ESDRAS 5:16 - Bible en langue guiziga

¹⁶ Sesebasar a so nga Zeruzalem aka so, a ɗuva virzi ngi hay ngi Buymisemuŋ. Zle ti nana, hã wurenna, ara ndiraka haya, amma a kiɗ mi t'aruŋ.›

ESDRAS 5:16 ပူးပေါင်းရင်းမြစ်များ

ESDRAS 3:10

Ti mindira hayay maɗuvaka virzi ngi hay ngi Bumbulvuŋ na, naɓa ara kirohoko masayaya, ɓaˀ ɓaˀ zana ngi mezegwel avu vu, yo za raˀahaya, waɗ levi, dideˀ ngi A safaya, ti jãwjãway, ɓa a hunumaka Bumbulvuŋ, kaɓa Davit, buy Israyel mujuwa ɓi nah.

ESDRAS 3:8

Ar kiya mucuw naŋ, ngi vi mucuw naŋ, taŋ mindilam angi li ngi hay ngi Buymisemuŋ a Zeruzaleme na, Zorobabel, mangal ngi Seyaltiyel, Yesuwa, mangal ngi Yosadak, waɗ is ngi sukum taŋ masayaya, levihey ati mizli gar mumoko nga Zeruzalem tir hirwuy mijaka taŋ nga diga na, a zlaka a cam levihey misi vi kukur cuw malla mufuna le, ɓa a jiginaka slra ngi ndira hay ngi Bumbulvuŋ.

ESDRAS 5:14

Yo ma na, gwat ngi ɓiri tapasl tapasl ati ngi ɓiri gazahay ada zleˀe ar hay ngi Buymisemuŋ a Zeruzaleme. Nabukodonozor a hila taŋ, ara pa taŋ ar hay ngi kuli a Babiloŋ. Dar buy Sirus a hila taŋ tir hay ngi kuli tuwa, a vula taŋ da mbur mazilaka Sesebasar, naŋ mucufaŋ i buy miwi li a Zuda.

ESDRAS 5:15

A ɓaŋ na: Hila gwat hanayna, ara pa taŋ ar hay ngi Bumbulvuŋ a Zeruzalem, yo anja ɓa a ndiraka hay nah hiri naŋ a muŋ, kaˀ ar li naŋ misi zleˀe.

ESDRAS 5:2

Akẽh na, Zorobabel mangal ngi Seyaltiyel waɗ Yesuwa mangal ngi Yosadaka, a slikiɗam, dar a zlaka ndira hay ngi Buymisemuŋ a Zeruzaleme, yo mijiviɗ ngi Bumbulvuŋhoy ada, dar a jinaka taŋ.

ESDRAS 6:15

A kiɗaka mi ngi ndira haya, ar hin mimakir naŋ ngi kiya Adar, angi vi mimerkeɗ naŋ ngi Dariyus mazum buy.

Ɗerewol AZE 2:18

Wulkam kuy kuy, zle dana ati ngi mbuŋ ma gar, zle avu hin mizli ngir cuw nga mufaɗ ngi kiya mingoltir naŋ, naŋ mazli zle ti hin hana maɗuvaka virzi ngi hay ngi Bumbulvuŋ na, wulkam kuy kuy.

ZAKARI 4:10

Hin ngi zli virzi ngi gwat meciɗekey na, mupura hiris le i waka? Tapas masa puraka Zorobabel kaw ti ɗugur ngi wi virzi ngi hay na, mizli a sa mumulom. Lampe mitarnaˀ tayna i hiri ngi Bumbulvuŋ, mira bula hirwuyo bal bal keɗeɗe.

ZAKARI 4:9

Muɗuva virzi ngi hay misenna i Zorobabel ti haŋ naŋ, yo i naŋ masa kiɗa mi ngi ndir naŋ ti haŋ naŋ ma.» Dar kisa sinaka i Bumbulvuŋ misi gidaŋ wãˀ mislino ya ng'avu kumo.

Ɓimezle ngi Yesu Kristu ZAŊ mitil di mi 2:20

Dar Yudehey a ɓakaŋ: «A gam vi kukur mufaɗ nga merkeɗ ar li ndira hay misenna. Ka kisa ndira hiri naŋ angi hin makir mbrike?»