ESDRAS 3:13 - Bible en langue guiziga

¹³ Mbak ko ˀay ngi salalay ati ngi tuwuyo, anta sli wala mata, asi mizli majam salalay cõh cõh macin kileŋ tuwa.

ESDRAS 3:13 ပူးပေါင်းရင်းမြစ်များ

BUYOY MUDUMBUŊ NAŊ 1:40

A dirba nah, mizli gar a moko ng'ar walahaya, hiɗim hiɗim a dirba Salomoŋ, a fam bozloro, a zluzluɓam, a wudam hã hirwuy a jijik ngbir ngbir.

BUYOY MUDUMBUŊ NAŊ 1:45

Masay Sadok ati mijiviɗ Nataŋ a pakaŋ mal ngi caŋ buyo a Gihoŋ. A dirba nah, a moko ti diga bal ti mumul. Walahay gar ara zluzluɓ. Kum micinam na, i ˀay ngi mumul nah vuna so.

ESDRAS 3:12

Mizli haɗi a wuzla masayay, levihey, buy ngi hay ngi wuzla mizli misi vi haɗa haɗahaya, mupuraka hay ngi Bumbulvuŋ misi zleˀe ti hiri taŋ na, a tuwam ti gidaŋ, naɓa ara ɗuvaka virzi ngi hay nawaya ngi Buymisemuŋ. Amma mizli haɗa ara jam salalay aya.

ESDRAS 4:1

Mesene ngi Yudehey ati ngi Benjameŋhey micinam cin, mizli mijahay nga ruwuy mulak, mimam tuwa, ara ndiram hay da Bumbulvuŋ, Buymisemuŋ ngi Israyel na,

NEHEMI 12:43

Tapasa, mizli a gam mikuli haɗi teˀe da Buymisemuŋ, a mumulom haɗa, asi Buymisemuŋ a vula taŋ mumul le haɗa teˀe. Ngwasay ati ziri kwana, a mumulom haɗa ya, hã mumul taŋ na, a zuɓa le ngiɗ ngiɗ.

DIMISEY 5:11

Aw Bumbulvuŋ ɗu, wurka taŋ malambaˀ taŋ na. Anja gwat taŋ majuwaka a mevel taŋ ngi gi na, a hizigiɗa taŋ. Ɓula taŋ avra, asi gwat malambaˀ, taŋ migaka gar na. Asi mike na, a slikiɗam ɓi le avu ka.

ZEREMI 33:11

ˀay ngi zluzluɓ, salalay, dimis ngi mbur mazuɓ ngwas ati mumul ngi ngwasa, waɗ dimis ngi mizli ma ram ti mikuli ngi hunuma vu ar hay ngi Bumbulvuŋ, a sa zlaka na: ‹Mumuloko Bumbulvuŋ misi gidaŋ wãˀa, asi naŋ mezle, yo gi teŋteŋ naŋ hã ngi sete.› Haˀaw, i sa mo ti mizli ngisi ruwuy hana a muŋ, a sa tiri kaɓa naŋ misi zleˀe a muŋ.» I ya Bumbulvuŋ maɓi.

ZEREMI 50:4

Tapasa, ar nah vuna si na, Israyeley ati Yudehey a sa ram arleˀe. A sa ram bal ti tuwuy, a sa gam welele ngi ru ti sipa Bumbulvuŋ, Buymisemuŋ taŋ. I ya Bumbulvuŋ maɓi.

ZAKARI 4:7

«Ka muwã madiɗa, ka vuna ki waka? Ki sa tiri li cay a mbuŋ Zorobabele. A sa bo ti ɗugur ngi mivaya tisi ka, kaˀ ar li babara, joˀ mizli a sa jam salalay vurˀeŋ: «Sise! Sise!»

MIGI KIITAHAY 2:5

A caka slimiɗ da li nah Bokim, dar a gam mikulihey da Bumbulvuŋ a diga.

SAMUYEL MUDUMBUŊ NAŊ 4:5

Akoti ngi jumoˀay ngi Buymisemuŋ mindilo ndil ar li taŋ mipam sar tuwa si na, Israyeley gar, a zluzluɓam ti ji salalay cǝruw cǝruw cǝruw, hã hirwuy a wus hiɓik hiɓik.