ESDRAS 3:9 - Bible en langue guiziga

⁹ Yesuwa ati ziri naŋhay waɗ sukum naŋhay, Katmiyel ati ziri naŋhay, misi i muy ngi Hadaviyahaya, taŋ jom gar taŋ, a cicam gak gak ngi jigina mbur gar magi slra ngi hay Buymisemuŋ. Muy ngi Henadatay ati ziri taŋhay waɗ levi, sukum taŋhaya, ɓi taŋ ɗaˀ le ta.

ESDRAS 3:9 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 23:4

Davit a wini asi taŋ mizli durmuk kukur cuw nga mufaɗ ngi jigina slra ngi ndira hay ngi Bumbulvuŋ. Mizli durmuk merkeɗ ngi toho gwatay waɗ ngi gi kiita.

ƁI NGI HINEY MUCUW NAŊ 34:12

Mizli ara gaka slra taŋ ti mevel mezle, levi, buy ngi slraˀahaya, i ti: Yahat ati Obadiya angi muy ngi Merarihey waɗ Zakari ati Mesulam angi muy ngi Kehatay. Levi mekelemey cek misinaka kiɗa gwat ngi dunguroy na,

ESDRAS 2:40

Ngay ngi levihey ani: dideˀ ngi Yesuwa ati ngi Kaɗmiyeley, a mbiɗeˀvra, dideˀ ngi Hadaviyahay: kukur tarnaˀ nga mufaɗa.

ESDRAS 3:8

Ar kiya mucuw naŋ, ngi vi mucuw naŋ, taŋ mindilam angi li ngi hay ngi Buymisemuŋ a Zeruzaleme na, Zorobabel, mangal ngi Seyaltiyel, Yesuwa, mangal ngi Yosadak, waɗ is ngi sukum taŋ masayaya, levihey ati mizli gar mumoko nga Zeruzalem tir hirwuy mijaka taŋ nga diga na, a zlaka a cam levihey misi vi kukur cuw malla mufuna le, ɓa a jiginaka slra ngi ndira hay ngi Bumbulvuŋ.

NEHEMI 3:24

A dirba naŋ, ar li micah vay mekelem, zle avu hay ngi Azariya, hã sesẽŋ avu zlirɗi ngi, magi slra i Benuwi, mangal ngi Henadat.

NEHEMI 7:43

Leviheye: i dideˀ ngi Yesuwahay, ngi Katmiyel ati ngi Binuwihey, waɗ ngi Hodevahay: ziley kukur tarnaˀ nga mufaɗ.