ESDRAS 4:4 - Bible en langue guiziga

⁴ Akẽh na, mizli misi asi ruwuyo, a soko ɓa a vusoko mizli Zudahaya, yo ɓa a gaka zluwun da mindira hayaya.

ESDRAS 4:4 ပူးပေါင်းရင်းမြစ်များ

SAMUYEL MUCUW NAŊ 4:1

Isebaˀal, mangal ngi Sawul na a cine na, Abner a muc le a Hebroŋ. Mevel a slaŋ, yo mizli Israyeley gar, a ga taŋ gigisl teˀ.

ESDRAS 3:3

Ko ti taŋ mazluwunam ti mizli mekelemey mipam asi ruwuyo tekeɗe kwana, a ɗiyaka li gi mikuli cummo ar virzi naŋ misi zleˀe vuna si, a gaka mikuli mizlam zlam da Bumbulvuŋ, i mikuli mizlam zlam magaka ti miprik waɗ ti pastaˀa.

ESDRAS 4:5

Diga avu Sirus muzum buy a Perse, hã avu Dariyus muzum buy a Perse ma na, ara vulaka dala da mukuti vu ngi mamay buyoyo, ɓa a tikaka slra, Yudehey muwuɗam ngi gi naŋ gar.

NEHEMI 4:11

Mizli mindira moholoy ati mizli majijiroko gwataya, a gam slra ti haŋ purla, yo haŋ purla vay mekeleme kwanakaw ti gwat ngi vurum.

NEHEMI 4:2

Taŋ gar taŋ, a ngiɓam ˀay purla, ɓa a soko zlam kiɗa vu ati walahay Zeruzaleme, ɓa a hiryakaŋ.

NEHEMI 6:9

Asi mike na, mizli tayna gar a wuɗam na, ɓa a gam ndra zluwun, vur a ɓam ti kwacay taŋ na: «Naɓa a sa pulam haŋ kwalal avu slra, ɓa slra taŋ anta sa kiɗ mi mata wãˀ!» «Haˀaw Buymisemuŋ, vuliy gidaŋ ar slra misenna takwa!»

ZEREMI 38:4

Mizli madiɗa ngi slra ngi buyoy a ɓaka buyo na: «Anja mbur hana i ngi kiɗ vagay, asi ara huruɓo sojehey ati mizli gar ti mingiɓi naŋ na. Asi a wuɗ nga naŋ i cifi zuy ngi walahay ta, amma ɓa walahay a ndir ar bonoy.»

DANIYEL 10:13

Yerima misi i modro ngi ruwuy Perse, a cici kaŋ kaŋ avu ya, hã hin kukur cuw ngaŋ kaˀa. Amma pura Misel, ngi wuzla modro mudumbuŋhoy, a so jiniy, joˀ yi sa ndir a ciki buy Perse.

DANIYEL 10:20

Naŋ a ɓiy: ‹Ya muso ng'avi ka na vur gwat mike, ki si na le kwa? I wuɗ i mahiri ngi kiɗa vu ati yarma modro ngi Perse wurenna, amma ti ya mabi nga kiɗa vu na, pura yarma, modro ngi Grek ara sawa.