumul.

ƁI NGI HINEY MUCUW NAŊ 30:26

Mumul a gi haɗa a Zeruzaleme, asi diga ti hin ngi Salomoŋ, mangal ngi Davit, buy Israyel na, a gam muguzlum misi kanah a Zeruzaleme ɗaˀ ta.

ƁI NGI HINEY MUCUW NAŊ 7:5

Buy Salomoŋ a gi mikuli ti sla durmuk kukur cuw nga cuw, tumuŋ ati ˀaway durmuk skat ti kukur cuw. Buy ati mizli gar muvulaka hay ngi Buymisemuŋ na, kahana so.

ESDRAS 4:1

Mesene ngi Yudehey ati ngi Benjameŋhey micinam cin, mizli mijahay nga ruwuy mulak, mimam tuwa, ara ndiram hay da Bumbulvuŋ, Buymisemuŋ ngi Israyel na,

ESDRAS 6:22

A gam hin tarnaˀ ti mumul ar li gi muguzlum ngi ɗaf manja ˀis ara. Asi mike na, Bumbulvuŋ a naha taŋ mevele le ti mumul, ti naŋ mimbiɗa mevel ngi buy Asiri, ɓa a pura taŋ ti hiri mezle, yo ɓa a vula taŋ gidaŋ ngi ndira hay ngi Buymisemuŋ, Buymisemuŋ ngi Israyel.

NEHEMI 12:27

Ngi gi muguzlum ngi vula mohol ngi Zeruzaleme da Bumbulvuŋ, mizli a ram nga supoko Levihey ar li taŋ mipam anga anga gar, ɓa a soko nga Zeruzaleme, ngi gi muguzlum ngi wuna moholo, ti mumul, ti hunuma vu ti dimis, ti kiɗa jãw jãway, kãkuhoy waɗ gujuvuroy.

NEHEMI 12:43

Tapasa, mizli a gam mikuli haɗi teˀe da Buymisemuŋ, a mumulom haɗa, asi Buymisemuŋ a vula taŋ mumul le haɗa teˀe. Ngwasay ati ziri kwana, a mumulom haɗa ya, hã mumul taŋ na, a zuɓa le ngiɗ ngiɗ.

NEHEMI 8:10

Esdras a ɓa t'ani ava ma: «A ram ngi hay kumoy, zumam gwat mezleŋ, yo sam gwat mundumoy. Mizli manja gwatay na, saka taŋ ti mi nga taŋ, vur hin misenna i muvula le da Bumbulvuŋ ndra. Anja ki likam ta, asi mumul maso ti vu Bumbulvuŋ na, mavulukum gidaŋ i nah.»

DIMISEY 122:1

Dimis ngi wuzla dimis ngi Davitey, dimis ngi zuɓa mulak nga Zeruzalem. Taŋ miɓikiy: a kum ng'ar hay ngi Bumbulvuŋ na, kayya, i mumul di haɗi teˀe.

DANIYEL 5:13

Dar a soko ti Daniyele nga mbuŋ buyo. Buy a zla a ɓaŋ: «Daniyel ngi wuzla mizli mijoko taŋ ti ruwuy Zuda, cine ɗu, buy muso di ti Zuda na, i ka gisiŋ kwa?

Ɓimezle ngi Yesu Kristu ZAŊ mitil di mi 10:22

A Zeruzaleme, naɓa i kiya ngihimiɗi, ara gam muguzlum ngi vula hay ngi Bumbulvuŋ a muŋ.

Slu cuw 12:7

Kum ati ziri kumoy gar arleˀe, kisa zumaka ɗaf ar hay ngi Bumbulvuŋ Buymisemuŋ kum. Ki sa mumulom haɗa, asi Bumbulvuŋ Buymisemuŋ kumo a ɗuwulukum mi le ar gwat ngi gi kum gar si.

FILIPIHEY 4:4

Mumulom angi pas gar, asi kum mujom ati Bumbulvuŋ. I ra mahiri naŋ ava ma, kum mumulom.