ESDRAS 6:12 - Bible en langue guiziga

¹² Buy wanaka gar malla mizli wanahayka gar mingilaka ɓi hana le, yo muzuɓaka haŋ le ngi hirya hay ngi Buymisemuŋ hana a Zeruzaleme na, anja Buymisemuŋ mandir a diga na, a hizigiɗaŋ. I ya Dariyus miɓa ɓi hana ɗaˀ le, anja a gi kahana vuna si.»

ESDRAS 6:12 ပူးပေါင်းရင်းမြစ်များ

BUYOY MUDUMBUŊ NAŊ 9:3

Bumbulvuŋ a ɓaŋ: «Ka midir dibiɗ, yo ka mutumbuliy na, i cine le. Hay ka mindira hana na, i tiri di le pal, ɓa slimiɗ ɗu a zil anga, ngi caˀa. I sa ɗuva hiri ɗu ati mevel ɗu taˀ anga ndrehhe.

ƁI NGI HINEY MUCUW NAŊ 7:16

Yo wurenna, i wina hay hana le, i tiri di le pal, ɓa yi ndir anga ngi caˀa. I sa ɗuva hiri ɗu ati mevel ɗu taˀ anga ndrehhe.

ESDRAS 6:13

Akẽh na, Tatenay buy miwi li vay si pas ngi pastaˀ ngi Efrata, Setar-Bozinay waɗ cil taŋhaya, a sipaka mingiɓi ngi buy Dariyus mubo taŋ di na, kaslsla kanah.

ESDRAS 6:14

Mizli micawwa ngi Yudehey ara ram nga mbuŋ ti slra ngi ndira hayakasl kasl, kaɓa mijiviɗ Aze ati mijiviɗ Zakari, mangal ngi Ido minjikaka zleˀe tuwa. A kiɗaka mi ngi haya, kaɓa Buymisemuŋ ngi Israyel miɓa ɗaˀ le, yo kaɓa Sirus ati Dariyus waɗ Artakzerses, buy Persehey miɓaka ɗaˀ le na ma.

ESDRAS 7:15

Yo ma na, ɓa ki ru ti ɓiri bara ati ɓiri tapasl tapasl, buy ati mukuti vu naŋhay muvulaka ngi mongoy taŋ da Buymisemuŋ ngi Israyel, misi li cifi naŋ a Zeruzaleme,

ESDRAS 7:17

Naŋ kanah, dala nah na, kisa gi di slra kuy kuy, kisa hiɗik di gusoŋhoy, zlengerekey, ziri tumuŋhoy, waɗ gwat ngi migam ngi gi mikulihey ati ngi pusl ti pusloy asi taŋ. Ki sa gi taŋ mikuli ar li gi mikuli ar hay ngi Buymisemuŋ kumo a Zeruzaleme.

ESDRAS 7:26

Ko wa misa ga gwat ɓimujuwa ngi Bumbulvuŋ ɗik ati ɓimujuwa ngi buy mawuɗo kasl kasl ta na, anja a gakaŋ kiita mikaslsla: vagay naŋ ɓaˀ malla solom, da kanah ta na, a wuruk malla a zum dangay.

ESTER 8:14

Buy miɓi ɗaˀ si na, gawla naŋhay a wusam vu, a bam gilaˀ gilaˀ ar pilisey, buy muvula taŋ di tuwa, a kilam ti letireye, dar a tilam mi ti ɓi micica ngi buyo a Sus, walahay hirnga.

DIMISEY 5:10

Taŋ na, ɓi midar anta angi mingiɓi taŋ ta. Mevel taŋhaya ndus ndus ti ɓi ngi gi gwat malambaˀhay. Mumburlok taŋhaya, taŋ kaɓa zivi mibaŋ kine, yo irne taŋ maɓam di, naŋ ka misirnene maslir ti mbur.

BI NGI ISRAYELEY 20:24

Ki sa ndiriy li gi mikuli ti hohoy, ɓa kisa giy mikuli ti tumuŋ, ti ˀaw, ti sla zlam zlam wãˀ angaŋ, malla mikuli ngi luuma zuy. Yo ar li gar ya misa bugukum vu le na, i sa so ng'avu kum, i sa ɗuwulukum mi.

TILA MI 9:10

Gwat gar misi zliv haŋ ɗike wirwir ngi gi naŋ na, ga ti haŋ vu ɗike, asi slra ati slufa ɓi ngi slra ka miga, si na gi gwat malla sinmijileŋ gar na, anta ar li ngi mumucahay, ka masa ru ng'ara na ta.

EZAYI 60:12

Sukwi ngi mizli malla hirwuy mazumam buyoy gar mangumam gukuw slra ta na, a sa ngizlam, sukwi tayna a sa ngizlam pay wãˀ.

ABDIYAS 1:10

Kum masa pam mesem, yo taŋ masa ngizlukum pay wãˀ na, asi moˀore kum migaka da sukum kum, dideˀ ngi Zakopoy na.

SLRA 9:5

Sawul a cufuɗaŋ: «I ka waka Buy? «A mbiɗaŋ di: «I ya Yesu, ka masipiy nder nder na.

Slu cuw 12:11

Gwat ya maslufukum t'ani gar na, kisa ram taŋ da Bumbulvuŋ Buymisemuŋ kumo, ar li naŋ masa wunaŋ ngi biga vu naŋ na: mikuli mizlam zlam wãˀ, mikuli ngi jumoˀay, mikuruˀ ngi gwat ngi migam kumoy, waɗ gwat ngi vul ngi mongoy kum ati gwat gar kum majuwaka le a mevel kum ngi ji mi ngi Bumbulvuŋ.

Slu cuw 12:5

Ki sa ra huruk hurukam a mbuŋ Bumbulvuŋ, sey ar li naŋ masa wuna a wuzla sukwi kumoy, ɓa a ndir araŋ, yo ɓa a biga vu naŋ a diga.

Slu cuw 16:2

Ki sa jam tumuŋ, ˀaw malla sla ngir gezleŋ kum ngi gi mikuli da Bumbulvuŋ Buymisemuŋ kumo. Ki sa gaka mezegwel nah ar li Bumbulvuŋ muwuna ɓa a biga vu naŋ a diga.