ESDRAS 3:8 - Bible en langue guiziga

⁸ Ar kiya mucuw naŋ, ngi vi mucuw naŋ, taŋ mindilam angi li ngi hay ngi Buymisemuŋ a Zeruzaleme na, Zorobabel, mangal ngi Seyaltiyel, Yesuwa, mangal ngi Yosadak, waɗ is ngi sukum taŋ masayaya, levihey ati mizli gar mumoko nga Zeruzalem tir hirwuy mijaka taŋ nga diga na, a zlaka a cam levihey misi vi kukur cuw malla mufuna le, ɓa a jiginaka slra ngi ndira hay ngi Bumbulvuŋ.

ESDRAS 3:8 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 23:4

Davit a wini asi taŋ mizli durmuk kukur cuw nga mufaɗ ngi jigina slra ngi ndira hay ngi Bumbulvuŋ. Mizli durmuk merkeɗ ngi toho gwatay waɗ ngi gi kiita.

ƁI NGI HIN GAR MUDUMBUŊ NAŊ 3:17

Yekoniya, mbur mijakaŋ nga Babiloŋ na, ziri naŋ mizileheye, i ti: Seˀaltiyel,

ESDRAS 10:18

A wuzla masayaya, muzuɓam ngwasay, ziri mulakaya, t'ani: A wuzla dideˀ ngi Yesuwahay ati sukum naŋ, ziri ngi Yosadakaya, i ti: Maˀaseya, Eliyezer, Yarip, waɗ Gedaliya.

ESDRAS 2:2

Mukoko taŋ mbuŋ i ti: Zorobabel, Yesuwa, Nehemiya, Seraya, Relaya, Mordokay, Bilesaŋ, Mispar, Bigivay, Rehum waɗ Baˀana. Mizli Israyel, mizileheye t'ani:

ESDRAS 3:2

Yesuwa masay, mangal ngi Yosadak ati sukum naŋ masayaya, waɗ Zorobabel, mangal ngi Seyaltiyel ati sukum naŋhaya, a zlaka ndira li gi mikuli da Buymisemuŋ ngi Israyele, ɓa a gam mikuli mizlam zlam anga, kaɓa mutohoko ɓi naŋ angi ɓimujuwa ngi Moyis, mbur ngi Buymisemuŋ.

ESDRAS 4:24

A cicaka slra ngi ndira hay ngi Buymisemuŋ a Zeruzaleme. Taŋ ɓi micicaka na, hã a ndila hin ngi Dariyus, buy Perse maɓul vi mucuw naŋ ar zuma buyo.

ESDRAS 4:3

Amma Zorobabel, Yesuwa waɗ buy ngi hay ngi wuzla mizli Israyeleye, a ɓaka taŋ: «Ndr'anta jumom ati kumo ngi ndira hay da Buymisemuŋ ndra ta. I ndra pal ndra mandiraka hay da Bumbulvuŋ, Buymisemuŋ ngi Israyele, kaɓa Sirus, buy Perse mupula ndra jiviɗ naŋ na.»

ESDRAS 5:16

Sesebasar a so nga Zeruzalem aka so, a ɗuva virzi ngi hay ngi Buymisemuŋ. Zle ti nana, hã wurenna, ara ndiraka haya, amma a kiɗ mi t'aruŋ.›

ESDRAS 5:2

Akẽh na, Zorobabel mangal ngi Seyaltiyel waɗ Yesuwa mangal ngi Yosadaka, a slikiɗam, dar a zlaka ndira hay ngi Buymisemuŋ a Zeruzaleme, yo mijiviɗ ngi Bumbulvuŋhoy ada, dar a jinaka taŋ.

Ɗerewol AZE 1:1

Ar vi mucuw naŋ ngi Dariyus mazum buyo, hin mudumbuŋ ngi kiya mimerkeɗ naŋ na, Zorobabel, mangal ngi Seyaltiyel, buy miwa hirwuy Zuda, yo Yesuwa, mangal ngi Yosadak, masay madiɗa na, Bumbulvuŋ a ɓa mijiviɗ naŋ Aze, ɓa a ɓa t'ani:

ZAKARI 4:9

Muɗuva virzi ngi hay misenna i Zorobabel ti haŋ naŋ, yo i naŋ masa kiɗa mi ngi ndir naŋ ti haŋ naŋ ma.» Dar kisa sinaka i Bumbulvuŋ misi gidaŋ wãˀ mislino ya ng'avu kumo.

ZAKARI 6:12

Ki sa ɓaŋ na: ‹Bumbulvuŋ misi gidaŋ wãˀa, a ɓi ani: Mbur ani, a zilaka Hilfa, a sa pus ar li naŋ micici le anga gar, a sa ndiriy hay da ya Bumbulvuŋ.

SLUFA VU 4:3

Mizli gar mindilaka le vi kukur makir, hã kukur zlum na, a sa vulaka taŋ slra mekelemey ada ngi gi ar guɗuk ngi zlir ti ya.