ESDRAS 3:7 - Bible en langue guiziga

⁷ Waɗ ma na, a wurkaka miciɗa ɗuguroy waɗ mujuwa marjahaya, yo a vulaka gwat ngi zum, gwat ngi si waɗ mal da mizli Sidoŋhoy ati mizli Tirey, ɓa taŋ kwana, a slinoko taŋ dum ngi widis miter ngi Libaŋ tir mubuliy, hã sesẽŋ a Zafa. A gaka kanah, asi Sirus, buy ngi Perse, a vula taŋ jiviɗ nah le.

ESDRAS 3:7 ပူးပေါင်းရင်းမြစ်များ

SAMUYEL MUCUW NAŊ 5:11

Hiram, buy ngi Tir a slino mizli ng'avu Davite ti dum ngi miter, ti mikiɗa hayay, ti misina puɗka ɗugur ngi ndira mohol, a ndiraka hay da Davite.

BUYOY MUDUMBUŊ NAŊ 5:6

Salomoŋ, naŋ ti hayay durmuk kukur mufaɗa, da pilisey ati mota ngi vurumoy. Yo naŋ ti misi pilisey durmuk kuruˀ nga cuw.

BUYOY MUCUW NAŊ 12:10

masay Yoyada, a zuɓ akoti, a slin vigiɗ hirak ar gandaf naŋ na, waɗ a ɗuva taˀ a ciki li gi mikuli. Da kaɓa mizli ara cam ng'ar hay ngi Bumbulvuŋ na, akoti nah vuna naŋ tir hazum. Migi mikuli mijigina mizlingreheye, dala mizli ma soko di ng'ar hay ngi Bumbulvuŋ gar na, a paka ng'araŋ.

BUYOY MUCUW NAŊ 12:13

Yo ngi wurka mindira hayay ati mubusla ɗuguroy, ngi hiɗika mbalay ati ɗugur mislahay ti sli ngi ɗiya gwat mihiryahay le avu hay ngi Bumbulvuŋ, na zle si na, ngi wurka gwatay gar ngi ɗiya hiri ngi hay ngi Bumbulvuŋ.

ƁI NGI HINEY MUCUW NAŊ 34:10

Dar a vulaka asi haŋ ngi mizli migi slrahay, misi taŋ i buyɓi ngi hay ngi Bumbulvuŋ. Migi slra ngir hay ngi Bumbulvuŋhoy tuwa, a ɗiyam di hiri ngi hay ngi Buymisemuŋ.

ESDRAS 3:6

Zle ti hin mudumbuŋ ngi kiya mitarnaˀ naŋ si na, a zlaka gi mikuli mizlam zlam da Bumbulvuŋ. Naɓa a ɗuvaka virzi ngi hay ngi Bumbulvuŋ vuna t'aruŋ ngbaŋ.

EZEKIYEL 27:17

Zudahay ati hirwuy Israyel kwana, ada soko gam terere a hay ɗike ya. A sukuw ti alkamari ngi ruwuy Minit, magaya, mam, mal waɗ mukuturɓuy mazĩˀĩ ndum haɗa.

ZONAS 1:3

Amma Zonas a slikiɗ nga naŋ, ɓa a kil nga Tarsis, kileŋ avu Bumbulvuŋ. A pi sar nga Zafa, a lum palalam a diga maru nga Tarsis. A wurka dala ngi palalama, a ci asi migi slra ngir palalamaya, ɓa aru nga Tarsis, kileŋ avu Bumbulvuŋ.

SLRA 12:20

Herod a ji mevel le haɗi teˀe, angi mizli ngi Tir ati ngi Sidoŋhoyo. Amma taŋ a ngiɓam ˀay, ɓa a soko nga mbuŋ naŋ. Joˀ a rucoko mi da Blastus, mbur madiɗa mijigina hay ngi buyo. A jina taŋ ngi ci ng'avi Herodo. A cufuɗaka Herodo ɓa a ndiram jam jam, asi hirwuy taŋ a lumo gwat ngi zumo ti ngi hirwuy ngi Herod vuna.

SLRA 9:36

Ngwas mitiɓi mekelem ada a Zafa, a zilaka Tabita. Ti mi Greke, ‹Dorkas›, mbiɗeˀvra: ‹Mangazaw› A gi gwat mezlehey haɗi teˀe, a jina misi murgahaya haɗi.

SLRA 9:38

Lida naŋ gweˀ avu Zafa jaka, mitiɓihey micinaka Piyere naŋ da a diga na, a slinam mizli cuw nga zil naŋ, a ɓakaŋ: «Ambuh, wuso vu ng'avi ndra.»

SLRA 9:43

Piyer a zik a Zafa haɗi, a hay Simoŋ mekelem ada, i mbur mufukuɗa garaka.