ESDRAS 4:12 - Bible en langue guiziga

¹² «Buy madiɗa ndra, i ra fukuw ɓi ani. Mizli Zudahay muboko baɗ tivi ka akẽh, mindiloko avu ndra a Zeruzalem aka na, ara ndiraka walahaya, hiri naŋ a muŋ, na zle i walahay mislikiɗa ɓi, yo i mukuwaŋ. A wuɗam ɓa a lumaka virzi ngi moholo, yo ɓa a slikiɗaka hiri ngi mohol a muŋ kini.

ESDRAS 4:12 ပူးပေါင်းရင်းမြစ်များ

BUYOY MUCUW NAŊ 18:20

Ki ɓi le ani: Ɓa ngi luuma kuti ati gidaŋ ngi gi vurum na, i mi ɗaˀ purla tew si? Ɓa ki slikiɗ ɓi avu yakanah vuna, ki ɗuva wuluk ɗike taˀ ar waka?

BUYOY MUCUW NAŊ 24:1

Ti hin ngi zumabuy ngi Zoˀakiŋ na, Nebukodonozor, buy madiɗa ngi Babiloŋ, a zla ara zuma hirwuy Zuda. Buy Zoˀakiŋ a hin hirnga a mbuŋ naŋ, hã vi makir. Amma ar kiɗa mi ngi vi mimakir naŋ na, buy Zoˀakiŋ a sli himaˀ a muŋ avu buy Nebukodonozoro.

ƁI NGI HINEY MUCUW NAŊ 36:13

Nabukodonozor muhudumoŋ ti slimiɗ ngi Bumbulvuŋ tuwa ma na, a sli himaˀ, hirnga gidaŋ, mbak mo ng'avu Bumbulvuŋ Buymisemuŋ ngi Israyele jak ma.

ESDRAS 4:11

Mingiɓi mutoho ar ɗerewol taŋ vuna ani: «Hana i ɗerewol da buy Artakzerses, mutuhukuw di gawla ɗikey mipam tisi pas ngi pastaˀ ngi mizaw Efrat, waɗ ngir li mekelemey.

ESDRAS 4:15

ɓa mizli a wunjilaka ɗerewol ngi wulka ɓi keŋ, ngi dideˀ ɗikey zleˀe na. Ki sa luuma ar ɗerewol nah na, walahay nah, i walahay mislikiɗa ɓi ndrehhe, mira so ti mendere da buyoy waɗ da hirwuy ngi buy miwi li vuna. Yo diga zlezle vuna kwana, mizli ngi raˀahay a pulaka slikiɗa ɓi ɗaˀ ta si. Miwahaka walahay nah zleˀe vuna, aseˀeŋ.

ESDRAS 4:19

Yi vula jiviɗ le da mizli, a wunjilaka le, a lumaka na, diga misi ngadana ta vuna si na, walahay Zeruzaleme, ada slikiɗ ɓi ar buyoyo. Mizli ngi raˀahay a vulaka vu taŋ ngi slikiɗa ɓi waɗ ngi zlira mizli.

ESDRAS 5:3

Hirak ti hin nah vuna si na, Tatenay buy miwi li ngi si pas ngi pastaˀ ngi Efrat waɗ Setar-Bozinay ati cil taŋhaya, a soko lumaka taŋ a cufuɗaka taŋ: «Muvulukum jiviɗ ngi ndira hay hana waɗ ngi slikiɗa moholo hiri naŋ a muŋ i waka?

ESDRAS 5:9

Dar i cufuɗaka mizli micawwahay tayna: ‹Mupulukum jiviɗ ngi ndira hay hana ati moholoyo hiri nah a muŋ i waka?›

NEHEMI 1:3

Taŋ a mbiɗikiy di: «Mizli mumoko ti ruwuy mulak, nga ruwuy buy Zuda miwa a diga, a roko ti bonoy madiɗa waɗ ar mesem. Asi mike na, a slinaka mohol ngi Zeruzaleme le njoŋ njoŋ, yo ma na, a wuraka miviŋ ngi mizlingreheye le.»

NEHEMI 6:6

A ɓi angi letir vuna na: «Maɓaka ɓi ɗik a wuzla sukwi ngi mizli yudehey ta ko a maka gar na, i ra cinaka, yo ko Gesem kwana, a ɓiy di le. A ɓi na: Ka ati Yudeheye, ki wuɗam ɓa ki slikiɗam ɓi. Yo ka mandira mohol na vurˀe, ɓa kisa cifi buy taŋ kini.

ESTER 3:8

Akẽh na, Haman a ɓa buy Zersese: «Kumani, mizli ada na, sukwi taŋ gwah pal, taŋ suɓulak a wuzla mizli ngir li buyoy miwaka taŋ gar asi ruwuy ɗik, ka mazum buy anga gar. Ɓimujuwa nga taŋ naŋ pal avu ngi mizli gar. Yo ɓi ngi ka buy mujuwa na, taŋ, t'anta sipaka ta. Ɓa ki pula taŋ setette kanah na, ko t'anta pulukuw gir neˀ ta.

ZEREMI 52:3

Gwat migi a Zeruzalem waɗ a Zuda na, a slikiɗa mevel le da Bumbulvuŋ, mbak hã a pula mizli naŋhaya kileŋ ava. Sedekiyas a slikiɗ ɓi avu buy madiɗa ngi Babiloŋ.

DANIYEL 3:8

Neˀ a dirba naŋ si na, Babiloŋhoy cah a soko, a wudam ti Yudeheye.

DANIYEL 9:25

Sina sin le, yo sla wala nah, mingiɓi mubo ɓa mizli mijahay a moko, yo waɗ ngi ndira walahay Zeruzalem hiri naŋ a muŋ, ɓa hã buy mipaŋ mal ngi vula slra a bo na, naɓa vihey ada tarnaˀ tarnaˀ makaw tarnaˀ. Ar vihey tarnaˀ tarnaˀ makaw kukur merkeɗ ngaˀ cuw na, a sa ndiraka walahay ati mohol naŋhaya a muŋ, amma a sa gi i hin mutuwaˀ.

Ɓimezle ngi Yesu Kristu LUK mitil di mi 13:34

Kay, Zeruzalem, Zeruzalem, ka makiɗa mijiviɗey vagay vagay, ka makuyupa mizli mislinukuw taŋ na! Yi wuɗ le zleˀe sar mbeˀ mbeˀ, ɓa yi cikila ziri ɗikeye, kaɓa kucukur mahuruk ar ziri naŋhay, amma ki ngum ta.

SLRA 24:5

Ndr'i lumaka mbur misenna, i mihirya vu wãˀ. A ra slikiɗ ɓi a wuzla Yudehey ngir duniya kurzluˀ. Naŋ i buy ngi mizli micah mekelemey mazilaka taŋ Nazaretey.

TESALONIKEY MUDUMBUŊ NAŊ 5:22

Kiraham kileŋ tivi ɓi malambaˀ ko wanaka gar.