ESDRAS 4:3 - Bible en langue guiziga

³ Amma Zorobabel, Yesuwa waɗ buy ngi hay ngi wuzla mizli Israyeleye, a ɓaka taŋ: «Ndr'anta jumom ati kumo ngi ndira hay da Buymisemuŋ ndra ta. I ndra pal ndra mandiraka hay da Bumbulvuŋ, Buymisemuŋ ngi Israyele, kaɓa Sirus, buy Perse mupula ndra jiviɗ naŋ na.»

ESDRAS 4:3 ပူးပေါင်းရင်းမြစ်များ

ƁI NGI HINEY MUCUW NAŊ 36:22

Ar vi mudumbuŋ ngi Sirus, buy madiɗa ngi Perse mazum buy a Babiloŋ na, Bumbulvuŋ a juwa le ɓa a ga gwat naŋ mubo di ti balam Zeremi zleˀe tuwa muduba. Bumbulvuŋ a wuna lesl ngi Sirus, buy Perse, ɓa asi ruwuy naŋ mazum buy anga gar na, a til di mi ti til malla toh toh ti tuh:

ESDRAS 1:1

Ar vi mudumbuŋ ngi Sirus mazum buy a Perse na, ɓa gwat Bumbulvuŋ miɓa zleˀe ti balam mijiviɗ Zeremi a gi muduba na, Bumbulvuŋ a ca wuluk ani da Sirus, buy Perse, ɓa a til di mi, yo ɓa a toho ti tuh toh toh da mizli ngi si ruwuy naŋhay gar ma.

ESDRAS 1:2

Sirus, buy Perse, a ɓi ani: «Ya Siruso, zumabuy ngi si ruwuy gar na, Bumbulvuŋ, Buy muŋ, a vuliy di le da ya, yo naŋ ti hirnga naŋ vuna a ɓiy, ɓa i ra ndiraŋ hay a Zeruzalem, hirwuy Zuda.

ESDRAS 1:3

Ko wa gar a wuzla kumo, mubo ti wuzla mizli naŋhay gar na, anja Buymisemuŋ naŋ a ndir ati naŋ, a mi nga Zeruzalem, hirwuy Zuda, nga ndira hay da Bumbulvuŋ Buymisemuŋ ngi Israyele. I Buymisemuŋ misi a Zeruzalem!

ESDRAS 3:8

Ar kiya mucuw naŋ, ngi vi mucuw naŋ, taŋ mindilam angi li ngi hay ngi Buymisemuŋ a Zeruzaleme na, Zorobabel, mangal ngi Seyaltiyel, Yesuwa, mangal ngi Yosadak, waɗ is ngi sukum taŋ masayaya, levihey ati mizli gar mumoko nga Zeruzalem tir hirwuy mijaka taŋ nga diga na, a zlaka a cam levihey misi vi kukur cuw malla mufuna le, ɓa a jiginaka slra ngi ndira hay ngi Bumbulvuŋ.

NEHEMI 2:20

Ya kwana, yi mbiɗa taŋ di: «Masa ga ɓa gwat misenna a gi na, i Buymisemuŋ ngir birngiŋ ti haŋ naŋ. Ndra gawla naŋhaya, ndr'i slikiɗam, i ndiraka walahaya. Amma kumo, ko lum kum anta a Zeruzaleme ta, na zle jiviɗ nah anta, yo gwat ɓa a wuluku kum keŋ ava anta si.»

EZAYI 44:28

Yi ɓi vur Siruso: «Naŋ i mijigina mizli ɗuwoy.» Gwat maciriy hiri gar na, i sa ga ɓa a gi kasl kasl avu naŋ. Yo i ɓi vur Zeruzaleme ma na: «Anja a ndiraka hiri naŋ a muŋ», yo hay nga ya Bumbulvuŋ: «Anja a ɗuvaka virzi naŋ a muŋ.

EZAYI 45:4

Ya muziluw ti slimiɗ ɗik na, vur gawla ɗu Zakop, kanah, vur Israyel, ya muwunaŋ na. I guw le ɗongor, manja ki siniy.

Matiye 10:16

«Ani i ra slinukum ka tumuŋhoy a wuzla kiriɓuhoy. Gam wer kaɓa kaway, ndiram ti mevel ngi ziri memeɗehey ka gonokoy.

Ɓimezle ngi Yesu Kristu ZAŊ mitil di mi 4:9

Amma ngwas Samari tuwa a ɓa Yesu: «Mbri mbri maka? Ka mbur Yude ma na, ki cufuɗ yam avu ya, ngwas Samari ma kwa?» Asi mike na, Yudehey anta wuɗam jum arleˀe ati Samariheye ta.

SLRA 8:21

Hana i slra ɗik ta, mi ngi ɗik anta ra ta, asi mevel ɗik anta kaslsla a mbuŋ Buymisemuŋ ta.