ESDRAS 4:2 - Bible en langue guiziga

² a ram ng'avu Zorobabel waɗ ng'avu buy ngi hay ngi wuzla mizli, a ɓaka taŋ: «I wuɗam i jumom ati kum ngi ndira haya. Asi mike na, diga avu Asarhadoŋ, buy Siri, muhulo ndra ng'aka na, ndr'ada sipaka Buymisemuŋ kumo na ya, yo ndr'ada gakaŋ mikuli.»

ESDRAS 4:2 ပူးပေါင်းရင်းမြစ်များ

ZLI VIRZI 10:11

Nemrod a bi ti ngi hirwuy hana, aru nga hirwuy Asiri. A pa walahay madiɗa Niniv, Rehobot - Ir, Kalah,

BUYOY MUCUW NAŊ 17:24

Buy Asiri a so ti mizli Babiloŋhoy, mizli Kutahay, Awahay ati mizli Hamatay waɗ Sefarvayimey. A vula taŋ li, a pam ar walahay Samariheye ar li ngi Israyeleye a pam, a cifam ar walahay ngi ruwuy Samariheye.

BUYOY MUCUW NAŊ 17:41

Naŋ kine, sukwi tayna, ara huruk hurukam a mbuŋ Buymisemuŋ, yo ara huruk hurukam a mbuŋ kuli taŋhaya ma. A dirba taŋ kwana, ziri taŋhay ati dideˀ taŋhaya, a gam di i gwat mupurlaka nga taŋ vuna ya, hã a ndilo dana.

BUYOY MUCUW NAŊ 19:37

Ngi pas numuŋ ada na, Senakerip ara dir dibiɗ ar hay ngi kuli naŋ Nisrok. Akẽh na, ziri naŋ mizilehey cuw a kiɗaka vagay ti maslalam, joˀ taŋ a kilam nga hirwuy Ararat. Joˀ Asarhadoŋ, mangal naŋ mekelem pal ma, a zuɓa li naŋ.

ESDRAS 1:5

Akẽh na, buy ngi wuzla muyoy ar sukwi ngi Zuda ati ngi Benjameŋ, yo masayay ati levihey, waɗ mizli gar, Buymisemuŋ mica taŋ wuluk ngi ru nga ndira hay ngi Bumbulvuŋ a Zeruzaleme, a jaka jiviɗe, a ram so.

ESDRAS 2:2

Mukoko taŋ mbuŋ i ti: Zorobabel, Yesuwa, Nehemiya, Seraya, Relaya, Mordokay, Bilesaŋ, Mispar, Bigivay, Rehum waɗ Baˀana. Mizli Israyel, mizileheye t'ani:

ESDRAS 3:12

Mizli haɗi a wuzla masayay, levihey, buy ngi hay ngi wuzla mizli misi vi haɗa haɗahaya, mupuraka hay ngi Bumbulvuŋ misi zleˀe ti hiri taŋ na, a tuwam ti gidaŋ, naɓa ara ɗuvaka virzi ngi hay nawaya ngi Buymisemuŋ. Amma mizli haɗa ara jam salalay aya.

ESDRAS 3:2

Yesuwa masay, mangal ngi Yosadak ati sukum naŋ masayaya, waɗ Zorobabel, mangal ngi Seyaltiyel ati sukum naŋhaya, a zlaka ndira li gi mikuli da Buymisemuŋ ngi Israyele, ɓa a gam mikuli mizlam zlam anga, kaɓa mutohoko ɓi naŋ angi ɓimujuwa ngi Moyis, mbur ngi Buymisemuŋ.

NEHEMI 9:32

Na wurenna so na, ka Buymisemuŋ ndra, Buymisemuŋ madiɗa, migidaŋ, magi zluwun da mburu, ma ngila jumoˀaya ta, yo ki Buymisemuŋ miteŋteŋ. Bonoy ndra mijam di hirnga ati buy madiɗa ndrahay, buy meciɗek ndrahay, masay ndrahay ati mijiviɗ ɗik ngi si ndrahay, dideˀ ndrahay ati mizli ɗikey gar na, ki slimiɗ anga takwa. I bonoy mindilo ndra zle ti hin ngi buy Asirihey, hã dana na.

EZAYI 37:37

Senakerip, buy Asiri a slikiɗa walahay guɗuk naŋ, a mi nga Niniv, a cifi a diga.

EZAYI 37:38

Ngi pas numuŋ ada na, Senakerip ara dir dibiɗ ar hay ngi kuli naŋ Nisrok. Akẽh na, ziri naŋ mizilehey cuw, Adramalek ati Sareser, a kiɗaka vagay ti maslalam, a kilam nga hirwuy Ararat. Dar Asarhadoŋ mangal naŋ, a zuɓa li naŋ.

Ɗerewol OZE 14:3

Moko ng'avu Bumbulvuŋ, ɓakaŋ: «Gwat malambaˀ ndra migaka gar na, puya ndra taŋ avra, gwat mezle ndrahay na, tiɓa taŋ. Ar deɗe ngi mikuli ti gusoŋhoy na, ndr'i vulukuw mingiɓi ngi balam ndra.

GALATAY 2:4

Ko ti sukum ndra misi slirey mujumoko ng'avi ndra, muwuɗam ci naŋ na kwana, a cakaŋ ta. Mizli tayna, a slirkiɗoko nga wuzla ndra, ɓa a jiɗaka luuma hirnga ndra, asi ndra mujom ati Yesu Kristu na. Taŋ a wuɗam ɓa a tiram ti ndra bekehey.

TIMOTE MUCUW NAŊ 3:8

Mizli tayna ara slam himaˀ kaŋ kaŋ avu ɓi mikaslsla, kaɓa Zannes ati Zamberes mislam himaˀ kaŋ kaŋ avu Moyis na ya. Taŋ ti wuluk ngi gi moˀore, t'anta dar dar ar tiɓi ta.