ESDRAS 5:11 - Bible en langue guiziga

¹¹ Na a zilam ndra mi ani: ‹Ndr'i gawla ngi Buymisemuŋ miga muŋ ati hirwuy, i ra maka hiri ngi ndira hay hana, buy madiɗa ngi Israyel mindira zleˀe tay mi naŋ, a gi le ani vi mbeˀ mbeˀe.

ESDRAS 5:11 ပူးပေါင်းရင်းမြစ်များ

ZLI VIRZI 24:3

yo hudum a mbuŋ ɗu ti slimiɗ ngi Bumbulvuŋ Buymisemuŋ miga muŋ ati hirwuyo, ɓi: ziri diili ngi Kanaˀanay, ya micifi a wuzla taŋ na, k'anta sa zuɓ ngwas da mangal ɗu a wuzla taŋ ta.

BUYOY MUDUMBUŊ NAŊ 6:38

Yo angi vi mukuruˀ ngaŋ kaˀ naŋ, ngi kiya Bul, mbiɗeˀvra kiya midangafaɗ naŋ na, a kiɗaka mi ngi ndira hay ngi Bumbulvuŋ, taˀ ngi hay ati ngi gwatay buy muwuluk anja a ndiram kahana kahana gar. Salomoŋ a ndira angi vi tarnaˀ.

BUYOY MUDUMBUŊ NAŊ 9:10

Angi vi kukur cuw, Salomoŋ mindir di hayay mucuw: Hay ngi Bumbulvuŋ ati hay nga naŋ buyo na,

ESDRAS 5:10

Yo ma na, i cufuɗaka slimiɗ taŋhaya le, i tohoko slimiɗ ngi mizli madiɗa ngi mbuŋ taŋhaya toh toh, ɓa ki si na taŋ.

DIMISEY 119:46

Ko a mbuŋ buy madiɗahay kwana, i sa ɓa ɓi ngi ɓimuɗuva ɗike, manja mesem.

DIMISEY 136:26

Hunumaka Bumbulvuŋ ngi muŋ, asi gi teŋteŋ naŋ, anta kiɗ mi ta.

DANIYEL 3:26

Dar Nabukodonozor a girjih ng'avi mi ngi vu munjulili tuwa, a ɓi: «Sadrak, Mesak ati Abet-Nego migi slra ngi Buymisemuŋ mimadiɗa, boko, soko!» Dar ti Sadrak, Mesak ati Abet-Nego a boko ti wuzla vu.

ZONAS 1:9

Zonas a mbiɗa taŋ di: «Yi mbur Heber, yi huruk huruk nga ya a mbuŋ Bumbulvuŋ, Buymuŋ, miga mubuliy ati hirwuyoy na.»

Matiye 10:32

Ko wa gar masa ɓi njah a mbuŋ mizli, naŋ i mbur ɗu na, ya kwana, yi sa ɓi njah a mbuŋ Cine ɗu misi a muŋ, yi mbur naŋ aya.

Ɓimezle ngi Yesu Kristu LUK mitil di mi 12:8

Yi ɓukum na: Ko wa gar masa ɓi njah a mbuŋ mizli, naŋ i mbur ɗu na, Mangal ngi mbur a sa ɓi njah a mbuŋ modro ngi Buymisemuŋhoyo, naŋ i mbur naŋ ya.

SLRA 27:23

Asi mike na, modro ngi Bumbulvuŋ ɗu ya mahuruk huruk a mbuŋ naŋ na, a bigiy vu le ngi duvuɗ nga dana vuna si,

ROMAHAY 1:16

Y'anta gi mesem ngi tila mi ti Ɓimezle ta, asi i gidaŋ ngi Buymisemuŋ malaha ko wa mitiɓi le gar, Yudehey dumbuŋ waɗ sukwi mekelemey gar.

ROMAHAY 6:16

Da kum mira gam slra ngi mbur na, kum ka bekehey ɓa ki cinakaŋ mi, yo ki tiram beke naŋhay le ko da ngi gi slra ngi mungra maru ti mbur ng'ar mucu, malla ko da i slra ngi cine mi maru ti mbur nga ɗiyi jeŋŋe na, ki sinaka ta kwa?

GALATAY 6:14

Ya na, y'anta wuɗ ɓa slimiɗ ɗu a zil haɗa vur gwat mekelem pal ta ndiɗaˀ wãˀ, sey vur dum mizlira ngi Buy ndra Yesu Kristu tewle. Asi mike na, avu ya, duniya i mumuca le, yo ya kwana, i mumuca le avu duniya, mbele dum mizlira tuwa.

ZOZUWE 24:15

Amma, da gi mezegwel da Bumbulvuŋ a cirukum hiri ta na, wunam mbur ngi gaŋ mezegwele dana so. Kuli, dideˀ kumoy migaka taŋ mezegwel zleˀe a dubazaw Efrat na kwa, malla da kuli ngi Amorihey, kum misi angi hirwuy taŋ wurenna na kwana, wunam so. Amma ya ati mizli ngi hay ɗuwoyo ndr'i sa gam mezegwele da Bumbulvuŋ.»