ESDRAS 4:20 - Bible en langue guiziga

²⁰ Ti zlezle zleˀe na, buy migidaŋhay ada Zeruzaleme, a waka Efrat, li vay si pas ngi pastaˀa le cek. Mizli mawurkaka taŋ buutu ati laada waɗ wurka jiviɗe.

ESDRAS 4:20 ပူးပေါင်းရင်းမြစ်များ

ZLI VIRZI 15:18

Tapas nah na, Bumbulvuuŋ a jumˀay ati Abrama: «Hirwuy misenna zle a mizaw Ezipte hã sesẽŋ a mizaw madiɗa mazilaka Efrat na, yi sa vula da dideˀ ɗikey.

BUYOY MUDUMBUŊ NAŊ 5:1

Zuma buy mekelemey, zle a mizaw madiɗa, Efrat, a hirwuy ngi Filistihey waɗ sesẽŋ maakway ngi Ezipte na, Salomoŋ a wa taŋ le cek ceke. A wurkaka buutu da Salomoŋ, yo a gakaŋ slra ar hin ngi siifa naŋ wãˀ.

BUYOY MUDUMBUŊ NAŊ 5:4

Li vay si pas madiɗ vay ruwuy ngi mizaw Efrat, zle a Tifsa, hã a ndila Gaza na, Salomoŋ a wa buy ngi ruwuy tayna le gar na, a hinam hirnga a mbuŋ naŋ. A cifam zuy zuy ati hirwuy ngi ciki naŋhay gar.

ƁI NGI HIN GAR MUDUMBUŊ NAŊ 18:13

A cifi buy miwi lihey a diga, joˀ Edomoy a tiram gawla ngi Davitey. Naŋ kine, ar li Davit maru gar na, Bumbulvuŋ ara vulaŋ bugawla.

ƁI NGI HIN GAR MUDUMBUŊ NAŊ 18:3

Davit a kiɗa Hadadezer buy madiɗa ngi Aramay misi a Soba, ruwuy naŋ sesẽŋ a Hamat. Hirak ti nana, Hadadezer ara ru nga ndaha zumabuy naŋ ngir ti mizaw Efrat.

ƁI NGI HIN GAR MUDUMBUŊ NAŊ 18:6

Dar Davit a cifi buy miwi lihey asi ruwuy A ram ngi Damasa. Mizli Aramay a tiram gawla ngi Davitey mahinam hirnga a mbuŋ sukwi naŋ. Ar li Davit maru gar na, Bumbulvuŋ ara vulaŋ bugawla.

ƁI NGI HIN GAR MUDUMBUŊ NAŊ 19:19

Gawla ngi Hadadezerey mupuraka Israyeley a kiɗaka taŋ le tuwa na, dar a jumom ngavi Davit, a tiram gawla naŋhay. Diga ti nana, mizli Aramay anta ngumam kila widi ngi Amoŋhoyo mata.

ƁI NGI HINEY MUCUW NAŊ 17:11

Ko Filistihey kwana, a sakaŋ ti gwat ngi vuloy, ɓiri bara waɗ laada. Ko Arapay kwana, a sakaŋ ti ginewey le ma: i zlengerekey durmuk tarnaˀ ti skat skat tarnaˀ, waɗ bazuwayay durmuk tarnaˀ ti skat skat tarnaˀ ma.

ƁI NGI HINEY MUCUW NAŊ 9:14

manja a slufaka misi maso ti vu mulakay, tivi migi tererehey. Buy ngi ruwuy Arapay gar ati buy miwi li ngi si ruwuyoyo, ara soko ti ɓiri tapasl tapasl ati ɓiri bara da Salomoŋ ma.

ESDRAS 4:13

Sey i ɓukuw di da ka buyo, ɓa ki si na sin le, da a ndiraka walahay nah le, yo da a slikiɗaka mohol naŋhaya le a muŋ na, buutu ati laada waɗ jiviɗe, t'anta sa wurkaka mata so tuwa. Kanah na, a sa suw ti mendere da ka buyo ma.

ESDRAS 4:16

I wuɗ i ɓukuw di da ka buyo ɗaˀ ɗaˀ le, da a ndiraka walahay nah le, yo a slikiɗaka mohol naŋhaya hiri nah le a muŋ na, naɓa k'anta sa wa li vay Efrata mata.»

ESDRAS 4:19

Yi vula jiviɗ le da mizli, a wunjilaka le, a lumaka na, diga misi ngadana ta vuna si na, walahay Zeruzaleme, ada slikiɗ ɓi ar buyoyo. Mizli ngi raˀahay a vulaka vu taŋ ngi slikiɗa ɓi waɗ ngi zlira mizli.

ESDRAS 4:21

Wurenna, ɓaka mizli ɗaˀ, ɓa a tikaka slra ngi mizli tayna. Anja a ndiraka walahaya ta, sey da ya muvula taŋ jiviɗ nah le far.

ESDRAS 7:24

Yo ma na, i ɓukum ɗaˀ le vur masayay ati leviheye, vur mizli dimisey ati mijigina mizlingreheye, waɗ vur gawla malla mizli migi slra ngir hay Bumbulvuŋhoy gar na, buutu, laada ati wurka jiviɗe, jiviɗ anta ngi tiɓa avu taŋ ta.

DIMISEY 72:8

Anja a wa li, zle a mi mubuliy, hã a mi mubuliy vay diga, yo zle a mi mizaw Efrat, hã sesẽŋ angi hirwuy mira kiɗo mi!

TUWUY 1:1

ˀEy eh! Walahay misi mizli haɗa araŋ, mbak ɗoɗok pal naŋ ka ngwas wudiga mbrike! Zleˀe na, slimiɗ naŋ a zil deŋ a wuzla sukwi ngi mizli ngbaŋ, i maˀãy a wuzla hirwuy ngi buy miwi liheye, ani wurenna i beke ngi gi slra mitakˀay so.

EZEKIYEL 19:11

A ki mihaŋ migidaŋ gidaŋ, mihaŋ naŋ tayna a tiram ganday ngi buyoy. A gil jek a wuzla widis mekelemeye. Gil naŋ tuwa, a guw pura pura, asi mihaŋ naŋhay mihaɗa.

Matiye 9:9

Ti Yesu macuh deŋŋe na, a pur mbur mazilaka Matiye, naŋ ar hay ngi cikila buutu. Yesu a ɓaŋ: «Sipiy.» Matiye a slikiɗ, dar a sipaŋ.