ESDRAS 3:5 - Bible en langue guiziga

⁵ A dirba nah, a gam mikuli mindrehhe, mikuli mizlam zlamay ngi kiya muslo le, waɗ ngi hin ngi muguzlumoy mihĩˀĩ ngi Bumbulvuŋ ati ngi mizli gar mavulam gwat ngi mongoy taŋ da Bumbulvuŋ.

ESDRAS 3:5 ပူးပေါင်းရင်းမြစ်များ

ƁI NGI HINEY MUCUW NAŊ 31:14

Kore, mbur levi, mangal ngi Imna, mijigina mizlingre vay ngi si pas ngi miprike, slra nga naŋ i gi welele ti gwat mizli muvulaka le da Buymisemuŋ, yo gwat muvula le da Bumbulvuŋ ati gwat mipal wãˀ na, mawuɗoka taŋ i naŋ.

ESDRAS 3:6

Zle ti hin mudumbuŋ ngi kiya mitarnaˀ naŋ si na, a zlaka gi mikuli mizlam zlam da Bumbulvuŋ. Naɓa a ɗuvaka virzi ngi hay ngi Bumbulvuŋ vuna t'aruŋ ngbaŋ.

NEHEMI 10:34

I gwat masa gi slra ngi sa luuma ɗaf ngi bigi da Bumbulvuŋ, ngi mikuli magaka mbak le ta, ngi mikuli ngi zlum ti zlum mimbak le ta ati ngi gi tapas sabat, ngi mikuli ngi kiya muslo le ati ngi muguzlumoy, ngi gwat muvulahay le da Bumbulvuŋ, ngi mikuli ngi zuɓa mungra ngi Israyeley avra, waɗ ngi slra ngi gihey wal wal gar ar hay ngi Buymisemuŋ ndra.

ZEREMI 33:18

Ar tizer ngi Levi, masay ngi cici a mbuŋ ɗu, ngi gi mikuli mizlam zlam, ngi wura gwat ngi vuloy waɗ ngi gi mezegwel vur hin gar na, anta sa kic ta ndiɗaˀ.

LEVIHEY 1:2

«Ɓa Israyeleye na: da kaɓa mbur muwuɗ le ɓa a vuliy gwat da ya Bumbulvuŋ ngi giy di mikuli na, sey a so di i tumuŋ, ˀaw malla sla.

LEVIHEY 1:3

Da mbur a wuɗ le, ɓa a gi mikuli mizlam zlam wãˀ ti sla na, sey a jo di i sla mizile, manja hereweɗ ava. Aru di nga mizlingre guɗuk ngi zlir ti ya, ɓa i tiɓaŋ.

LEVIHEY 23:2

«Ɓa Israyeleye: Muguzlum madiɗahay ngi Bumbulvuŋ na, i hin kum masa zilam di vu ngi gi kus ti slimiɗ ɗu. Hin ngi kus madiɗa tayna, t'ani:

SLUFA VU 28:14

Mbaazla ngi puslo kwana: vur gusoŋ gar na, mbaazla litir makir ngi puslo, zlengereke, litir cuw, zuŋ tumuŋ, litir pal ti reta. Angi vi tiŋ na, mikuli kum masa gaka ar hin mudumbuŋ ngi kiya gar na i hana.

SLUFA VU 28:19

Ki sa gam mikuli mizlam zlam wãˀ da ya Bumbulvuŋ: ti gusoŋhoy cuw, zlengerek pal, waɗ ziri tumuŋ ngi vi pal palay tarnaˀ, ginew manja hereweɗ avu taŋ.

SLUFA VU 28:27

Ki sa gam mikuli mizlam zlam: ti gusoŋ cuw, zlengerek pal waɗ ziri tumuŋ ngi vi pal palay tarnaˀ. Ziˀĩ taŋ mundum na, a sa tisliy mevele.

SLUFA VU 29:13

Hin mudumbuŋ naŋ na, kisa gam mikuli zlam zlam da ya Bumbulvuŋ ti gusoŋ kuruˀ nga makir, zlengerek cuw, ziri tumuŋ ngi vi pal palay kuruˀ nga mufaɗ, i ginew manja hereweɗey gar. Ziˀĩ taŋ mundum na, a sa tisliy mevel da ya Bumbulvuŋ.

SLUFA VU 29:2

Ki sa gam mikuli mizlam zlam da ya Bumbulvuŋ: ti gusoŋ pal, zlengerek pal waɗ ziri tumuŋ ngi vi pal palay tarnaˀ, ginew manja hereweɗey gar. Ziˀĩ taŋ mundum na, a sa tisliy mevel da ya Bumbulvuŋ.

SLUFA VU 29:39

«Mikuli kum masa gikiy taŋ da ya Bumbulvuŋ ar hin naŋhay kasl kasl na, i taŋ. Ki sa gaka taŋ jom ng'avi mikuli kum ngi jimihey, ngi mongoy kum, ngi zlum ti zlum, ng'avu sedege ti hapa, ti mbaazla ngi pusl, waɗ mikuli ngi luuma zuyo.»

SLUFA VU 29:8

Ki sa gam mikuli mizlam zlam da ya Bumbulvuŋ: ti gusoŋ pal, zlengerek pal waɗ ziri tumuŋ ngi vi pal palay tarnaˀ, i ginew manja hereweɗey gar. Ziˀĩ taŋ mundum na, a sa tisliy mevel.

Slu cuw 12:17

Mukuruˀngi alkamari kum, ngi mbaazla si kum, ngi mal kum, ko modogom ngi sla kumoy, ngi tumuŋ kumoy, ngi ˀaw kumoy, ko gwat kum mavulaka ngi mongoy kum, waɗ kum mavulaka ngi mevel kum malla ngi ji mi ngi Bumbulvuŋ gar na, ki zumaka taŋ ar walahay kumoy tehhe ta.

Slu cuw 12:6

Mikuli kumoy ti ginew zlam zlam, mikuli ngi jumoˀaya nga diga. Mukuruˀngi gwat ngi migam kumoy, gwat ngi vul ngi mongoy kum, waɗ kum masoko di ngi mevel kum malla ngi ji mi ngi Bumbulvuŋ, modogom ngi sla, ngi ˀaw ati ngi tumuŋ kumoy gar na, kisa ram taŋ nga diga.