ESDRAS 4:10 - Bible en langue guiziga

¹⁰ waɗ mizli mekelemey, Asnapar mbur madiɗa, yo mbur hirnga mija taŋ nga ruwuy mulak, miɓi ɓa a pam ar walahay Samari waɗ ar li mindir ngi si ruwuyo, kini tisi pas ngi pastaˀ ngi Efrat tuwa.»

ESDRAS 4:10 ပူးပေါင်းရင်းမြစ်များ

ESDRAS 4:1

Mesene ngi Yudehey ati ngi Benjameŋhey micinam cin, mizli mijahay nga ruwuy mulak, mimam tuwa, ara ndiram hay da Bumbulvuŋ, Buymisemuŋ ngi Israyel na,

ESDRAS 4:11

Mingiɓi mutoho ar ɗerewol taŋ vuna ani: «Hana i ɗerewol da buy Artakzerses, mutuhukuw di gawla ɗikey mipam tisi pas ngi pastaˀ ngi mizaw Efrat, waɗ ngir li mekelemey.

ESDRAS 4:17

Buy Artakzerses a mbiɗa taŋ di ani: «Ɗerewol hana da Rehum, buy miwi li ati Simesay, mbur mutoho gwat, waɗ da cil kum mekelemey mipam a Samari waɗ tir li mindir tisi pas ngi pastaˀ ngi mizaw Efrata, jam jam kum.

ESDRAS 7:12

«Artakzerses, madiɗa ngi buy madiɗahay, matuhuw letir hana da ka Masay Esdras misina ɓimujuwa ngi Buymuŋ le kuy kuy, ndir zuy zuy.

NEHEMI 4:2

Taŋ gar taŋ, a ngiɓam ˀay purla, ɓa a soko zlam kiɗa vu ati walahay Zeruzaleme, ɓa a hiryakaŋ.

NEHEMI 9:32

Na wurenna so na, ka Buymisemuŋ ndra, Buymisemuŋ madiɗa, migidaŋ, magi zluwun da mburu, ma ngila jumoˀaya ta, yo ki Buymisemuŋ miteŋteŋ. Bonoy ndra mijam di hirnga ati buy madiɗa ndrahay, buy meciɗek ndrahay, masay ndrahay ati mijiviɗ ɗik ngi si ndrahay, dideˀ ndrahay ati mizli ɗikey gar na, ki slimiɗ anga takwa. I bonoy mindilo ndra zle ti hin ngi buy Asirihey, hã dana na.

ROMAHAY 13:7

Gwat ngi wuruk da mbur gar na, wurkakaŋ di. Buutu da mbur micikila buutu, laada da mitiɓi laada. Mbur zliv ngi zluwun di na, zluwunam di, mbur zliv ngi ɗuvaŋ hirnga kwana, ɗuvakaŋ di.